Esera Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Ai Vola i Esera e kenai sema ga nai vola Na Veika sa Caka ena Veigauna, ka tukuni kina na nodra lesu tale mai eso na Jiu era a kau vakabobula ki Papiloni kei na vakalesui tale ni i tovo ni bula kei na sokalou e Jerusalemi. Sa tukuni vakaveitarataravi na veika oqori me vakaoqo: (1) Era a suka lesu mai Papiloni nai matai ni lawalawa Jiu ena i vakaro i Sairusi na Tui Perisia; (2) A tara vou tale na Valenisoro kei na kena vakatabui, ka sa vakalesui tale na sokalou mai Jerusalemi; (3) Ni oti e vica tale na yabaki, era a qai yaco tale mai e dua nai lawalawa Jiu ki Jerusalemi ena ruku ni veiliutaki i Esera, e dua ka kila vinaka nai Vakaro ni Kalou, ka vukei ira na tamata me cokonaki vinaka tale nai vakarau ni nodra sokalou kei na nodra bula vakaveiwekani ka me karoni tikoga kina na nodra bula vakayalo na Isireli.Na Lewe ni VolaNodra suka lesu nai matai ni lawalawa Jiu mai na veivakabobulataki 1.1—2.70

Na kena vakavoui kei na vakatabui ni Valenisoro 3.1—6.22

Lesu mai ko Esera kei na so tale na Jiu 7.1—10.44