Osea 9 - Ai Vola Tabu (Vakadewa Makawa Vakavoutaki 2021)（FRV21）

Sa Kacivaka ko Osea nai Totogi ni Valavala Ca i Isireli

1Dou kakua ni marau, na Isireli!

Dou kakua ni reki, me vakataki ira na veimatanitu;

ni dou sa la'ki dautagane, ka sa laiva na nomudou Kalou.

Dou sa vinakata nai sau ni dautagane

e na veirara ni samu sila kecega.

2A rara ni samu sila kei nai keli-waini ena sega ni vakani ira,

kei na waini vou ena sega ni yaga vei ira.

3Era na sega ni tiko e na vanua nei Jiova;

ia era na lesu ga ki Ijipita ko ira na Ifereimi,

mai Asiria talega era na kania na ka dukadukali.

4Era na sega ni livia nai sevu waini vei Jiova,

ka ra na sega ni vinaka vua.

A nodra i soro ena tautauvata vei ira kei na kedra madrai era ia na so mate;

ko ira kece sa kana kina era na vakadukadukalitaki;

ia na nodra madrai sa na kedra ga,

ena sega ni kau ki na vale i Jiova.

5A cava mo dou qai cakava e na siga ni so tabu,

kei na siga ni solevu i Jiova?

6Ni ra sa lako tani mai na veivakacacani,

ko Ijipita ena kumuni ira,

ko Memifise ena buluti ira.

A nodra i yau siliva ka domoni, ena taukena na salato;

ena tiko e na nodra valelaca na soni.

7 Luke 21.22 Sa yaco mai na siga ni veicudruvi,

sa yaco mai na siga ni veisausaumi;

era na kila ko ira na Isireli,

“Sa sesewa na parofita,

sa kudru na tamata sa curumi,”

e na vuku ni levu ni nomudou caka cala,

kei na veicati levu.

8O ira na Ifereimi era i vakatawa era sa tovata kaya na noqu Kalou,

ia ko koya na parofita sa nona i cori na daubiri dai e na nona i valavala kecega,

na vu ni veicati e na vale ni nona Kalou.

9 Dvei 19.1-30 Sa ra la'ki vakavelavelataki ira vakalevu e na ca,

me vaka e na gauna i Kipea;

ena nanuma ko koya na nodra caka cala,

ena sauma na nodra i valavala ca.

Na Caka Cala i Isireli kei na Kena i Sau

10 Tiko 25.1-5 Ni ka'u a kunei ira na Isireli

era vaka na vua-ni-vaini mai na vanua lala.

Ka'u a raici ira na tamamudou me vaka nai sevu ni lolo,

ni sa vuavuai;

sa ra yaco ki Peali-piori, ka tawasei ira ki na ka e veivakamaduataki;

ka ra yaco me ra vakasisila me vaka na ka ko ya era domona.

11Ena vuka tani na nodra i ukuuku na Ifereimi me vaka na manumanu—

sa sega na vakasucu, sega na bukete, ka sega na kunekune!

12Ka kevaka era susuga na luvedra,

ka'u na vakayali ira me yacova ni sa sega e vo.

Ena ca vakaidina ko ira

ni'u sa lako tani mai vei ira!

13Ko Ifereimi, ni'u a raica, sa vaka na vuni niu-sawa gone sa tei e na yasana vinaka,

ia ko Ifereimi, era na vakasucuma na luvedra me nona na dauveivakamatei.

14Mo ni solia vei ira, i Jiova—

a cava beka ko ni na solia?

Solia vei ira na kete dauvakalutu gone

kei na sucu dau-di.

Na Lewa ni Kalou me Baleti Isireli

15Sa vu ga na nodra ca kece mai Kilikali;

ni ka'u a cati ira mai kea.

E na vuku ni ca ni nodra i valavala

ka'u na vakasavi ira tani kina mai na noqu vale;

ka'u na sega ni lomani ira tale;

sa ra dauvuki tani o ira kece na nodra turaga.

16Sa yaviti ko ira na Ifereimi,

sa malai na wakadra,

sa na sega ni vua tale.

Io, ke ra vakasucuma na gone,

ke'u na vakamatea na ka domoni ni ketedra.

17Ena biuti ira tani na noqu Kalou,

ni ra sa sega ni vakarorogo vua;

ka ra na dui veiseyaki ki na veivanua.