1Kemuni na Kalou, sa dei na yaloqu;
au na sere ka vakavinavinaka,
ia ka'u na vakaiukuukutaka.
2Drau yadra mai, na soliteri kei na api!
Ia koi au ka'u na souta e na mataka.
3Au na vakavinavinaka vei kemuni Jiova, e na kedra maliwa na veimatanitu,
au na sere vei kemuni e na kedra maliwa na veimatatamata.
4Ni sa sivia na lomalagi na cecere ni nomuni loloma tudei,
ka sa yacova na dela ni o na nomuni yalodina.
5Mo ni cecere, na Kalou, ka me lolovira ko lomalagi,
ka me roboti vuravura taucoko na nomuni lagilagi.
6Me vakabulai kina ko koya ko ni sa lomana,
mo ni vakabulai au e na ligamuni matau, ka rogoci au.
7Sa yalataka oti na Kalou e na nona yalosavasava:
“Au na wasewasei Sikemi e na reki
ka vakarautaka na buca mai Sukoci.
8Sa noqu ko Kiliati; sa noqu ko Manasa;
ai vakaruru ni uluqu ko Ifereimi;
a noqu tamata daulewa ko Juta.
9A noqu i vuivui ko Moapi;
ka'u na viritaka ki Itomi na noqu i vava;
ka'u na kaila e na qaqa vei Filisitia.”
10O cei ena kauti au ki na koro kaukauwa?
O cei ena tuberi au ki Itomi?
11Oi kemuni na Kalou, se segai, oi kemuni ka sa biuti keimami?
Ia koi kemuni na Kalou, ko ni sa sega ni lako vata kei na neimami valu?
12Mo ni vukei keimami mai na ka rarawa,
ni sa sega ni yaga na nodra veivuke na tamata.
13E na vuku ni Kalou eda na gugumatua;
ni sai koya ga ena buturaka sobu na noda meca.
Who We AreWhat We EelieveWhat We Do
2025 by iamachristian.org,Inc All rights reserved.
