1 Veigauna 6 - Ai Vola Tabu (Vakadewa Makawa Vakavoutaki 2021)（FRV21）

Na Kawa i Livai

1O iratou na tagane na luve i Livai: ko Kerisoni, ko Koaca, kei Mirari.

2Ia ko iratou na tagane na luve i Koaca: ko Emirami, ko Isari, kei Epironi, kei Usieli.

3Ia ko iratou na luve i Emirami: ko Eroni, kei Mosese, kei Miriama. Ia ko iratou na tagane na luve i Eroni: ko Netapi, kei Epaiu, ko Iliesa, kei Icama.

4Sa sucu na luve i Iliesa ko Finiasi; sa sucu na luve i Finiasi ko Episua,

5a sa sucu na luve i Episua ko Puki, a sa sucu na luve i Puki ko Usai,

6a sa sucu na luve i Usai ko Seraia, a sa sucu na luve i Seraia ko Miraioci;

7sa sucu na luve i Miraioci ko Amaraia, a sa sucu na luve i Amaraia ko Eiitupi,

8a sa sucu na luve i Eiitupi ko Setoki, a sa sucu na luve i Setoki ko Eiimaasi,

9a sa sucu na luve i Eiimaasi ko Asaraia, a sa sucu na luve i Asaraia ko Joenani,

10a sa sucu na luve i Joenani ko Asaraia, (o koya ka ia na cakacaka vakabete e na vale ka tara ko Solomoni mai Jerusalemi).

11A sa sucu na luve i Asaraia ko Amaraia, a sa sucu na luve i Amaraia ko Eiitupi,

12a sa sucu na luve i Eiitupi ko Setoki, a sa sucu na luve i Setoki ko Salumi,

13a sa sucu na luve i Salumi ko Ilikaia, a sa sucu na luve i Ilikaia ko Asaraia,

14a sa sucu na luve i Asaraia ko Seraia, a sa sucu na luve i Seraia ko Jiosataki,

15a sa vakabobulataki ko Jiosataki, ni sa kauti ira tani na Juta kei ira mai Jerusalemi ko Jiova e na liga i Nepukanesa.

Eso Tale na Kawa i Livai

16 Lako 6.16-19 O iratou na tagane na luve i Livai: ko Kerisomi, ko Koaca, kei Mirari.

17Ia oqo na yacadrau na luve i Kerisomi erau tagane: ko Lipini, kei Semeai.

18Ia ko iratou na luve i Koaca eratou tagane: ko Emirami, kei Isari, kei Epironi, kei Usieli.

19Oi rau na tagane na luve i Mirari: ko Mali, kei Musi. Ia ko ira oqo na nodra veimataqali na Livai mai vei ira na nodra qase.

20Mai vei Kerisomi: ko Lipini na luvena tagane, ko Jeaci na luvena tagane, ko Sima na luvena tagane,

21ko Joa na luvena tagane, ko Ito na luvena tagane, ko Sira na luvena tagane, ko Jiacirei na luvena tagane.

22Ko iratou na tagane na luve i Koaca: ko Amenatave na luvena tagane, ko Kora na luvena tagane, ko Asiri na luvena tagane;

23ko Ilikana na luvena tagane, ia ko Epaiasafi na luvena tagane, ia ko Asiri na luvena tagane;

24ko Teaci na luvena tagane, ko Urieli na luvena tagane, ko Usaia na luvena tagane, ia ko Saula na luvena tagane.

25Ia koi rau na tagane na luve i Ilikana: ko Amasai, kei Eiimoci.

26Ko Ilikana: ko iratou na luve i Ilikana eratou tagane: ko Sofei, kei Neaca;

27ko Iliavi na luvena tagane, ko Jiroame na luvena tagane, kei Ilikana na luvena tagane.

28Ia koi rau na tagane na luve i Samuela: na ulumatua ko Joeli, kei nai karua ko Epaia.

