1Era sa qai vakasoqoni vata ko ira kecega na Isireli kivei Tevita ki Epironi, a ra sa kaya, “Raica, koi keitou oqo na suimuni kei na lewemuni;
2ia na gauna sa oti yani, ni sa tui tiko ko Saula, sai kemuni ga sa dauliutaki ira na Isireli, e na nodra curu yani kei na nodra curu tale mai. A sa kaya vei kemuni ko Jiova na nomuni Kalou, O iko, ko na vakani ira na noqu tamata na Isireli, ia ko na lewai ira na noqu tamata na Isireli.”
3A sa lako mai ko ira kecega na qase ni Isireli kivei koya na tui ki Epironi; ka sa ia na veiyalayalati kei ira ko Tevita mai Epironi, e na mata i Jiova; a ra sa lumuti Tevita me nodra tui na Isireli, me vaka na vosa i Jiova e na gusu i Samuela.
4 Josua 15.63; Dvei 1.21 A sa lako ko Tevita kei ira kecekece na Isireli ki Jerusalemi (ko ya ko Jepusa), a ra sa tiko kina na Jepusaiti, ko ira nai taukei ni vanua.
5A ra sa kaya vei Tevita ko ira nai taukei mai Jepusa, “E tabu sara mo lako mai ki ke.” Ia sa rawa ko Tevita na koro-ni-valu ko Saioni, o koya na koro i Tevita.
6A sa kaya ko Tevita, “O koya sa na mokuti ira taumada na Jepusaiti, ena liu ga ko koya ka na kavetani ni valu.” A sa cabe taumada ko Joape na luve i Seruwaia, ka sa lesi kina me turaga-ni-valu.
7A sa tiko ga ko Tevita e na koro-ni-valu; a ra sa vakatoka kina me koro i Tevita.
8A sa tara tale ko koya na koro e na veiyasana, sa vakatekivu mai Milo ka vakavolivolita; ia na yasana ka vo e na koro sa vakavinakataka ko Joape.
9A sa tubu tikoga me levu cake mai ko Tevita, ka ni sa tiko vata kaya ko Jiova-ni-lewevuqa.
Ko Ira na Tamata Qaqa i Tevita10Ia ko ira oqo era sa liu vei ira na tamata qaqa i Tevita, era a totaki koya e na nona matanitu, kei ira kece na Isireli, me buli koya me tui, me vaka na vosa i Jiova e na vuku i Isireli.
11Ia oqo na kedrai wiliwili na tagane qaqa i Tevita: ko Jasopiami na luve i Akimoni sa liu vei ira na kavetani ni valu. Sa laveta na nona moto vei ira na tamata e le tolu na drau, a sa vakamatei ira kece e na dua ga na siga.
12A sa taravi koya ko Iliesa na luve i Toto, na luve i Eoa, e dua vei iratou na lewe tolu eratou qaqa sara.
13Sa tiko vata kei Tevita ko koya oqo mai Pasitamimi, a ra sa soqoni vata mai kea na kai Filisitia me ia nai valu, a sa dua kina na loga ni barile; a sa dro ko ira na tamata e matadra na kai Filisitia.
14A ra sa la'ki tu e loma ni were ko ya, a ra sa vakabula, a ra sa mokuti ira na kai Filisitia; ka sa cakava vei ira ko Jiova na veivakabulai levu.
15A sa lako sobu e lewe tolu vei ira na lewe tolusagavulu na turaga-ni-valu kivei Tevita ki na uluvatu, ki na qara vatu mai Etulama, a sa tiko na nodra mataivalu na kai Filisitia mai na buca ko Refeimi.
16A sa tiko ko Tevita e na koro ni drodro e na veisiga ko ya; ka sa tiko mai Peceliema e na gauna ko ya na nodra i valu na kai Filisitia.
17A sa mate e na viagunu ko Tevita, ka kaya, “Ke sa dua mada me vagunuvi au e na wai mai na mata-ni-wai mai Peceliema, ka tu mai na matamata-ni-koro!”
18A ratou sa biliraka tani na nodra mataivalu na kai Filisitia ko iratou na lewe tolu oqo, ka takiva na wai mai na mata-ni-wai mai Peceliema, ka tu mai na matamata-ni-koro, a ratou sa takiva, ka kauta vei Tevita. Ia sa bese ni gunuva ko Tevita, sa sova ga vei Jiova,
19a sa kaya, “Me tabu sara vei au kemuni na noqu Kalou, me'u kitaka na ka oqo. Au na gunuva li na nodratou dra na tamata eratou a douvaka na mate? Ni ratou a bolea na mate ni ratou a kauta mai.” Ka sa bese ni gunuva ko koya. A veika oqo eratou sa cakava na lewe tolu sa tamata qaqa sara.
