Jona Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Nai Vola i Jona e duidui mai na nodra i vola na parofita tale eso e nai Vola Tabu, ni oqo e dua nai talanoa sa vakamacalataki kina na nona i lakolako e dua na parofita ka via drotaka na veitalai ni Kalou. A sa vakaroti Jona na Kalou me lako ki Ninive, na koro turaga ni matanitu levu ko Asiria. A sa qai bese ni lako kina ko Jona me tukuna nai tukutuku ni Kalou, baleta ni sega ni vakabauta rawa me na vakayacora dina na Kalou na nona lewa me na vakarusa na koro levu ko ya. Ni sa yaco oti e vica na ka lelevu, sa qai vakadonuya voraki me lako kina; ia a qai vakaveveku mata e muri ni a sega dina ni yaco na veivakarusai ka a la'ki tukuna voli ko koya na kenai tukutuku.Sa vakavotui e nai vola oqo ni sa lewa na Kalou na veika kece sara e bulia. Ia sa bibi cake ni vakavotuya mai na Kalou me Kalou yalololoma ka daulomasoli, a sa vinaka cake vua me vosoti ira na kedra meca na nona tamata ka vakabulai ira, ka me kakua ga ni cudruvi ira ka vakarusai ira.Na Lewe ni VolaA sa talai ko Jona ka qai dro 1.1-17

A veivutuni ko Jona ka la'ki vakayacora 2.1-10

A vunauci Ninive ko Jona 3.1-10

A lomani Ninive na Kalou 4.1-11