1I Jiova na Kalou, sa nomuni tavi na veisausaumi;
na Kalou, sa nomuni na veisausaumi, mo ni vakatakilai kemuni mai!
2Mo ni tucake, oi kemuni ka dau lewai vuravura;
mo ni saumi ira mada na viavialevu!
3A cava na kena dede na nodra reki tiko nai valavala ca?
Ia ka cava na kena dede, i Jiova?
4Era cavuta ka vosataka tiko na ka rarawa,
era dokadokai ira tiko ko ira kecega nai valavala ca.
5Era sa tukilaka, Jiova, na nomuni tamata,
ka vakararawataka na nomuni votavota.
6Era sa vakamatea na yada kei na vulagi,
ka labati ira na gone e sega ni vakatamani.
7Era sa kaya ga, “Ena sega ni raica ko Jiova;
ena sega ni nanuma na Kalou i Jekope.”
8Dou yalomatua mai na yalovakamanumanu vei ira na tamata;
ia dou na vuku ninaica, koi kemudou na lialia?
9O koya sa tea na daligada, ena sega beka ni rogo rawa?
O koya sa bulia na matada, ena sega beka ni rai rawa?
10O koya sa vunauci ira na veimatanitu, ena sega beka ni vunauci kemudou?
O koya sa vakavulica na tamata me kila-ka, ena sega beka ni kila-ka ko koya?
11 1Kori 3.20 Sa kila ko Jiova na ka e vakanananu kina na tamata,
ni sa ka walega.
12Sa kalougata, Jiova, na tamata ko ni sa vunauca,
ka vakavulici koya e na nomuni vunau;
13mo ni vakacegui koya kina mai na siga ni rarawa,
ka me keli mada eliu na kedrai bulubulu nai valavala ca.
14Ni na sega ni biuta na nona tamata ko Jiova,
ka na sega ni laivi ira na nona i votavota.
15Ia ena vuki na lewa me dodonu;
a ra na muria ko ira kecega na yalododonu.
16O cei ena tucake mai me totaki au me'u vorati ira nai valavala ca?
O cei ena tu mai me vukei au me'u vorati ira na caka cala?
17Kevaka sa sega ni noqu dauniveivuke ko Jiova,
sa voleka ni tiko vagagalu na yaloqu.
18Ni'u a kaya, “Sa tidara na yavaqu”,
ia sa qai tokoni au, i Jiova, na nomuni loloma tudei.
19Ni sa levu na lomaocaoca ni lomaqu,
sa vakamarautaka na yaloqu na nomuni dauveivakacegui.
20Ena duavata li kei kemuni nai tikotiko vakaturaga ni valavala ca,
o koya sa vakayacora na ka ca e na lawa?
21Era sa soqoni ira vata me ra vakacacana na yalona na yalododonu,
ka vakacala na tamata sa sega ni cala.
22Ia sa noqu i drodro ko Jiova,
kei na noqu Kalou, na uluvatu ka'u sa vakaruru kina.
23Ia ena sauma vei ira na nodra cala,
ka muduki ira e na nodra ca;
io, ena muduki ira laivi ko Jiova na noda Kalou.
Who We AreWhat We EelieveWhat We Do
2025 by iamachristian.org,Inc All rights reserved.
