1Ia ka'u sa vakarota e na mata ni Kalou kei Karisito Jisu, o koya ena lewai ira na bula kei ira na mate e na nona rairai mai kei na nona matanitu:
2mo vunautaka na Vosa; mo vakarau tu e na gauna vinaka kei na gauna ca; mo tukuna na ka e ca, mo vunauci ira sa cala, mo dauveivakaroti tiko e nai vakavuvuli ka vosota vakalevu sara.
3Ni na yaco na gauna era na sega ni vosota kina nai vakavuvuli dodonu, ia ena vaka na nodra gagadre ca, era na vakalewevuqataki ira kina na nodra i vakavuvuli, ni sa qasikanunu na daligadra,
4ka ra na vagolea tani na daligadra mai na ka dina, ka lesu ki nai tukutuku wale.
5Ia ko iko, mo yalomatua e na ka kecega, mo vosota na ka rarawa, mo kitaka na cakacaka ni vakavuvuli, vakayacora sara na ka ko sa lesi kina mo talatala.
Nai Votavota i Paula ena Gauna mai Muri6Ni'u sa vakarau tu me'u liviraki, ka sa voleka na siga ni noqu toki yani.
7Au sa vala oti e nai valu vinaka, au sa ciciva oti na cere, au sa taura matua na vakabauta.
8E muri, sa maroroi me noqu nai sala vakaturaga ni valavala dodonu, o koya ena solia mai vei au na Turaga, o koya na turaga-ni-lewa dodonu, e na siga ko ya, ia ena sega vei au duaduaga, vei ira kece talega era sa vinakata na nona rairai mai.
Nai Tukutuku Eso vei Timoci9Gumatua mo lako vakatotolo mai vei au,
10Kolo 4.14; Fmoni 24; 2Kori 8.23; Kala 2.3; Taito 1.4ni sa biuti au ko Timasa, ni sa lomani vuravura oqo, ka sa lako ki Cesalonaika; ko Kirisiki sa lako ki Kalatia, o Taito ki Talimetia.
11Kolo 4.14; Fmoni 24; Caka 12.12,25; 13.13; 15.37-39; Kolo 4.10Sa tiko vei au ko Luke duaduaga. Kauti Marika mo drau lako vata kaya mai, ni sa yaga vei au ko koya e na cakacaka.
12Caka 20.4; Efe 6.21,22; Kolo 4.7,8Au sa talai Tikiko ki Efeso.
13Caka 20.6Ai tutuvi kau a laiva mai Tiroa vei Karipo, ni ko sa lako mai, mo kauta mai, kei nai vola, ia mo nanuma sara nai vola kuli-ni-sipi.
141Timo 1.20; Same 62.12; Roma 2.6Sa levu na ka ca ka kitaka vei au ko Alekisada na matai ni parasa; ena sauma vei koya na Turaga me vaka na nona cakacaka.
15Mo qarauni iko talega mai vua, ni sa qatia vakalevu na neitou vosa ko koya.
16E nai matai ni noqu veilewai, sa sega e dua na tamata keirau sa tu vata kaya, ia sa biuti au ko ira kecega. Me kakua ni beitaki oqo vei ira!
17Ia sa tu vata kei au na Turaga ka sa vakaukauwataki au, me kilai kina e na vukuqu na ka sa vunautaki, me ra rogoca talega na veimatanitu kecega. Ia ka'u a vakabulai mai na gusu ni laione.
18Ena vakabulai au na Turaga mai na ka ca kecega, ka na maroroya talega na noqu bula ki na nona matanitu vakalomalagi. Me ia vua na vakarokoroko ka sega ni mudu. Emeni.
Nai Otioti ni Vakanuinui Vinaka19 Caka 18.2; 2Timo 1.16-17 Au sa loloma yani vei Virisila kei Akuila, vei ira talega na lewe-ni-vuvale i Onisivoro.
20Caka 19.22; Roma 16.23; Caka 20.4; 21.29Sa tiko mai Korinica ko Erasito, ka'u sa laivi Tirofimo mai Milito ni sa tauvi-mate.
21Gumatua mo liu mai ni se bera na vula i liliwa. Sa loloma yani vei iko ko Upolo, kei Putena, kei Laino, kei Kilotia, kei ira kecega na veiwekani.
22Me tiko vata kei na yalomu na Turaga ko Jisu Karisito. Me nomudou na loloma. Emeni.
Who We AreWhat We EelieveWhat We Do
2025 by iamachristian.org,Inc All rights reserved.
