1 Lako 4.22; Maciu 2.15 Ni sa gone ko Isireli, ka'u a lomani koya,
ia ka'u a kaciva na luvequ mai Ijipita.
2Na levu ni noqu kacivi ira,
na levu ni nodra sa lako tani ga mai vei au;
sa ra soro vei ira na Peali,
ia era vakama na ka boi vinaka ki na matakau ceuceu.
3Ia ka'u a vakavulici ira na Ifereimi e na lako,
ka taura na ligadra;
ia era sega ni kila ni'u a vakabulai ira.
4E na dali ni tamata ka'u a tuberi ira,
e nai vau ni loloma.
Ia ka'u a vakataki ira era sa laveta nai vau mai na gusudra,
ia ka'u a tauca vei ira na kakana.
5Era na sega ni lesu tale ki na vanua ko Ijipita,
ia na kai Asiria ena nodra tui ga
ni ra bese ni veivutuni.
6Ia nai seleiwau ena tau ki na nodra veikoro,
ka vakaotia na tabana,
ka kania, e na vuku ni ka era bosea.
7Ia na noqu tamata era sa gu ga me ra vuki tani vei au.
Ni ra kacivi ira me ra lako mai vua sa Cecere,
ia sa sega e dua sa vakacaucautaki koya.
8 Vrua 29.23 Au na laivi iko vakaevei, i Ifereimi?
Au na soli iko yani vakaevei, i Isireli?
Au na soli iko vakaevei mo tautauvata kei Atima?
Au na vakayacori iko vakaevei mo tautauvata kei Sepoimi?
Sa duatani mai na yaloqu e lomaqu;
sa tubu sara mai na noqu dauloloma.
9Au na sega ni vakayacora na noqu cudru katakata;
au na sega ni lesu tale me'u vakarusai Ifereimi;
ni'u sa Kalou, ka'u sega ni tamata,
sai au na Yalosavasava e na kemudou maliwa,
ia ka'u na sega ni cudruva na nodra veikoro.
10Era na muri Jiova,
ena qai tagi ko koya me vaka na laione;
ni sa tagi ko koya,
era na qai lako rerere mai ko ira na luvena mai na ra.
11Era na lako rerere mai Ijipita me vaka na manumanu vuka,
ka vaka na ruve mai na vanua ko Asiria;
ia ka'u na vakaitaukeitaki ira tale e na nodra veivale, sa kaya ko Jiova.
12Sa ra vakavolivoliti au e na lasu ko ira na Ifereimi,
kei na vale i Isireli talega e na veivakaisini;
ia ko ira na Juta sa ra lewa vata tiko kei na Kalou,
ka sa lomadina vua sa Yalosavasava sara.
Who We AreWhat We EelieveWhat We Do
2025 by iamachristian.org,Inc All rights reserved.
