1Sa vo ga na veiwekani, me keitou vakamasuti kemudou, ka vakarota e na vuku ni Turaga ko Jisu, mo dou uasivi cake vakalevu sara, me vaka dou a vakatavulici mai vei keitou e nai valavala sa kilikili kei kemudou mo dou ia tiko, mo dou vinaka vua na Kalou.
2Ni dou sa kila nai vakaro keitou a tukuna vei kemudou e na vuku ni Turaga ko Jisu.
3Ni sa loma ni Kalou oqo, mo dou savasava: ka mo dou kakua ni dauyalewa;
4ia mo dou dui kila yadua mo dou maroroya na yagomudou me vakasavasavataki ka me dokai,
5me kakua ni rawai koya na dodomo ca, me vakataki ira na veimatanitu era sa sega ni kila na Kalou;
6me kakua e dua me laki lawaki ca se vakacacana na kai nona e na ka oqo, ni sa cudrutaka na ka kecega oqo na Turaga, me vaka talega ni keitou a vakasalataki kemudou kina eliu ka dautukuna.
7Ni sa sega ni kacivi keda na Kalou me da dukadukali, me da yalosavasava ga.
8Ia ko koya sa beca, sa sega ni beca na tamata, ia sa beca ga na Kalou, o koya ka solia mai vei keda na nona Yalo Tabu.
9Ia e na vuku ni veilomani vakaveitacini, sa sega ni yaga me'u vola vei kemudou; ni dou sa vakatavulici mai vua na Kalou mo dou veilomani tiko.
10Ka sa dina dou sa kitaka vakakina vei ira kece na veiwekani mai Masitonia taucoko. Ia keitou sa vakamasuti kemudou, na veiwekani, mo dou uasivi cake vakalevu sara,
11ka mo dou gumatua sara mo dou tiko malua, ka dauia na nomudou cakacaka, ka daucakacaka e na ligamudou, me vaka keitou a vakarota vei kemudou,
12ka mo dou ia tiko kina nai valavala e kilikili kivei ira e taudaku ka mo dou kakua ni dravudravua e na dua na ka.
Na Lesu Tale Mai ni Turaga13Ia ka'u sa vinakata, oi kemudou na veiwekani, mo dou kakua ni lecava e na vukudra era sa moce tu, mo dou kakua kina ni yasovaka me vakataki ira na tani sa sega na nodra i nuinui.
14Ia kevaka eda sa vakadinata ni sa mate ko Jisu ka tucake tale mai, ena vaka talega kina ko ira era sa moce ni ra tu vata kei Jisu, ena kauti ira tale kei koya na Kalou.
151Kori 15.51,52Ni keitou sa tukuna ga oqo vei kemudou me vaka na vosa ni Turaga, ni da na sega ni liu vei ira era sa moce tu koi keda eda sa bula tiko me yacova na nona lako tale mai na Turaga.
16Ni na lako sobu mai lomalagi ko koya na Turaga e na kaila, kei na domo ni agilosi turaga, kei na davui ni Kalou. Ena qai tucake taumada ko ira na mate era sa tu vata kei Karisito.
17E muri koi keda, eda sa bula tikoga, eda na kau cake vata kei ira e na o, me da veitata kei na Turaga e na macawa. Ia ena vakakina, eda na qai tiko vata kaya na Turaga ka sega ni mudu.
18O koya mo dou qai ia na veivakacegui vakataki kemudou e na vosa oqo.
Who We AreWhat We EelieveWhat We Do
2025 by iamachristian.org,Inc All rights reserved.
