2 Korinica Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Nai Karua ni Vola i Paula vei Ira mai Korinica sa volai ena dua na gauna sa donumaka kina ko Paula na dredre ni nona bula veimaliwai kei nai soqosoqo lotu mai Korinica. Era a saqati Paula vakaukauwa sara eso na lewe-ni-lotu, ia sa vakaraitaka ga o koya na nona gagadre bibi me ra vakaduavatataki tale ka vakaraitaka na levu ni nona marau ni sa kau cake mai na ka oqo.Ena i matai ni wasewase ni nona i vola, sa vakamacalataka kina ko Paula na nona veimaliwai kei nai soqosoqo lotu mai Korinica ka vakamacalataka kina na vuna sa saqata kina vakaukauwa na veivakasewasewani kei na veisaqasaqa ena loma ni lotu. A sa vakaraitaka talega na nona marau ni tovo kaukauwa oqo sa la'ki tini ena veivutuni kei na veisaututaki. Sa qai mai kerekere yani ki nai soqosoqo lotu me bau dua na nodra i solisoli me ra vukei kina na tamata lotu Vakarisito dravudravua mai Jutia. Ena wase ni vola eso ena i tinitini ni nona i vola, sa taqomaka kina ko Paula na nona i tutu vaka-apositolo mai vei iratou e vica na tamata mai Korinica, e ratou sa tukuna ni sai apositolo dina ga o iratou ka beitaki Paula ni sai apositolo vakailasu.Na Lewe ni VolaNai vakamacala taumada 1.1-11

Ko Paula kei na Lotu mai Korinica 1.12—7.16

Nai solisoli me baleti ira na tamata lotu mai Jutia 8.1—9.15

Sa taqomaka ko Paula na nona kaukauwa vaka-apositolo 10.1—13.10

Kena i tinitini 13.11-14