1A sa le vitusagavulu na luvena tagane ko Eapi mai Samaria. A sa vola eso nai vola ko Jeu, ka vakauta ki Samaria vei ira sa turaga mai Jesireli, kei ira na qase, kei ira ka susugi ira na luve i Eapi, ka sa kaya,
2“Ia oqo, ni sa yaco vei kemudou nai vola oqo ni sa tiko vei kemudou ko ira na luvena na nomudou turaga, ka sa tiko talega vei kemudou na qiqi-ni-valu kei na ose kei na koro vakabai kei nai yaragi ni valu,
3dou qarai koya sa vinaka ka dodonu mai vei ira na luvena na nomudou turaga, ka vakatikora e nai tikotiko vakaturaga i tamana, ka vala e na vuku ni nona vale na nomudou turaga.”
4Ia era sa rere vakalevu sara, ka kaya, “Raica, erau sa sega ni tu rawa e matana e le rua na tui; ia eda na qai tudei vakaevei?”
5A ra sa talaki kina vei Jeu ko koya sa lewa e na vale-ni-tui, kei koya sa lewa e na koro, kei ira na qase, kei ira ka susugi ira na gone, ka ra sa kaya, “Keimami sa nomuni tamata; ka keimami na cakava na ka kecega ko ni na vakarota vei keimami. Keimami na sega ni bulia e dua na tui. Mo ni kitaka ga na ka e vinaka vei kemuni.”
6Sa qai vola tale vei ira ko koya e dua nai vola, ka kaya, “Kevaka dou sa totaki au, ka dou na vakarorogo ki na noqu vosa, mo dou taura na uludra na luve ni nomudou turaga, ka lako mai vei au ki Jesireli e na gauna vata vakaoqo ni mataka.” Ia ko ira na luvena na tui, era sa lewe vitusagavulu na tamata, era sa tiko kei ira na turaga ni koro era a susugi ira.
7Ia ni sa yaco vei ira nai vola, era sa tauri ira na luvena na tui, era lewe vitusagavulu ka vakamatei ira, ka tugana na uludra ki na sova, ka vakauta vua ki Jesireli.
8Ni sa lako mai e dua na tamata talai ka tukuna vua, “Era sa kauta mai na uludra na luvena na tui”, a sa kaya ko koya, “Dou binia mai na matamata-ni-koro, me rua nai binibini, ka me yacova na mataka.”
9Ia e na mataka ni sa curu yani ko koya, a sa tucake tu ka kaya vei ira kecega na tamata, “Sa sega na nomudou cala koi kemudou. Raica, sai au ga ka sa bukiveretaki koya na noqu turaga ka vakamatea, ia ko cei sa mokuti ira kecega oqo?
10Dou kila sara kina ni na sega ni lutu ki na qele e dua na mala ni vosa i Jiova, na vosa ka sa cavuta ko Jiova e na vuku ni vale i Eapi, ni sa vakayacora ga ko Jiova na ka sa tukuna ko koya e na gusu i Ilaijia na nona tamata.”
11Osea 1.4A sa qai mokuti ira kecega na kena vo ni lewe-ni-vuvale i Eapi mai Jesireli ko Jeu, kei ira kecega na nona tamata turaga, kei ira na wekana, kei ira na nona bete, ka me sega ni vo vua e dua.
Sa Vakamatei ko Ira na Weka i Easaia12A sa cavu tu ko koya, ka lako yani, ka lako ki Samaria. Ni sa yaco ko koya ki Peci-eketi (na vale ni dauveikoti sipi sa tu e na sala),
13sa sota ko Jeu kei ira na weka i Easaia na tui Juta, ka sa kaya, “O cei koi kemudou?” A ra sa kaya, “Koi keitou na weka i Easaia; ia keitou sa lako sobu me keitou sikovi ira na luvena na tui kei ira na luvena na ranadi.”
14A sa kaya ko koya, “Dou vesuki ira bula.” A ra sa vesuki ira bula, ka vakamatei ira mai nai keli-wai mai Peci-eketi (na vale ni dauveikoti sipi), era lewe vasagavulu ka rua na tamata, ka sega ni vakabula e dua vei ira.
Sa Vakamatei ko Ira na Vo ni Vuvale i Eapi15Ia ni sa lako tani mai keri ko koya, sa la'ki sota kei Jionatapi na luve i Rekapi, ni sa mai tavaki koya. A sa veikidavaki kaya, ka kaya vua, “Sa dodonu li na yalomu me vaka sa dodonu vei iko na yaloqu, se segai?” A sa kaya ko Jionatapi, “Sa vakakina.” A sa kaya ko Jeu, “Kevaka sa vakakina, me daru lululu.” A sa lululu kaya; ka sa kauti koya cake ki na qiqi-ni-turaga.
16A sa kaya ko koya, “Daru lako vata mada, mo raica na noqu gumatua e na totaki Jiova.” A sa vakavodoki ko koya ki na qiqi-ni-turaga.
17Ni sa yaco yani ki Samaria ko koya, a sa mokuti ira kece sara na kena vo nei Eapi mai Samaria, ka me vakawabokotaki ira kece sara, me vaka na vosa i Jiova ka sa cavuta ko koya vei Ilaijia.
