Same 70 - Ai Vola Tabu (Vakadewa Makawa Vakavoutaki 2021)（FRV21）

A Masu ni Kere Veivuke e na Gauna ni Veivakararawataki Vua nai liuliu. A nei Tevita, me baleta nai soro ni veivakananumi.

(Same 40.13-17)

1Mo ni kusarawa, na Kalou, mo ni vakabulai au.

Mo ni kusarawa, Jiova, ni vukei au!

2Me ra vakamaduataki ka taqaya

era sa saga na yaloqu.

Me ra vakalesui tale, ka vakamaduataki

era sa via vakacacani au.

3Me ra vakalesui tale mei sau ni nodra veivakamaduataki

ko ira era sa kaya, “Sai koya! Sai koya!”

4Me ra reki ka marautaki kemuni

ko ira kecega era sa vakasaqarai kemuni.

Me ra kaya tikoga ko ira kecega sa vinakata na nomuni veivakabulai,

“Na Kalou sa cecere!”

5Ia koi au ka'u sa malumalumu ka dravudravua;

mo ni kusarawa mai vei au, na Kalou!

Oi kemuni na noqu dauniveivuke kei na noqu i vakabula;

I Jiova mo ni kakua ni berabera mai!