1A rau sa vala vakadede na vuvale i Saula kei na vuvale i Tevita. A sa tubu cake me kaukauwa tiko ko Tevita, ka sa malumalumu sobu tiko na vuvale i Saula.
2A sa sucu mai Epironi eso na luve i Tevita eratou tagane: a nona ulumatua ko Eminoni, o koya sa sucu vei Eiinoami na yalewa ni Jesireli;
3kei na kenai karua, ko Kiliapi, o koya sa sucu vei Apikali na yalewa ni Kameli na wati Nepali; kei na kenai katolu, ko Apisalome na luve i Meeka na yalewa na luve i Talimei, na tui Kesuri;
4kei na kenai kava, ko Atonaija na luve i Akici; kei na kenai kalima, ko Sefataia na luve i Epitali;
5kei na kenai kaono, ko Iciriami, o koya sa sucu vei Ekila na wati Tevita. O iratou oqo, na luve i Tevita, ka ra sa sucu mai Epironi.
Laki To Vata kei Tevita ko Epineri6Ia ni ra sa vala tiko na vale i Saula kei na vale i Tevita, sa vakaukauwataki koya ko Epineri e na vuku ni vale i Saula.
7Ia sa dua na wati Saula, a watina lailai, a yacana ko Risipa na luve i Eya. A sa kaya vei Epineri ko Isi-poseci, “A cava ko a curu kina vua na watina lailai i tamaqu?”
8A sa waqa vakalevu mai na cudru i Epineri e na vuku ni vosa i Isi-poseci, a sa kaya, “Oi au beka na ulu ni koli i Juta? Au sa caka vinaka e na gauna oqo ki na vale i Saula na tamamu, kei iratou na tacina, kei na nonai tokani, ka sega ni soli iko ki na liga i Tevita; ia ko sa beitaki au edaidai ni'u ca e na vuku ni yalewa ko ya.
91Samu 15.28Me cakacaka vakakina na Kalou vei Epineri, ka vakaikuritaka, kevaka ka'u sa sega ni cakava vei Tevita me vaka sa bubului ko Jiova me cakava vua;
10me'u tokitaka na matanitu mai na vuvale i Saula, ka vakatura cake nai tikotiko vakaturaga i Tevita me lewai ira na Isireli kei ira na Juta, mai Tani ka yacovi Peri-sepa.”
11A sa sega ni vosa rawa tale vei Epineri ko koya, ni sa rerevaki koya.
12A sa tala eso na mata vei Tevita ko Epineri, e na vukuna ka me ra kaya, “A nei cei na vanua? Me daru veiyalayalati mada, ka raica, ena tiko kei iko na ligaqu me'u vukici ira kecega na Isireli vei iko.”
13A sa kaya ko koya, “E vinaka; au na ia na veiyalayalati kei iko; ia sa dua ga na ka ka'u sa lewa vei iko; oqo, mo kakua ni raica na mataqu kevaka ko sa sega mada ni kauti Mikali mai, na luve i Saula, ni ko sa mai raici au.”
141Samu 18.27A sa tala ko Tevita eso na tamata vei Isi-poseci na luve i Saula, ka kaya, “Mo solia mai na watiqu ko Mikali, o koya ka'u a rawata me noqu e na dua na drau na vuso ni kai Filisitia.”
15A sa talaki ko Isi-poseci, ka kauti koya mai vua na watina, io, mai vei Palitieli, na luve i Laisi.
16Ia sa lako vata kaya na watina tagane, ka tagi lako ga ni sa muri koya ki Peurimi. Sa qai kaya vua ko Epineri, “Mo lako, mo lesu yani.” A sa lesu yani ko koya.
17A sa veivosaki kei ira na qase ni Isireli ko Epineri, ka sa kaya ko koya, “Dou a qarai Tevita eliu me nomudou tui.
18Ia oqo mo dou vakayacora sara, ni sa vosa ni yalayala vei Tevita ko Jiova, ka vaka, ‘E na liga i Tevita na noqu tamata ka'u na vakabulai ira na noqu tamata na Isireli mai na ligadra na kai Filisitia, kei na ligadra na nodra meca kecega.’ ”
19A sa vosa talega ko Epineri vei ira na Penijamini. A sa qai lako ko Epineri me tukuna vei Tevita mai Epironi na ka kecega sa vinaka vei ira na Isireli, kei ira kecega na Penijamini.
20Ni sa lako mai vei Tevita ki Epironi ko Epineri kei ira vata kaya e lewe ruasagavulu na tamata, a sa caka magiti ko Tevita vei Epineri kei ira na tamata era sa lako vata kaya.
21Ka sa kaya vei Tevita ko Epineri, “Au na ia ka lako, ka vakasoqoni ira vata kecega na Isireli vei kemuni na noqu turaga na tui, ka me ra ia na veiyalayalati kei kemuni, mo ni lewai ira kecega sa vinakata na yalomuni.” A sa talai Epineri yani kina ko Tevita, ka sa lako ko koya e na vakacegu.
