1Sa dua na yalewa sa vakawati kei na dua vei ira na luve ni parofita, a sa mai tagi vei Ilaisa, ka kaya, “Sa mate na nomu tamata na watiqu; ia ko sa kila ni sa rerevaki Jiova ko koya na nomu tamata, ia sa lako mai na tamata ka'u a sega ni sauma rawa vua na noqu dinau me mai kauta na luvequ tagane ruarua me rau bobula.”
2A sa kaya vua ko Ilaisa, “A cava me'u cakava vei iko? Tukuna mada mai vei au se cava sa tu vei iko mai vale?” A sa kaya ko koya, “Sa sega ni tu vei au na nomu vada e dua na ka e vale, e dua ga na tavaya waiwai.”
3A sa kaya ko koya, “Mo lako yani ki tautuba, ka la'ki kerea mada na saqa lala eso mai vei ira kecega na kai nomu, ka me kakua ni vica walega.
4Ka mo qai curu ki vale, ka sogota na katuba mo dou sogolati kei rau na luvemu, ka tekivu livia yani ki na saqa kecega oqori, ia me biu vakatikitiki na kena sa sinai.”
5A sa lako tani vua na yalewa, a sa sogota na katuba, me sogobututaki vata kei rau na luvena. Erau sa kauta vua na saqa, ka sa livia kina ko koya.
6Ia ni sa sinai kece na saqa, sa kaya vua na luvena ko koya, “Mo kauta mai vei au e dua tale na saqa.” A sa kaya vua ko koya, “Sa sega tale na saqa e vo.” Sa qai mudu na drodro ni waiwai.
7A sa lako ko koya ka tukuna vua na tamata ni Kalou; a sa kaya ko koya, “Mo lako, ka volitaka na waiwai, ka sauma na nomu dinau; dou qai bula kei rau na luvemu e na kena ka vo.”
Ko Ilaisa kei na Marama Vutuniyau ni Sunemi8A sa dua na siga sa lako yani kina ko Ilaisa ki Sunemi, ka sa tiko mai kea e dua na marama vutuniyau, o koya ka sa cikevi Ilaisa me kana. Ia e na veisiga sa lako tu kina ko koya, sa daucuru ki na nona vale me kana.
9A sa kaya vua na watina ko koya na marama, “Raica, au kila ni sa tamata yalosavasava ni Kalou ko koya ka daulako tiko mai oqo.
10Me daru tara mada e dua na loqi lailai e cake, e na dela ni bai vatu, ka kauta kina e dua na nona i mocemoce, ka dua na teveli, ka dua nai dabedabe, ka dua nai tutu-ni-cina. Ia ni sa lako mai vei kedaru, me qai curu ka vakacegu kina ko koya.”
11Ia sa dua na siga sa lako kina ki kea ko koya, ka sa curu sara ki na loqi e cake ka koto kina.
12A sa kaya vei Keasi na nona cauravou, “Mo kaciva mada na marama ni Sunemi oqo.” A sa kaciva, ka sa mai tu ko koya e matana.
13Sa qai vaka, “Mo kaya mada vua na marama, ‘Raica, me vaka ko sa oga vakalevu vei keirau e na veika kecega oqo, a cava na ka me na caka vei iko? E vinaka li me'u cavuti iko vua na tui se vua na kavetani ni mataivalu?’ ” A sa kaya ko koya, “Au sa tiko e na kedra maliwa na kai noqu.”
14A sa kaya ko koya, “A cava beka me caka vua?” A sa kaya ko Keasi, “Sa sega tiko ni dua na luvena, ka sa qase mai na watina.”
15A sa kaya ko koya, “Mo tei kacivi koya mada.” A sa kaciva ko koya, ka sa mai tu na marama mai katuba.
16Vteki 18.14A sa kaya ko koya, “E na gauna vakaoqo, e na yabaki vou, ko na roqota kina e dua na luvemu tagane.” A sa kaya ko koya, “E segai noqu turaga, na tamata ni Kalou; ni kakua ni vakaisini au na nomuni vada.”
17Ia sa kunekune na marama, ka vakasucuma na gonetagane e na yabaki kadua, e na gauna ka kaya kina vua ko Ilaisa.
Sa Vakabula na Gone ko Ilaisa18Ia ni sa tubu me levu na gone, a sa lako yani e na dua na siga vei tamana e na kedra maliwa na tamata era tamusuki sila.
19A sa kaya vei tamana, “Oilei, na uluqu, na uluqu!” A sa kaya ko tamana vua e dua na nona cauravou, “Mo keveti koya mada yani vei tinana.”
20A sa keveta cake ko koya, ka kauta vei tinana, ka sa tenea ko koya me yacova na sigalevu, ka sa qai mate.
21A sa lako cake ko tinana, ka vakadavori koya e na nona i mocemoce na tamata ni Kalou, ka sogolati koya, ka lako tani.
22A sa qai kaci vua na watina, ka kaya, “Mo tala mai vei au e dua vei ira na cauravou, ka dua na asa, me'u vakatotolo vua na tamata ni Kalou, ka lako tale mai.”
23A sa kaya ko koya, “A cava ko via lako kina vua edaidai? Sa sega ni vula vou, se Siga ni Vakacecegu.” A sa kaya ko koya, “Ena vinaka ga.”
24Sa vauca talega nai vodovodo ki na asa, ka sa kaya vua na nona cauravou, “Mo vakacicivaka yani na asa, ka lako sara; mo kakua ni vakaberabera e na vukuqu kevaka ka'u sa sega ni kaya vei iko.”
