Same 121 - Ai Vola Tabu (Vakadewa Makawa Vakavoutaki 2021)（FRV21）

Vakadeitaki na Nona Veimaroroi na Kalou A Sere ni cabecabe.

1Au na ta cake ki na ulunivanua—

ena taka li mai vei na noqu veivuke?

2Sa lako mai vei Jiova na noqu veivuke,

o koya ka bulia na lomalagi kei na vuravura.

3Ena sega ni laivi iko me yavala na yavamu;

o koya sa maroroi iko ena sega ni sosovu.

4Raica, o koya sa maroroi ira na Isireli

ena sega ni sosovu se moce.

5Ko Jiova sa maroroi iko;

ena vakarurugi iko ko Jiova e na ligamu i matau.

6Ena sega ni yaviti iko na mata-ni-siga e na siga,

se na vula e na bogi.

7Ena maroroi iko ko Jiova mai na ca kecega;

ia ena maroroya na yalomu.

8Ena maroroya ko Jiova na nomu veicuruyaki

mai na gauna oqo, ka sega ni mudu.