Sa Vakamatei Epineri ko Joape22E sega ni dede era sa yaco tale mai ko ira na tamata i Tevita kei Joape mai na dua nai valu, ka sa levu nai toki era sa kauta mai. Ia, a sa sega ni tiko kei Tevita mai Epironi ko Epineri, ni sa talai koya yani ko koya, ka sa lako e na vakacegu.
23Ni sa lako mai ko Joape kei ira kecega nai lewe ni mataivalu era sa tiko kaya, sa tukuni vei Joape, ka vaka, “Sa lako mai vei koya na tui ko Epineri, na luve i Neri, ka sa talai koya yani ko koya, ka sa lako ga e na vakacegu.”
24A sa qai lako mai vua na tui ko Joape, ka kaya, “A cava ko ni sa cakava? Raica, sa lako mai vei kemuni ko Epineri. Ka cava ko ni a talai koya yani kina, ka sa lako sara yani ko koya?
25O ni sa kilai Epineri, na luve i Neri, ni sa lako mai ko koya me vakacalai kemuni, ka me kila na nomuni veilakoyaki, ka me kila na ka kecega ko ni sa cakava.”
Sa Vakamatei Epineri ko Joape26Ni sa lako tani ko Joape mai vei Tevita, a sa tala eso na tamata me muri Epineri, ka ratou sa vakalesui koya mai na mata-ni-wai mai Sira. Ia sa sega ni kila oqo ko Tevita.
27Ni sa lesu mai ki Epironi ko Epineri, sa kauti koya vakatikitiki ki na matamata-ni-koro ko Joape, me vosa lo vua, ka sa cokai koya mai kea e na ketena, ai sau ni dra i Asaeli na tacina, ka sa mate kina ko koya.
28A sa qai rogoca e muri ko Tevita, ka sa kaya, “Au sa sega ni cala koi au, kei na noqu matanitu, e na mata i Jiova, ka sega ni mudu, e na vuku ni dra i Epineri, na luve i Neri.
29Me tau ga ki na ulu i Joape, kei na vale taucoko i tamana, ka me kakua ni mudu mai na vale i Joape na tamata sa turudrabalavu, se na vukavuka, se dua sa vakaititoko voli, se dua e bale e nai seleiwau, se dua e dravudravua e na kakana!”
30A rau sa vakamatei Epineri kina ko Joape kei Apisai na tacina, ni sa vakamatei Asaeli na tacidrau ko koya e nai valu mai Kipioni.
Sa Tagicaki Epineri ko Tevita31A sa kaya ko Tevita vei Joape vata kei ira kece talega na tamata era sa tiko vata kaya, “Dou dresulaka na nomudou i sulu, ka vauci kemudou e nai sulu taga, ka tagicaki Epineri.” A sa muria na tavata ko Tevita na tui.
32A ra sa buluti Epineri mai Epironi. A sa tagi vakadomoilevu ko koya na tui mai nai bulubulu i Epineri, ka ra sa tagi ko ira kecega na tamata.
33A sa lelevaki Epineri ko koya na tui, ka kaya,
“Me mate li ko Epineri me vaka sa mate na tamata lialia?
34Sa sega ni vesuki na ligamu,
a sa sega ni vakacurumi ki nai vesu kaukamea na yavamu;
me vaka sa bale na tamata e matadra na tamata ca,
sa vakakina na nomu bale.”
A sa tagicaki koya tale ko ira kecega na tamata.
35A sa lako mai ko ira kecega na tamata me vakauqeti Tevita me kana ni sa siga toka; a sa bubului ko Tevita, ka kaya, “Me cakacaka vakakina vei au na Kalou, ka vakaikuritaka, kevaka ka'u sa tovolea na madrai, se dua na ka tani, ka me dromu mada na mata-ni-siga!”
36A ra sa vakasamataka na tamata kecega, a sa vinaka vei ira; ka sa vinaka vakakina vei ira kecega na tamata na ka kece sa cakava ko koya na tui.
37A sa kila ko ira kecega na tamata kei ira kecega na Isireli e na siga ko ya, ni sa sega ni vu vei koya na tui na mate i Epineri, na luve i Neri.
38A sa kaya vei ira na nona tamata ko koya na tui, “Dou sa sega beka ni kila ni sa bale e Isireli edaidai oqo e dua na turaga levu ka tamata rogo?
39Ia koi au, e dina ga ni ka'u sa lumuti tu me'u tui, ia ka'u sa malumalumu ga edaidai. Eratou sa rui tamata voravora vei au ko iratou oqo na luve i Seruwaia. Me qai sauma ko Jiova na nona ca vei koya sa kitaka na ca!”
Who We AreWhat We EelieveWhat We Do
2025 by iamachristian.org,Inc All rights reserved.
