Maika Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala TaumadaNa parofita ko Maika e bula donuya na gauna ni veiqaravi i Aisea, ka lako mai na dua na koro e Juta, na matanitu ena ceva. Sa vakadinata ko koya ni sa vakarau yacovi Juta na leqa vata ga sa yalataka oti ko Emosi me na yaco ki na matanitu ena vualiku, ka sa duavata ga na vuna — ni na cudruva ga na Kalou na nodra i valavala tawa dodonu na tamata. Ia sa matata sara ena i tukutuku i Maika nai vakatakilakila eso ni vakanuinui ki na veigauna vinaka mai muri.E ganita me nanumi na veitikina vakaiyaloyalo ni veisaututaki e vuravura ena ruku ni lewa ni Kalou (4.1-4); na yalataki ni tui levu ka na tubu mai ena dua na vuvale ena kawa i Tevita, o koya me na kauta mai na tiko vinaka kei na sautu ki na vanua (5.2-5a); kei na dua ga na tikina, oqori nai soqoni se i vakalekaleka ni veika era sa tukuna na parofita ni Isireli: Ia ka cava tale sa taroga mai vei iko ko Jiova, mo caka dodonu ga, ka mo vinakata na yalololoma, ka mo yalomalumalumu talega ni drau lako vata kaya na nomu Kalou. (6.8)Na Lewe ni VolaSa cudruvi ko Isireli kei Juta 1.1—3.12

Sa yaco tale na veisaututaki 4.1—5.15

Nai tukutuku ni veivakasalataki kei nai nuinui 6.1—7.20