1 Jope 41.1; Same 74.14; 104.26 E na siga ko ya, ena vakayacora na cudru ko Jiova e na nona i seleiwau gata ka levu ka kaukauwa vei Livaiacani na gata totolo, io vei Livaiacani na gata sa cibini; ia ena vakamatea ko koya na gata levu ka tiko mai na wasawasa.
2E na siga ko ya:
“Dou seretaka na loga-ni-vaini!
3Koi au ko Jiova ka'u sa kenai vakatawa;
ka'u na vakasuasuataka tikoga;
de dua sa vakacacana,
ka'u na vakatawa e na siga kei na bogi.
4Sa sega vei au na cudru waqawaqa.
Ko cei me na via tuva na soni kei na kau vakavotona
me ia nai valu vei au?
Ka'u na qai curu basikataki ira,
ka'u na qai vakama vata.
5Ke sega, me qai taura mada ko koya na noqu kaukauwa,
me ia na veivinakati kei au;
ena qai ia kina na veivinakati kei au.”
6E na gauna mai muri ena tei sobu ko Jekope;
ena se ka beta ko Isireli,
ia era na robota na dela i vuravura
e na vuadra.
7Sa yaviti koya li ko koya me vaka sa yaviti ira era a yaviti koya?
Se sa vakamatei ko koya me vakataki ira era sa vakamatea ko koya?
8Sa vakarautaki ga na nomu veicudruvi kaya ni ko a vakatalai koya tani;
sa kauti koya tani e nona cagi kaukauwa e na siga ni cagi mai na tokalau.
9E na ka oqo ena savata tani kina na caka cala i Jekope;
ia oqo na vuana kecega me na kauta tani na nona i valavala ca;
ni sa cakava ko koya na vatu kecega ni cabocabo-ni-soro
me tautauvata kei na lase sa vorolaki vakamatailalai,
me sega ni tucake tale na matakau i Asetoreci kei na mata-ni-siga.
10Ia ena lala ga na koro kaukauwa,
kei nai tikotiko sa na biu laivi me vaka na vanua lala;
ena kana voli kina na luve ni bulumakau,
ka koto sobu kina ka kania sara na tabana.
11Ni sa malai na tabana, ena qai musuki laivi;
era na mai visa ko ira na yalewa.
E na vuku ni ra sa sega ni tamata yalomatua,
ena sega ni yalololoma kina vei ira ko koya ka bulia,
ia ko koya ka bulia ena sega ni lomani ira.
12Ia ena yaco e na siga ko ya, ena tauca ko Jiova na nona vuata mai na dreke ni Uciwai ka yacova na uciwai ko Ijipita, ia dou na soqoni yadua mai, koi kemudou na Isireli.
13Ia ena yaco e na siga ko ya, ena uvu na davui levu, ka ra na lako mai na vanua ko Asiria ko ira era voleka ni rusa, kei ira era tiko se mai na vanua ko Ijipita, a ra na mai cuva vei Jiova e na ulunivanua tabu mai Jerusalemi.
Who We AreWhat We EelieveWhat We Do
2025 by iamachristian.org,Inc All rights reserved.