29Na tagane na luve i Mirari: ko Mali, ko Lipini na luvena tagane ko Semeai na luvena tagane, ko Usa na luvena tagane,

30ko Semea na luvena tagane, ko Akaia na luvena tagane, ko Asaia na luvena tagane.

Ko Ira na Livai era Daunivakatagi kei na Sere

31Ia ko ira oqo ka lesia ko Tevita me ra lewa nai valavala ni sere e na vale i Jiova, ni sa tiko vakadua na kato.

32A ra sa qarava tiko na cakacaka ni sere e na mata ni tikotiko ni vale ni veitavaki, ka yacova na nona tara na vale i Jiova mai Jerusalemi ko Solomoni, ka ra sa qarava na nodra i tavi me vaka na nodra i tutu.

33Ia ko ira oqo era sa qarava vata kei na luvedra tagane. Mai vei ira na tagane luve i Koaca: ko Imani na dau-ni-sere, na luve i Joeli ka tagane, na luve i Samuela ka tagane,

34na luve i Ilikana ka tagane, na luve i Jiroame ka tagane na luve i Ilieli ka tagane, na luve i Toa ka tagane,

35na luve i Sufi ka tagane, na luve i Ilikana ka tagane, na luve i Meaci ka tagane, na luve i Amasai ka tagane,

36na luve i Ilikana ka tagane, na luve i Joeli ka tagane, na luve i Asaraia ka tagane, na luve i Sefanaia ka tagane,

37na luve i Teaci ka tagane, na luve i Asiri ka tagane, na luve i Epaiasafi ka tagane, na luve i Kora ka tagane,

38na luve i Isari ka tagane, na luve i Koaca ka tagane, na luve i Livai ka tagane, na luve i Isireli ka tagane;

39ia ko Esava na wekana, o koya ka tu mai na ligana i matau, io ko Esava na luve i Perekaia ka tagane, na luve i Semea ka tagane,

40na luve i Maikeli, ka tagane, na luve i Peasea ka tagane, na luve i Malikaia ka tagane,

41na luve i Ecini ka tagane, na luve i Sira ka tagane, na luve i Ataia ka tagane,

42na luve i Ecani ka tagane, na luve i Sema ka tagane, na luve i Semeai ka tagane,

43na luve i Jeaci ka tagane, na luve i Kerisomi ka tagane, na luve i Livai ka tagane.

44Ia na wekadratou, na luve i Mirari ka tagane, era sa tu e na liga i mawi: ko Icani na luve i Kisi ka tagane, na luve i Apiti ka tagane, na luve i Maluki ka tagane,

45na luve i Esapaia ka tagane, na luve i Amasaia ka tagane, na luve i Ilikaia ka tagane,

46na luve i Amisai ka tagane, na luve i Pani ka tagane, na luve i Semeri ka tagane,

47na luve i Mali ka tagane, na luve i Musi ka tagane, na luve i Mirari ka tagane, na luve i Livai ka tagane.

48A sa lesi talega ko ira na wekadra ko ira na Livai ki na cakacaka kecega ni vale ni Kalou.

Na Kawa i Eroni

49Ia ko Eroni kei iratou na luvena tagane, eratou sa dauvakacabora na ka e dela ni cabocabo-ni-soro kama, kei na dela ni cabocabo ni ka boi vinaka talega; sa nodratou na cakacaka kecega ni tikina tabu sara, ka me ra sorovaki ira na Isireli, me vaka na ka kecega ka vakarota ko Mosese na tamata ni Kalou ko Jiova.

50Ia ko iratou na tagane oqo era kawa i Eroni: ko Iliesa na luvena, ko Finiasi na luvena; kei Episua na luvena;

51ko Puki na luvena tagane, ko Usai na luvena tagane, ko Seraia na luvena tagane;

52ko Miraioci na luvena tagane; ko Amaraia na luvena tagane, ko Eiitupi na luvena tagane;

53ko Setoki na luvena tagane, kei Eiimaasi na luvena tagane.

