1A ra sa buli Easaia na luvena tagane ka gone, me tui me kenai sosomi, ko ira na kai Jerusalemi, ni ra sa vakamatei iratou kecega na luvena tagane era sa qase, ko ira na mataivalu era a lako vata kei ira na kai Arapea ki na koro. A sa tui ko Easaia na luve i Jiorami na tui Juta.
2Sa vasagavulu ka rua na yabaki i Easaia ni sa buli me tui, ka sa lewa e Jerusalemi ka yabaki dua. Na yaca i tinana ko Acalaia na luve i Omirai.
3Sa muria talega ko koya nai valavala ni vale i Eapi, ni sa vakavulici koya ko tinana me cakava na ka ca.
4A sa caka ca e na mata i Jiova me vaka na vale i Eapi; ni ra sa nona i vakavuvuli ni sa mate ko tamana, ka sa rusa kina ko koya.
5Sa muria talega na nodra i vakavuvuli, ka lako vata kei Jiorami na luve i Eapi na tui Isireli me veivala kei Eseeli na tui Siria mai Remoci-kiliati. A ra sa vakamavoataki Jorami ko ira na kai Siria.
6A sa lesu ko koya ki Jesireli me bula mada mai na nona vue ka vuetaki kina mai Rama, ni sa vala kei Eseeli na tui Siria. A sa lako sobu ko Asaraia na luve i Jiorami na tui Juta ki Jesireli me raici Jiorami na luve i Eapi, ni sa tauvi mate ko koya.
7A sa vu mai vua na Kalou na rusa i Easaia ni sa lako mai kivei Jorami. Io ni sa lako mai, sa rau lako vata kei Jiorami me veivala kei Jeu na luve i Nimesai, ko koya ka lumuta ko Jiova me vakawabokotaka na vale i Eapi.
8Ia ni sa vakayacora tiko na cudru ki na vale i Eapi ko Jeu, sa kunei ira na nodra turaga na Juta, kei iratou na luvedratou na taci Easaia, ko iratou sa qaravi Easaia; a sa vakamatei iratou ko koya.
9A sa qarai Easaia ko koya, ka ra sa tauri koya (ni sa vuni tu mai Samaria), ka ra kauta kivei Jeu. Ia ni ra sa vakamatei koya, era sa buluta, ni ra sa kaya, “Sa luve i Josefati, ko koya ka qaravi Jiova e na yalona taucoko.” A sa sega ni kaukauwa na vale i Easaia me ra taura rawa tiko na matanitu.
Sa Taura Vakaukauwa na Veiliutaki ko Acalaia10Ia ni sa raica ko Acalaia na tina i Easaia ni sa mate na luvena, sa ia ko koya ka vakamatea kecega na kawa ni tui e na nodra vale na Juta.
11A sa kauti Joasa na luve i Easaia ko Jiosapeci na luvena yalewa na tui, ni sa butakoci koya mai vei iratou na luve ni tui eratou sa vakamatei, ka kauti rau kei na nona i mei ki na dua na vale ni ka ni mocemoce. A sa vunitaki koya ko Jiosapeci na luve i Jiorami na tui, na wati Jioiata na bete—ni sa gane i Easaia ko koya—me kakua ni kunei koya ko Acalaia, ka sa sega kina ni vakamatei koya.
12A sa tiko vei ira, ka sa vuni tu e na vale i Jiova, ka yabaki ono, ka sa lewa na vanua ko Acalaia.
Who We AreWhat We EelieveWhat We Do
2025 by iamachristian.org,Inc All rights reserved.