25A sa lako yani ko koya, ka yaco vua na tamata ni Kalou mai na Ulunivanua ko Kameli.
Ia ni sa kunei koya na tamata ni Kalou, ni sa tiko vakayawa, sa kaya ko koya vei Keasi na nona cauravou, “Raica, ko ya na marama ni Sunemi.
26Mo cici mada, mo tavaki koya, ka kaya vua, ‘O bulabula vinaka tiko li? E bulabula vinaka tiko li na watimu? E bulabula vinaka tiko li na gone?’ ” A sa kaya ko koya, “Sa vinaka tiko.”
27Ia ni sa yaco vua na tamata ni Kalou ko koya na marama ki na ulunivanua, sa mokota na yavana. A sa toro ko Keasi, me biliga tani. Ia sa kaya na tamata ni Kalou, “Mo laiva ga, ni sa rarawa na yalona, ka sa vunia vei au ko Jiova, ka sega ni tukuna vei au.”
28A sa kaya na marama, “Au a kerea li vei iko na noqu turaga e dua na luvequ tagane? Au a sega beka ni kaya, ‘Mo kakua ni vakaisini au’?”
29Sa qai kaya vei Keasi ko Ilaisa, “Mo vauca na tolomu, ka kauta na noqu i titoko e ligamu, ka lako yani. Kevaka drau sota kaya e dua na tamata, mo kakua ni veikidavaki kaya; ia kevaka sa veikidavaki kei iko, mo kakua ni vosa vua. Ia mo la'ki vakotora na noqu i titoko e na mata ni gone.”
30A sa kaya na tina ni gone, “Me vaka sa bula ko Jiova, ka me vaka sa bula na yalomu, ka'u na sega ni lako tani vei iko.” A sa cavu tu ko Ilaisa, ka muri koya.
31A sa lako yani ko Keasi, ka liu vei iratou, ka vakotora nai titoko e na mata ni gone; ia sa sega ni dua na rorogo se nai vakatakilakila ni bula. A sa lesu tale mai me tavaki koya, ka sa tukuna vua, “Sa sega ni yadra na gone.”
32Ni sa yaco ki na vale ko Ilaisa, a sa raica ni sa mate no na gone ka sa koto e na nona i mocemoce.
33Sa curu ki loma ko koya, ka sogolati rau e loma, ka sa vakamamasu vei Jiova.
341Tui 17.21A sa qai lako cake, ka davo e dela ni gone, na gusuna ki na gusu ni gone, kei na matana ki na mata ni gone, kei na qeteqete ni ligana ki na qeteqete ni liga ni gone. A sa davo e delana, ka sa katakata mai na yago ni gone.
35A sa duri cake, ka veilakoyaki voli e loma ni vale, ka sa la'ki davo tale e delana. A sa suru vakavitu na gone, ka sa rai na gone.
36A sa kacivi Keasi ko koya, ka kaya, “Mo kaciva na marama ni Sunemi oqo.” A sa kacivi koya. Ia ni sa curu mai, sa kaya ko Ilaisa, “Mo keveta cake na luvemu.”
37A sa lako ko koya, ka bale sobu ki na yavana, ka cuva ki na qele. A sa qai keveta cake na luvena ka curu yani.
Cakacaka Veivakurabuitaki e na Kuro Rourou38A sa lesu tale ki Kilikali ko Ilaisa, ka sa dausiga na vanua. Ni ra sa tiko vata kaya ko ira na luvedra na parofita, a sa kaya ko koya vua na nona cauravou, “Me toka mada na kuro levu, ka vakaririga na rourou me kedra na luvedra na parofita.”
39A sa lako yani e dua ki na were, me minika na rourou, ka sa kunea e dua na wa sa tubu wale, ka vetia mai kina eso na vua ni veikau, ka vakasinaita kina na nona i sulu, ka sa lako mai ka roverovea ki loma ni kuro ni rourou, ni ra sa sega ni kila na ka ko ya.
40A ra sa sova yani, me ra kania ko ira na tamata. Ia ni ra sa kania tiko na rourou, era sa qoqolou, ka kaya, “Isa na tamata ni Kalou, sa gaga na lewe ni kuro!” A ra sa sega ni kania rawa.
41A sa kaya ko koya, “Dou kauta mai eso na valawa.” A sa biuta ko koya ki loma ni kuro, ka sa kaya ko koya, “Dou sova yani vei ira na tamata, me ra kania.” A sa qai sega tale ni gaga na lewe ni kuro.
Sa Vakania ko Ilaisa e Le Drau na Tamata42A sa lako mai e dua na tamata mai Peali-salisa, ka sa kauta mai vua na tamata ni Kalou na madrai ni sevu, e ruasagavulu nai buli madrai barile, kei na sola ni sila kei na qana. A sa kaya ko Ilaisa, “Solia vei ira na tamata me ra kania.”
43Ia sa kaya na tamata sa dauqaravi koya, “Me'u na tauca li vakaevei na ka oqo vei ira na tamata e le dua na drau?” A sa kaya ko koya, “Mo tauca ga vei ira na tamata me ra kana, ni sa kaya vakaoqo ko Jiova, ‘Era na kana, ka na vo tale.’ ”
44A sa tauca ko koya e matadra, ka ra sa kana, ka vo tale, me vaka na vosa i Jiova.
Who We AreWhat We EelieveWhat We Do
2025 by iamachristian.org,Inc All rights reserved.