Na Nodra Vakamatei ko Ira na Qaravi Peali18A sa qai vakasoqoni ira vata na tamata kecega ko Jeu, ka sa kaya vei ira, “A qaravi Peali vakalailai ko Eapi, ia ena qaravi koya vakalevu ko Jeu.
19Ia oqo, dou kacivi ira kecega mai vei au na parofita i Peali, kei ira kecega na tamata sa qaravi koya, kei ira kecega na nona bete. Me kakua ni yali e dua, ni sa dua na vakacaboisoro levu me'u na cakava vei Peali. O koya e yali kina ena sega ni bula.” Ia sa kitaka vakailawaki ga ko Jeu, ni sa nakita me vakawabokotaki ira era qaravi Peali.
20Ka sa vakarota ko Jeu, “Dou kacivaka mada e dua na soqoni tabu e na vuku i Peali.” A ra sa kacivaka.
21A sa talaki ko Jeu ki Isireli taucoko, ka ra sa lako mai ko ira kecega era sa qaravi Peali, ka sa sega ni vo e dua na tamata sa sega ni lako kina. A ra sa curuma na burekalou i Peali, ka sa oso na burekalou i Peali e na veitikina kecega.
22A sa kaya ko koya vua sa lewa na vale ni sulu, “Mo kauta mai nai sulu ni sokalou me rauti ira kecega era sa qaravi Peali.” A sa kauta yani vei ira nai sulu.
23A sa qai curu ki na burekalou i Peali ko Jeu kei Jionatapi na luve i Rekapi, ka sa kaya ko koya vei ira era sa qaravi Peali, “Dou vakararai mada, ka raica me kakua ni tiko e na kemudou maliwa eke e dua sa qaravi Jiova, ia me ko ira duaduaga era sa qaravi Peali.”
24Era sa qai ia me ra vakacabora nai madrali kei nai soro kama.
Ia sa lesia oti tu ko Jeu me tiko e tautuba e lewe walusagavulu na tamata, ka kaya, “Ke sa dro bula e dua vei ira na tamata ka'u sa kauta mai ki na ligamudou, o koya sa laivi koya me dro ena mate ko koya me kenai sau ni tamata ko ya.”
25Ia ni ra sa vakacabora oti ga nai soro kama, sa kaya ko Jeu vei ira nai vakatawa kei ira nai vakalesilesi, “Dou curu mai ka mokuti ira; me kakua ni curu ki tuba e dua.” A ra sa vakamatei ira e nai seleiwau, ka sa viritaki ira ki tautuba ko ira nai vakatawa kei ira nai vakalesilesi, ka qai lako yani ki na loqi e loma ni burekalou i Peali.
26A ra sa kauta ki tautuba na veimatakau mai na burekalou i Peali, ka vakama.
27A ra sa qai basuraka na matakau i Peali, ka vakarusa na burekalou i Peali, ka cakava me vale ni benu me yacova na siga oqo.
28A sa vakarusai Peali ko Jeu mai vei ira na Isireli.
291Tui 12.28-30Ia sa sega ni mudu ni muria ko Jeu nai valavala ca i Jeropoama na luve i Nipati, o koya ka vakaivalavalacataki ira na Isireli—ka oqori na luve ni bulumakau koula ka tu mai Peceli kei Tani.
30A sa kaya vei Jeu ko Jiova, “Me vaka ni ko sa caka vinaka e na kena vakayacori na veika sa dodonu vei au, ka ni ko sa kitaka ki na vale i Eapi me vaka na veika kecega ka tu e lomaqu, era na dabeca tiko na luvemu tagane nai tikotiko vakaturaga e Isireli me yacova nai kava ni tabatamata.”
31Ia sa sega ni qarauna ko Jeu me muria tiko nai vunau i Jiova na nodra Kalou na Isireli e na yalona taucoko. A sa sega ni biuta nai valavala ca i Jeropoama, o koya ka vakaivalavalacataki ira na Isireli.
Na Mate nei Jeu32E na gauna ko ya, sa vakatekivu kina ko Jiova me vakalailaitaki ira na Isireli. A sa vakadrukai ira ko Eseeli e nai yalayala kecega ni vanua ko Isireli:
33mai na Joritani ka vaka ki na tokalau, na vanua taucoko ko Kiliati, ko ira na Kata, kei ira na Rupeni, kei ira na Manasa, mai Aroeri, o koya sa voleka ki na uciwai ko Arinoni, io ko Kiliati kei Pasani.
34Ia na kena vo ni cakacaka i Jeu, kei na ka kecega sa cakava ko koya, kei na nona qaqa kecega, sa sega li ni volai e nai Vola ni Veika sa Caka e na Nodra Gauna na Tui Isireli?
35A sa moce vata kei ira na nona qase ko Jeu, ka sa bulu mai Samaria. A sa tui ko Jioaasi na luvena, me kenai sosomi.
36Ia na gauna sa veiliutaki kina e Isireli mai Samaria ko Jeu, sa yabaki ruasagavulu ka walu.
Who We AreWhat We EelieveWhat We Do
2025 by iamachristian.org,Inc All rights reserved.
