Same 82 - Ai Vola Tabu (Vakadewa Makawa Vakavoutaki 2021)（FRV21）

Na Vakamamasu me Caka na Lewa Dodonu A Same i Esava.

1Sa tu na Kalou e na nodra i soqosoqo na kaukauwa;

sa lewa ko koya e na kedra maliwa na kalou:

2“A cava na kena dede mo dou na lewa vakatawadodonu tiko kina

ka totaki ira na tamata i valavala ca? Sela

3Dou lewai ira vakavinaka na malumalumu kei na luveniyali;

dou kitaka na ka e dodonu vei ira sa rarawa kei ira sa dravudravua.

4Dou vakabula na vakaloloma kei na dravudravua;

dou vakabulai ira mai na ligadra na tamata ca.”

5Era sa sega ni kila, ka ra sega ni vuku rawa;

era lako voli e na butobuto;

sa yavala kecega na yavu kei vuravura.

6 Joni 10.34 Au a kaya, “Dou sa kalou,

na luve i Koya sa Cecere Sara, koi kemudou kecega;

7ia dou na mate ga me vaka na tamata,

ka bale me vaka e dua na turaga.”

8Mo ni tucake, na Kalou, mo ni lewai vuravura;

ni kemuni na taukena na veimatanitu kecega!