Same 133 - Ai Vola Tabu (Vakadewa Makawa Vakavoutaki 2021)（FRV21）

Na Lagilagi ni Bula Veilomani kei na Duavata A Sere ni cabecabe. A nei Tevita.

1Raica, na kena yaga kei na kena matavinaka,

ni ra sa tiko vakayalovata na veiwekani!

2Sa vaka nai lumu talei e na uluna,

ka tiriva na kumina,

Io na kumi i Eroni,

ka sa tiri sobu ki na tutu ni nona i sulu.

3Ka sa vaka na tegu mai Erimoni,

ka lutu sobu ki na Ulunivanua ko Saioni.

Ni sa vosa ko Jiova me yaco mai kina na ka ni veivakalougatataki,

Io na bula e sega ni mudu.