1Ia ni sa lako mai ko Tevita kei ira na nona tamata ki Sikilaki e nai katolu ni siga, era a curuma vakaivalu ko ira na Amalekaiti na vanua mai na mata ni ceva kei Sikilaki, ka samuti Sikilaki, ka vakama e na bukawaqa,
2ka ra sa tauri ira vakabobula na yalewa era sa tiko kina. Era sega ni vakamatea e dua e lailai se dua e levu, era kauti ira ga, ka lako yani e nodra i lakolako.
3Ia ni ra sa tadu yani ki na koro ko Tevita kei ira na nona tamata, raica, sa vakamai tu e na bukawaqa, ka sa vakabobulataki ko ira na watidra, kei ira na luvedra tagane, kei ira na luvedra yalewa.
4A ra sa tagi vakadomoilevu ko Tevita kei ira na tamata era tiko kaya, ka yacova ni ra sa malumalumu ka sega ni tagi rawa.
51Samu 25.42,43A sa vakabobulataki talega na wati Tevita ruarua, ko Eiinoami na yalewa ni Jesireli, kei Apikali na yalewa ni Kameli na wati Nepali.
6A sa rarawa vakalevu ko Tevita, ni ra sa kaya na tamata me lauviri e na vatu ko koya, baleta ni sa rarawa na yalodra na tamata kecega e na vuku ni luvena tagane kei na luvena yalewa. Ia sa vakaukauwataki koya ga ko Tevita e na vuku i Jiova na nona Kalou.
7 1Samu 22.20-23 A sa kaya ko Tevita vei Epaiaca na bete, na luve i Eiimeleki, “Mo kauta mada mai vei au na efoti.” A sa kauta mai na efoti kivei Tevita ko Epaiaca.
8A sa tarogi Jiova ko Tevita, ka kaya, “Kevaka ka'u sa muria na mataivalu oqo, au na vauci ira li se segai?” A sa kaya vua ko koya, “Mo muria; ni ko na vauci ira vakaidina, ka ia dina sara na veivakabulai.”
9A sa qai lako yani ko Tevita kei ira na tamata lewe ono na drau era tiko vata kaya, ka ra yaco ki na uciwai ko Pisori, e na vanua ka ra tiko kina ko ira ka biu tu mai.
10Ia sa cicimuria ga ko Tevita kei ira na tamata e lewe va na drau; ka sa toka ga mai e le rua na drau na tamata era sa malumalumu, ka sega ni qalo kosova rawa na uciwai ko Pisori.
11A ra sa kunea mai na loma ni vanua e dua na kai Ijipita, ka ra kauta mai kivei Tevita. A ra solia vua na kakana, ka sa kana ko koya. A ra sa vagunuva e na wai,
12ka ra sa solia vua e dua na tiki ni keke lolo kei na rua nai soso vua-ni-vaini. Ia ni sa kana oti ko koya, sa lesu mai vua na yalona, ni sa sega tu ni kana se gunu me siga tolu ka bogi tolu.
13Ka sa kaya vua ko Tevita, “Ko cei na nomu turaga? Ko sa lako talega mai vei?” A sa kaya ko koya, “Koi au na cauravou ni Ijipita, ka nona tamata e dua na Amalekaiti, ka sa biuti au na noqu turaga baleta ni'u a tauvi mate ka sa qai bogi tolu.
14Keimami a lako vakaivalu ki na dua na vanua ki na mata ni ceva vei ira na Kireci, oqori talega sa nei Juta, kei na vanua ki na mata ni ceva vei ira na Kelepi; ia ko Sikilaki keimami a vakama e na bukawaqa.”
15A sa kaya vua ko Tevita, “Ko rawa ni kauti au sobu mada ki na mataivalu oqo, se segai?” A sa kaya ko koya, “Mo bubului vei au e na yaca ni Kalou ni ko na sega ni vakamatei au, se soli au yani vua na noqu turaga, ka'u na qai kauti iko sobu ki na mataivalu ko ya.”
16Ia ni sa kauti koya sobu ko koya, ka raica, era sa robota tu na vanua, ka ra sa kana ka gunu tiko, ka marau tiko e na vuku ni toki ni valu levu kece era sa kauta mai na nodra vanua na kai Filisitia, kei na nodra vanua na Juta.
17A sa mokumokuti ira ko Tevita me tekivu mai na kida ni mataka ka yacova na yakavi ni siga ka tarava. A sa sega ni bula rawa vei ira e dua na tamata, ka vakavo ga e le va na drau na cauravou era vodoka na kameli ka dro.
18A sa rawata tale ko Tevita na ka kecega era a kovea ko ira na Amalekaiti, ka vakabula talega na watina ruarua ko Tevita.
19Ka sa sega ni yali vei ira e dua na ka lailai se dua na ka levu, se na luvedra tagane se na luvedra yalewa, se nai toki, se dua na ka era a kovea me nodra. Sa rawata kece tale ko Tevita.
20Sa taura talega ko Tevita na sipi kecega, kei na bulumakau, era sa vakauta me liutaka na manumanu tani, ka sa kaya, “Oqo nai toki-ni-valu nei Tevita.”
21A sa lako mai ko Tevita vei ira na le rua na drau na tamata, era a malumalumu ka sega ni muri Tevita rawa, ko ira era a kaya me tiko mai na uciwai ko Pisori. A ra sa lako yani me tavaki Tevita, kei ira talega na tamata era tiko vata kaya. Ia ni sa torovi ira na tamata ko Tevita, sa veikidavaki kei ira.
22Era sa qai kaya ko ira kecega na tamata ca kei ira na tamata tawa yaga vei ira era a lako vata kei Tevita, “Keitou na sega ni solia vei ira oqo e dua na ka mai nai toki eda sa taura baleta ni ra a sega ni lako vata kei keda, ka vakavo ga na tamata yadua me ra dui kauta lesu na watidra kei na luvedra ka lako yani.”
23A sa kaya ko Tevita, “Dou kakua sara ni cakava na ka oqo, na wekaqu, e na ka sa solia vei keda ko Jiova. Sa vakabulai keda ko koya, ka sa solia ki na ligada na mataivalu ka mai vala kei keda.
24Ia ko cei ena vakarorogo vei kemudou e na ka oqo? Me vaka na nona i votavota sa lako sobu ki nai valu, sa na vakakina na nona i votavota sa tiko kei nai yaya. Ena tautauvata na nodra i votavota.”
25Ia mai na siga ko ya sa lesia ko koya me vakakina vei ira na Isireli me kena lawa ka me vakabau tiko, ka yacova na siga oqo.
26Ia ni sa lako mai ki Sikilaki ko Tevita, sa vakauta eso nai toki vei ira na qase ni Juta, io vei ira na nonai tokani, ka kaya, “Raica, oqo e dua na ka-ni-loloma vei kemudou e nai toki mai vei ira na meca i Jiova.”
27A sa soli oqo vei ira era tiko mai Peceli, vei ira talega mai Remoci-nekipa, vei ira talega mai Jatiri,
28vei ira talega mai Aroeri, vei ira talega mai Sifimoci, vei ira talega mai Esitimoa,
29vei ira talega mai Rakali, vei ira talega era tiko e na nodra veikoro na kai Jiramieli, vei ira talega era tiko e nodra veikoro na Kenaiti,
30vei ira talega mai Orima, vei ira talega mai Kori-asani, vei ira talega mai Ataki,
31vei ira talega mai Epironi, kei na tikina kecega sa dautiko voli kina ko Tevita kei ira na nona tamata.
Who We AreWhat We EelieveWhat We Do
2025 by iamachristian.org,Inc All rights reserved.