Na Nodra i Tikotiko na Livai

54Ia oqo na nodra i tikotiko, e na nodra koro vakabai e na nodra vanua: vei ira na luve i Eroni mai na nodra veimataqali na luve i Koaca—ni sa nodra nai matai ni votavota—

55sa soli vei ira ko Epironi e na vanua i Juta kei na vanua veico e na kena veiyasana,

56ia sa soli vei Kelepi na luve i Jifune na vanua ni teitei kei na kena veikoro.

57A sa soli vei ira na luve i Eroni na veikoro mai Juta, io ko Epironi, na koro ni drodro; kei Lipina, kei Jatiri, kei Esitimoa, kei na vanua veico e na kedra veiyasana;

58kei Ileni, kei Tipiri kei na kedrau vanua veico,

59kei Asani, kei Peci-semesi kei na kedrau vanua veico.

60Ia mai na yavusa i Penijamini, ko Kipa, kei Alemeci, kei Anacoci kei na kedra vanua veico. A nodra veikoro kecega e na nodra veimataqali sa tinikatolu na koro.

61A sa soli e tini na koro, e na vakawiri madigi, mai na yavusa-veimama i Manasa, kivei ira na kawa i Koaca, o ira ka vo e na vuvale ni yavusa oqori.

62A sa soli e tinikatolu na koro, mai na yavusa i Isakari, ka mai na yavusa i Aseri, ka mai na yavusa i Navitalai ka mai na yavusa i Manasa mai Pasani, kivei ira na kawa i Kerisomi, me vaka na nodra veivuvale.

63Sa soli e tinikarua na koro, e na vakawiri madigi, mai na yavusa i Rupeni, ka mai na yavusa i Kata, ka mai na yavusa i Sevuloni, kivei ira na kawa i Mirari, me vaka na nodra veivuvale.

64A sa solia ko ira na Isireli vei ira na Livai na veikoro kei na kena vanua veico.

65A sa soli na veikoro oqo sa cavuti na yacadra e na vakawiri madigi, mai na nodra yavusa na Juta, kei na nodra yavusa na Simione, kei na nodra yavusa na Penijamini.

66Ia na vo ni nodra veivuvale na luve i Koaca, sa so na nodra veikoro mai na nodra vanua mai na yavusa i Ifereimi.

67A sa soli vei ira eso na koro ni drodro; ko Sikemi mai na vanua veiulunivanua ko Ifereimi kei na kena vanua veico; ko Keseri talega kei na kena vanua veico;

68kei Jokimiami, kei Peci-oroni kei na kedrau vanua veico,

69kei Eijaloni, kei Kaca-rimoni kei na kedrau vanua veico;

70ia mai na yavusa-veimama i Manasa, ko Aneri kei Pilami kei na kedrau vanua veico, me nodra na vuvale sa vo vei ira na luve i Koaca.

71 Sa soli vei ira na kawa i Kerisomi, mai na yavusa-veimama i Manasa: ko Kolani mai Pasani, kei Aseteroci kei na kedrau vanua veico;

72ia mai na yavusa i Isakari: ko Ketesi, ko Tapiraci,

73kei Remoci, kei Anemi kei na kedra vanua veico;

74ia mai na yavusa i Aseri: ko Masali, kei Apitoni,

75kei Ukoki, kei Riopi kei na kedra vanua veico;

76ia mai na yavusa i Navitalai: ko Ketesi mai Kalili, kei Amoni, kei Kiri-aceimi kei na kedra vanua veico.

77Vei ira na kena vo ni kawa i Mirari, sa soli mai na yavusa i Sevuloni: ko Rimoni, kei Tepori kei na kedrau vanua veico,

78ia e na tai kadua ni Joritani sa voleka ki Jeriko, e na yasana vaka ki na tokalau mai na Joritani, sa soli vei ira mai na yavusa i Rupeni: ko Peseri mai na vanua lala, kei Jasa,

79kei Kitemoci talega, kei Mefeaci kei na kedra vanua veico;

80ia mai na yavusa i Kata: ko Remoci mai Kiliati, kei Meeneimi,

81kei Esiponi, kei Jaseri kei na kedra vanua veico.