1 Vtaki 19.11 E nai katolusagavulu ni yabaki, e nai kava ni vula, e nai kalima ni siga ni vula, ni'u sa tiko vata kei ira na bobula mai na uciwai ko Kipa, sa qai wase rua na lomalagi, ia ka'u sa raica na raivotu ni Kalou.
22Tui 24.10-16; 2Vei 36.9,10E nai kalima ni siga ni vula, sai koya nai kalima ni yabaki ni nona vakabobulataki ko Jioiakini na tui,
3sa qai yaco sara mai na vosa i Jiova vei Isikeli na bete, na luve i Pusi, e na nodra vanua na kai Kalitia mai na uciwai ko Kipa; a sa tiko vua mai kea na liga i Jiova.
4Ia ka'u sa vakaraica, ka raica, e dua na covulaca sa lako mai na vualiku, ka dua na o levu, ka dua na bukawaqa sa veitaravi na kena yameyame, ka sa caudre vakavolivolita, ka sa vaka na parasa matavinaka ka tu mai na lomana, mai na loma ni bukawaqa.
5 Vtaki 4.6 Ia mai loma, sa vaka e va na ka bula sa rairai mai. Sa vakaoqo na kedratou i rairai; eratou sa dui rairai vakatamata.
6Sa tau ya-va na matadratou, ka tau ya-va na tabadratou.
7Ia sa dodonu na yavadratou, na qeteqete ni yavadratou sa tautauvata kei na qeteqete ni luve ni bulumakau; a sa taliva tu me vaka na parasa sa soloti.
8A liga ni tamata sa tu e ruku ni tabadratou e na sarisaridratou va-va; a sa dui vakamatana ka dui vakatabana ko iratou na lewe va oqo.
9Sa dui veiuturi na tabadratou; eratou sa sega ni veigoleyaki ni ratou sa lako; eratou sa dui lako vakadodonu ga yani.
10Isi 10.14; Vtaki 4.7Oqo nai tuvaki ni matadratou: eratou sa dui mata vakatamata, ka dui mata vakalaione, ki matau, ko iratou va-va; a ratou sa dui mata vakabulumakau, ki mawi, ko iratou va-va; a ratou sa dui mata vakaikeli ko iratou va-va.
11Sa vakaoqo na matadratou. Ia na tabadratou sa tawase ki cake; e rua na tabadratou yadua sa dui veiuturi, ka rua na tabadratou yadua sa dui ubia na yagodratou.
12A ratou sa dui lako vakadodonu ga yani; a vanua sa lako yani kina na yalo, eratou sa dui lako ga kina; eratou sa sega ni veigoleyaki ni ratou sa lako tu.
13Vtaki 4.5Ia na kedratou i rairai na ka bula, eratou sa vaka na qilaiso sa waqa tu, ka vaka na veicina sa caucaudre ka sa veilakoyaki tu e na kedratou maliwa na ka bula; a sa caudre tu na buka, ka sa tibi na livaliva mai na loma ni bukawaqa.
14Ia ko iratou na ka bula, eratou sa veiciciyaki tu ka sa rairai me vaka na livaliva ni sa tibi mai.
15 Isi 10.9-13 Ia ni'u sa vakaraica na ka bula, raica, sa yadua na yavadratou na yava ni qiqi ka tu e dela ni vanua ka tu vata kei iratou na ka bula, eratou dui yava na matadratou.
16A kedratou i rairai sa vaka na yava ni qiqi kei na kedratou i cakacaka sa vaka na roka ni perili; ka sai tovo vata va-va, ia na kedratou i rairai kei na kedratou i cakacaka sa vaka e dua na yava ni qiqi e na loma ni dua tale na yava ni qiqi.
17Ni ratou sa lako, sa lako e na batidratou va-va; a ratou sa sega ni veigoleyaki ni ratou sa lako.
18Vtaki 4.8Ia na batidratou, ni sa cecere sa ka rerevaki sara; ia na batidratou va-va sa dui vuqa sara kina na matadratou e na veitikina.
19Ia ni ratou sa lako na ka bula, sa dui lako talega na yavana sa dui tu vata kei iratou; ka ni sa laveti cake mai vanua na ka bula, sa laveti cake talega kei na yavana.
20A vanua sa via lako kina na yalo, eratou sa lako kina, io sa lako ga kina na yalodratou; ia na yavana sa dui laveti cake kei iratou; ni sa tiko e na yavana na yalo ni ka bula.
21Ni sa lako oqori, sa qai lako oqo; ni sa tu oqori, sa qai tu oqo; ka ni sa laveti cake mai vanua oqori, sa qai laveti cake na yavana sa tu kei iratou; ni sa tiko e na yavana na yalo ga ni ka bula.
22 Vtaki 4.6 E na dela ni uludratou na ka bula sa tiko kina na ka sa vaka na kabu ni maliwa lala, ka sa tatalivaliva me vaka na karisitala, ka sa tevuki yani e dela ni uludratou ki cake.
23Ia na tabadratou, e na ruku ni kabu ni maliwa lala, sa vakatetaba vakadodonu, ka dui veiqaravi. Sa tauyarua eratou dui ubia kina na yagodratou vaka, ka tauyarua eratou dui ubia kina vaka.
24Vtaki 1.4-15; 19.6Ia ka'u sa rogoca na cacarobaroba ni tabadratou, ka sa vaka na vadugu ni wai levu, ka vaka na domo i Koya sa Kaukauwa, ka vaka na rorogo ni ue, ka vaka na rorogo ni valu. Ia ni ratou sa tu, eratou sa uruca na tabadratou.
25A sa rogo e dua na domo mai na dela ni kabu ni maliwa lala e dela ni uludratou. Ni ratou sa tu vakadua, e ratou sa uruca na tabadratou.
26 Isi 10.1; Vtaki 4.2,3 Ia e cake sara e na dela ni kabu ni maliwa lala mai dela ni uludratou, sa rairai e dua nai vakatakarakara ni tikotiko vakaturaga me vaka na vatu safaia; ia e dela ni vakatakarakara ni tikotiko vakaturaga sa rairai nai vakatakarakara ni dua na tamata e delana e cake.
27Isi 8.2Ia ka'u a raica na rokana sa vaka na mata ni parasa matavinaka, ka rairai me vaka na bukawaqa sa volita, mai na ka sa rairai me vaka na tolona ka lako ki cake, ka mai na ka sa rairai me vaka na tolona ka lako sobu, ka'u a raica ka sa rairai me vaka sa bukawaqa, ka sa serau tu na kena veitikina.
28Me vaka na kenai rairai na drodrolagi e na o e na siga ni uca, sa vakakina na kenai serau e na kena veitikina. Sa vakaoqo na raivotu ni vakatakarakara ni ukuuku i Jiova. Ia ni'u sa raica, ka'u sa cuva vakatoboicu, ka rogoca na domona e dua ka vosa mai.
Who We AreWhat We EelieveWhat We Do
2025 by iamachristian.org,Inc All rights reserved.
