Tiko mai na Lekutu 33 - Ai Vola Tabu (Vakadewa Makawa Vakavoutaki 2021)（FRV21）

Nodra i Lakolako na Isireli mai Ijipita ki Moapi

1Sa vakaoqo na nodra i lakolako na Isireli, ka ni ra sa lako mai na vanua ko Ijipita e na nodra veivavakoso, ni sa lewai ira ko Mosese kei Eroni.

2A sa vola na nodra i tokitoki ko Mosese e na nodra i lakolako, me vaka ka vakarota ko Jiova; a sa vakaoqo na nodra i lakolako e na nodra i tokitoki.

3A ra a lako tani mai Ramisese e nai matai ni vula, e nai katinikalima ni siga e nai matai ni vula; e na mataka cake ni sa oti na Lako-sivia, era lako tani mai na Isireli e na liga kaukauwa, e matadra kecega na kai Ijipita,

4ni ra sa buluta tiko na nodra ulumatua kecega ko ira na kai Ijipita ko ira ka yaviti ira ko Jiova. A sa cudruva talega na nodra kalou ko Jiova.

5A ra sa toki mai Ramisese na Isireli, ka la'ki tiko ki Sukoci.

6A ra sa toki mai Sukoci, ka la'ki tiko ki Ecami, ko ya sa voleka ki na vanua lala.

7A ra sa toki mai Ecami, ka lesu tale ki Pi-eiroci, ko ya sa donui Peali-sifoni, ka ra la'ki tiko e na yasana sa donui Mikitoli.

8A ra sa toki mai na yasana sa donui Eiroci, ka lako e loma ni wasawasa ki na vanua lala, ka lako tiko bogi tolu ki loma ni vanua lala mai Ecami, ka la'ki tiko ki Mara.

9A ra sa toki mai Mara, ka lako ki Elimi; a sa tiko mai Elimi e tinikarua na mataniwai, ka vitusagavulu na vuni niu, ka ra sa tiko mai kina.

10A ra sa toki mai Elimi, ka la'ki tiko ki na Wasa Damudamu.

11A ra sa toki mai na wasa Damudamu, ka la'ki tiko e na vanua lala ko Sini.

12A ra sa toki mai na vanua lala ko Sini, ka la'ki tiko ki Tofika.

13A ra sa toki mai Tofika, ka la'ki tiko ki Alusi.

14A ra sa toki mai Alusi, ka la'ki tiko ki Rifitimi; ia sa sega kina na wai me ra gunuva na tamata.

15A ra sa toki mai Rifitimi, ka la'ki tiko e na vanua lala mai Saineai.

16A ra sa toki mai na vanua dravuisiga mai Saineai, ka la'ki tiko ki Kipiroci-ateva.

17A ra sa toki mai Kipiroci-ateva, ka la'ki tiko ki Eseroci.

18A ra sa toki mai Eseroci, ka la'ki tiko ki Ricima.

19A ra sa toki mai Ricima, ka la'ki tiko ki Rimoni-peresi.

20A ra sa toki mai Rimoni-peresi, ka la'ki tiko ki Lipina.

21A ra sa toki mai Lipina, ka la'ki tiko ki Risa.

22A ra sa toki mai Risa, ka la'ki tiko ki Kielaca.

23A ra sa toki mai Kielaca, ka la'ki tiko ki na Ulunivanua ko Seperi.

24A ra sa toki mai na Ulunivanua ko Seperi, ka la'ki tiko ki Arata.

25A ra sa toki mai Arata, ka la'ki tiko ki Makeloci.

26A ra sa toki mai Makeloci, ka la'ki tiko ki Teaci.

27A ra sa toki mai Teaci, ka la'ki tiko ki Tara.

28A ra sa toki mai Tara, ka la'ki tiko ki Micika.

29A ra sa toki mai Micika, ka la'ki tiko ki Asimona.

30A ra sa toki mai Asimona, ka la'ki tiko ki Moseroci.

31A ra sa toki mai Moseroci, ka la'ki tiko ki Pinei-yeekani.

32A ra sa toki mai Pinei-yeekani, ka la'ki tiko ki Ori-akitikati.

