Josua Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Nai Vola kei Josua e talanoataki kina na nodra curuma vakaukauwa yani na vanua ko Kenani ko ira na Isireli ena ruku ni veiliutaki nei Josua, nai sosomi kei Mosese. Na veika lelevu ka volai ena i vola oqo e wili kina na nodra takosova na Joritani, na ravuti nei Jeriko, na veivaluvaluti levu mai na vanua ko Ai, kei na nodra vakavouya na Isireli na nodra veiyalayalati kei na Kalou. E na veivaluvaluti e yaco, e rawa ni raici kina ni sa dau vala na Kalou e na vukudra na nona tamata e na gauna era “kaukauwa kina ka yaloqaqa” (1.6, 7, 9, 18; 10.25) kei na nodra solia kece na nodra dina vua na Kalou. Ni mai tini nai vola oqo, a sa vakaroti ira na tamata ko Josua me ra dau yalodina tikoga vua na kalou ka talairawarawa ki na nona lewa, ka ra sa vakadonuya na tamata. E dua na tiki ni Vola Tabu kilai levu ena i vola oqo e kaya tiko vakaoqo: Mo ni digitaka edaidai ko koya mo ni qarava… “Ia, koi au kei iratou na noqu lewe-ni-vuvale, keitou na qaravi Jiova ga” (24.15). E sega ni matata se ko cei e vola nai vola oqo, ia sa koto ga kina na nodra i tukutuku ko ira ka bula donumaka na gauna ko ya, ka eso nai tukutuku oqori e vakabauti ni a vola ga ko Josua.Na Lewe ni VolaSa rawai ko Kenani 1.1—12.24

Na wasewasei ni vanua 13.1—21.45

a. Na vanua ena tokalau ni Joritani 13.1-33

b. Na vanua ena ra ni Joritani 14.1—19.51

c. Na veikoro ni vakaruru se i drodro 20.1-9

d. Na nodra veikoro na Livai 21.1-45

Lesu ki na nodra vanua na veiyavusa mai na tokalau 22.1-34

Na vosa ni tatau i Josua 23.1-16

Vakavoui na veiyalayalati mai Sikemi 24.1-33