20A sa veiliutaki vei ira na lewe tolusagavulu ko Apisai na taci Joape. A sa laveta na nona moto vei ira na tamata e le tolu na drau, ka sa vakamatei ira, ka sa tamata rogo kei iratou na lewe tolu.
21A sa uasivi cake ko koya vei ira na lewe tolusagavulu, ni sa nodrau kavetani ko koya; ia sa sega ni tautauvata kei iratou na lewe tolu sa liu.
22Ko Penaia na luve i Jioiata ka tagane, a luve ni dua na tamata qaqa mai Kapisieli ka cakava na ka levu eliu; sa mokuta ko koya e le rua na tamata erau a vaka na laione, erau kai Moapi. A lako sobu talega ko koya ka mokuta e dua na laione e na dua nai keli, e na gauna ni uca-vulavula.
23Sa mokuta talega e dua na kai Ijipita, a tamata yagolevu, sa lima na kiupiti na kena balavu. A sa taura e ligana na kai Ijipita na moto sa vaka na kau ni tamata dautalitali, ia sa lako sobu vua ko koya ka sa taura ga nai titoko, ka sa kaliraka na moto mai na liga ni kai Ijipita, ka qai vakamatei koya kina.
24A veika oqo sa cakava ko Penaia na luve i Jioiata, a sa rogo vata ko koya kei iratou na lewe tolu na tamata qaqa.
25Raica, sa dokai vakalevu vata kei ira na lewe tolusagavulu, ia sa sega ni tautauvata kei iratou na lewe tolu sa liu. A sa lesi koya ko Tevita me turaga ni mataivalu sa dauvakatawai koya tiko na tui.
26Ko ira talega na tamata qaqa e na mataivalu; ko Asaeli na taci Joape, ko Elanani na tagane na luve i Toto mai Peceliema,
27ko Samoci na kai Aroti, ko Elesi na kai Piloni,
28ko iratou ka tagane na luvei Ikesi na kai Tikoa, ko Epieseri na kai Anacoci,
29ko Sipikei na luve i Usa, ko Ilai na luve i Eoi,
30ko Meerei na kai Nitofa, ko Elepi na tagane, ka luve i Peana na kai Nitofa,
31ko Itei na tagane, ka luve i Ripei mai Kipea sa nodra na luve i Penijamini, ko Penaia na kai Piraconi,
32ko Urei mai na veiuciwai mai Kaasi, ko Epieli na kai Arapa,
33ko Asimavece na kai Peurimi, ko Elaiapa na kai Selipimi,
34ko iratou na luve i Jaseni na kai Kiso, ko Jonacani na tagane na luve i Sake, na Araraiti,
35ko Eiami na tagane na luve i Sakari, na Araraiti, ko Ilifali na luve i Uri ka tagane,
36ko Eferi na kai Mikera, ko Eaija na kai Piloni,
37ko Esirei na kai Kameli, ko Neeri na luve i Esipei ka tagane,
38ko Joeli na taci Necani, ko Mipari mai vei ira na Akiri ka tagane;
39ko Seleki na luve i Amoni, ko Neeri na kai Pieroci, ko koya sa daucolata nai yaragi i Joape, na luve i Seruwaia ka tagane,
40ko Ira na luve i Jeceri, ko Karepi na luve i Jeceri,
41ko Uraia na Itaiti, ko Sapati na luve i Alai ka tagane,
42ko Etini na luve i Sisa ka tagane, mai vei ira na Rupeni, a nodra turaga-ni-valu na Rupeni, ka le tolusagavulu vata kaya,
43ko Anani na luve i Meeka, ka tagane, kei Josafati na kai Micini,
44ko Usaia na kai Aseteroci, ko Sama, kei Jieli, erau tagane na luve i Ocami na kai Eroeri,
45ko Jitieeli na luve i Simiri ka tagane, kei Joa na tacina, na kai Tisi,
46ko Ilieli na kai Meevimi, kei Jiripei, kei Josavaia, eratou tagane ka luve i Elineami, kei Icama na kai Moapi,
47ko Ilieli, kei Opeti, kei Jeesieli na kai Misopaia.
Who We AreWhat We EelieveWhat We Do
2025 by iamachristian.org,Inc All rights reserved.