33A ra sa toki mai Ori-akitikati, ka la'ki tiko ki Jotipaci.

34A ra sa toki mai Jotipaci, ka la'ki tiko ki Apirona.

35A ra sa toki mai Apirona, ka la'ki tiko ki Esi-oni-keperi.

36A ra sa toki mai Esi-oni-keperi, ka la'ki tiko e na vanua lala ko Sini, ko ya ko Ketesa.

37A ra sa toki mai Ketesa, ka la'ki tiko mai na Ulunivanua ko Ori, mai nai yalayala ni vanua ko Itomi.

38 Tiko 20.22-28; Vrua 10.6; 32.50 Ia sa cabeta ko Eroni na bete na Ulunivanua ko Ori ni sa vakarota ko Jiova, ka mate kina, e nai kavasagavulu ni yabaki ni nodra lako mai na vanua ko Ijipita na Isireli, e nai kalima ni vula e nai matai ni siga ni vula.

39A sa yabaki dua na drau ka ruasagavulu ka tolu ko Eroni, ni sa mate mai na Ulunivanua ko Ori.

40 Tiko 21.1 Ia ko tui Arati na kai Kenani, ko koya ka tiko ki na ceva mai na vanua ko Kenani, sa rogoca ni ra sa lako mai na Isireli.

41A ra sa toki mai na Ulunivanua ko Ori, ka la'ki tiko ki Salimona.

42A ra sa toki mai Salimona, ka la'ki tiko ki Pinoni.

43A ra sa toki mai Pinoni, ka la'ki tiko ki Opoci.

44A ra sa toki mai Opoci, ka la'ki tiko ki Iye Aparimi, mai nai yalayala i Moapi.

45A ra sa toki mai Iyimi, ka la'ki tiko ki Taiponi-kata.

46A ra sa toki mai Taiponi-kata, ka la'ki tiko ki Alimoni-tipilaceimi.

47A ra sa toki mai Alimoni-tipilaceimi, ka la'ki tiko mai na Ulunivanua ko Aparimi, sa donui Nipo.

48A ra sa toki mai na Ulunivanua ko Aparimi, ka la'ki tiko mai na vanua veibuca mai Moapi, sa voleka ki na Joritani, ka donui Jeriko.

49A ra sa la'ki tiko voleka ki na Joritani, mai Peci-yisimoci ka yaco ki Epeli-sitimi, mai na vanua veibuca mai Moapi.

Ai Vakaro e na Kabai ni Vanua ko Kenani

50A sa vosa vei Mosese ko Jiova mai na vanua veibuca mai Moapi, sa voleka ki na Joritani, ka donui Jeriko, ka kaya,

51“Mo vosa vei ira na Isireli, ka kaya vei ira: Ni dou sa qalo kosova na Joritani mo dou butuka na vanua ko Kenani,

52dou na qai vakasavi ira tani kecega e matamudou na lewe-ni-vanua ko ya, ka vakaotia na nodra matakau ceuti kecega, ka vakaotia na nodra veimatakau vakawaicalataki, ka vakarusa na nodra veitikina cecere.

53Ia dou na taukena na vanua ko ya, ka tiko kina, ni'u sa solia vei kemudou na vanua mo dou taukena.

54Tiko 26.54-56Ia dou na vota na vanua e na vakawiri madigi, ki na nomudou veimataqali; vei ira era lewe vuqa dou vakalevutaka nai votavota, ia vei ira era lewe lailai dou vakalailaitaka sobu nai votavota. Sa na taukena na tamata yadua na tikina sa qarava e na vakawiri madigi; dou na taukena me vaka na nodra veiyavusa na nomudou qase.

55Ia kevaka dou sa bese ni vakasavi ira tani e matamudou na lewe-ni-vanua; ko ira dou sa laivi ira me ra tiko, era na qai vaka na voto ni kau e na matamudou, kei na kau votovotoa e na sarisarimudou, ka ra na vakararawataki kemudou e na vanua dou sa tiko kina.

56Ia kau na kitaka vei kemudou me vaka ka'u a nakita me'u kitaka vei ira.”