1O koya oqo me da qai rere, ni sa soli tu na vosa ni yalayala me da curu ki na nona i vakavakacegu, de sega beka ni yaco dina kina koi kemudou eso.
2Ni sa tukuni mai vei keda e dua na ka vinaka, me vaka talega vei ira; ia ka sega ni yaga vei ira na vosa era sa rogoca, ni ra sa sega ni duavata e na vakabauta kei ira era sa vakarogoca.
3Same 95.11Ni da sa qai curu ki nai vakavakacegu, koi keda sa vakabauta, me vaka sa vosa kina ko koya,
“Me vaka ka'u a bubului kina e na noqu cudru,
‘Era na sega sara ni curu ki na noqu i vakavakacegu,’ ”
ka dina ga ni sa oti na nona cakacaka ni sa tauyavutaki oti ko vuravura.
4Vteki 2.2Ni sa dua na tikina sa vosataka vakaoqo ko koya nai kavitu ni siga, “A sa vakacegu na Kalou mai na nona cakacaka kecega e na kenai kavitu ni siga.”
5Same 95.11Ia oqo talega, “Era na sega sara ni curu ki na noqu i vakavakacegu.”
6Ia ni sa qai macala me curu kina eso, ia ko ira ka tukuni taumada vei ira na ka vinaka era sa sega ni curu kina, e na vuku ni nodra talaidredre,
7Same 95.7,8a sa qai lokuca tale e dua na siga ko koya, ka sa tukuna ko Tevita e na dua na gauna e muri, ka kaya, “E na siga oqo,” me vaka sa kainaki,
“E na siga oqo, kevaka dou sa rogoca na domona,
kakua ni vakaukauwataka na yalomudou.”
8 Vrua 31.7; Josua 22.4 Io, kevaka sa solia vei ira nai vakavakacegu ko Josua, ena sega ni tukuna tale ko koya e dua tale na siga.
9O koya oqo sa vo tiko e dua nai vakavakacegu me nodra na tamata ni Kalou.
10Vteki 2.2Ia ko koya sa curu ki na nona i vakavakacegu, sa vakacegu mai na nona cakacaka, me vaka sa vakacegu na Kalou mai na nona.
11O koya oqo me da qai gumatua sara me da curu ki nai vakavakacegu ko ya, de bale e dua na tamata ni sa talaidredre vakakina.
12Ni sa bula na vosa ni Kalou, ka kaukauwa, ka gata vakalevu ka mucu ga nai seleiwau batirua, ka suaka me wasea rua kina na lomada kei na yaloda, kei na noda i sema kei na uto ni sui, ka sa vakalewa sara na nanuma kei nai naki ni yaloda.
13A sa sega talega e dua na ka e sega ni rairai e matana, ia sa luvawale ga na ka kecega, ka vakarairaitaki sara, e na mata i koya eda na vakatusai keda vua.
Ko Jisu na Bete Levu Cecere14Ia me vaka ni sa dua na noda bete levu cecere, o koya ka curu ki lomalagi, ko Jisu na Luve ni Kalou, me da taura matua kina na noda vakatutusa.
15Ni sa sega ni noda bete levu ko koya sa sega ni daulomani keda ni da sa malumalumu, ia ko koya ga ka sa dauveretaki me vakataki keda e na ka kecega, ia sa sega ga na nona cala.
16E na vuku ni ka oqori, me da toro doudou kina ki nai tikotiko-vakaturaga ni yalololoma, me da ciqoma kina na yaloveivosoti, ka me da lomani talega ka vukei e na gauna e gadrevi kina.
Who We AreWhat We EelieveWhat We Do
2025 by iamachristian.org,Inc All rights reserved.
