1Kemuni Jiova na Kalou sa dauvakabulai au,
ka'u a tagi e na siga kei na bogi e matamuni,
2me rairai e matamuni na noqu masu;
mo ni vakalakala daligamuni ki na noqu tagi.
3Ni sa luvu na lomaqu e na ka rarawa,
ia ka'u sa toro voleka ki nai bulubulu.
4Au sa wili vata kei ira era sa lako sobu ki nai bulubulu;
au sa vaka na tamata sa sega vua na kaukauwa,
5sa biu tu kei ira na mate,
me vakataki ira na moku era sa koto e nai bulubulu,
o ira ko ni sa sega ni nanuma tiko,
a ra sa tawase tani mai na ligamuni.
6O ni sa biuti au ki na boto ni qara,
e na vanua butobuto, e loma ni wai titobu.
7Sa bitaki au na nomuni cudru,
ia ko ni sa vakararawataki au ni sa sevi au na nomuni biau kecega. Sela
8O ni sa vakayawataka vei au na wekaqu;
o ni sa soli au me'u sevaki vei ira.
Au sa sogolati, ka sega ni lako tani rawa;
9sa tagi na mataqu e na vuku ni rarawa.
I Jiova, ka'u a tagi vei kemuni e na veisiga kecega;
ka'u sa dodoka yani na ligaqu vei kemuni.
10Ko ni na cakava li na cakacaka mana e na vukudra na mate?
Ena tucake li na mate ka vakavinavinaka vei kemuni? Sela
11Ena tukuni li na nomuni yalololoma e nai bulubulu,
se na nomuni yalodina e na vanua ni rusa?
12Ena kilai li na nomuni cakacaka mana mai na vanua butobuto,
se na nomuni cakacaka dodonu mai na vanua e dau guileca kina na ka?
13Ia koi au ka'u sa tagi oti vei kemuni Jiova;
ia ena yaco kivei kemuni e na mataka na noqu masu.
14I Jiova, a cava ko ni sa biuta tani kina na yaloqu?
A cava ko ni sa vunia kina vei au na matamuni?
15Oi au ka'u sa vakararawataki ka voleka ni mate ni'u sa cauravou ka yacova na siga oqo,
au sa domobula ni sa bitaki au na ka rerevaki mai vei kemuni.
16Sa luvuci au na nomuni cudru waqawaqa;
sa muduki au tani na nomuni veivakarerei.
17Sa vakavolivoliti au e na veisiga kecega me vaka na wai;
sa lako vata mai ka voliti au.
18O ni sa vakayawataka vei au na wekaqu kei koya sa lomani au;
ka kauti ira keitou sa dauveikilai ki na butobuto.
Who We AreWhat We EelieveWhat We Do
2025 by iamachristian.org,Inc All rights reserved.
