1 Maciu 12.3,4; Mari 2.25,26; Luke 6.3 A sa lako ki Nopi ko Tevita kivei Eiimeleki na bete. A sa rere vakalevu ko Eiimeleki ni sa tavaki Tevita, ka sa kaya vua, “A cava ko sa tiko taudua kina, ka sega na tamata drau sa lako vata kaya?”
2A sa kaya ko Tevita vei Eiimeleki na bete, “Sa vakarota vei au e dua na ka ko koya na tui, ka kaya vei au, ‘Me kakua sara ni dua na tamata me kila na ka ka'u sa talai iko kina, se na ka ka'u sa vakarota vei iko.’ Ia ka'u sa lesi ira na noqu tamata me keimami sota e na dua na vanua sa kilai.
3Ia oqo, a cava beka sa tu vei iko? Mo solia mada mai vei au e lima nai buli madrai, se dua na ka sa tu eke.”
4A sa vosa vei Tevita ko koya na bete, ka kaya, “Sa sega na madrai wale sa tu vei au, sa tu ga na madrai tabu—kevaka walega era sa tabu yalewa ko ira na cauravou.”
5A sa vosa vua na bete ko Tevita, ka kaya vua, “Sa dauvakatabui vakaidina vei keitou na yalewa e na noqu i lakolako me vakaoqo. Sa savasava na nodra i yaya na cauravou ka dina ga ni dau qaravi wasoma nai lakolako vakaoqo. Ena qai vakacava li na kena savasava na nodra i yaya edaidai?”
6Vsoro 24.5-9A sa solia kina vua ko koya na bete na madrai tabu, ni sa sega na madrai tani sa tu mai kea, ia na madrai dauraici ga, ka sa kau tani mai na mata i Jiova, ka me na qai vakaisosomitaki e na madrai katakata e na siga sa kau tani kina.
7A sa tiko mai kea e na siga ko ya e dua vei ira na tamata nei Saula, ni sa wawa tiko e na mata i Jiova. Ia na yacana ko Toeki, e dua na kai Itomi, a nodra turaga nai vakatawa ni manumanu nei Saula.
8A sa kaya vei Eiimeleki ko Tevita, “Sa sega beka ni tu vei iko eke e dua na moto, se dua nai seleiwau? Ni'u sa sega ni kauta mai na noqu i seleiwau se na noqu i yaragi, ni sa vakusakusataki na ka ni tui.”
91Samu 17.51Ka sa kaya ko koya na bete, “Ai seleiwau ga nei Koliaci, na kai Filisitia ko a vakamatea e na buca ko Ela, raica, sa tiko oqo ka sa viviraki e na dua nai sulu e na daku ni efoti. Kevaka ko sa via kauta oqori, mo kauta yani; ni sa sega tale e dua sa tu eke.” A sa kaya ko Tevita, “Sa sega tale e dua e tautauvata kaya; mo solia mai vei au.”
Sa Dro ki Kaca ko Tevita10A sa cavu tu ko Tevita ka dro e na siga ko ya, ni sa rerevaki Saula, ka lako kivei Akisa na tui Kaca.
111Samu 18.7; 29.5Ia sa kaya vua ko ira na tamata nei Akisa, “Sa sega li ni ko Tevita oqo, na tui ni vanua? Era sa sega li ni vakasenuqanuqataki koya ka veisausau ka kaya,
‘Sa vakamatea na veiudolu ko Saula,
kei na veiudolu vakatini ko Tevita’?”
12 Same 56 A sa tugana ki na yalona na vosa oqo ko Tevita, ka sa rere vakalevu e na mata i Akisa na tui Kaca.
13Same 34Ka sai valavala vakatani e na matadra, ka via rairai lialia vei ira, ka vola walega na veisogo ni matamata-ni-koro, ka sa vakasavuya na nona kasivi ki na kumina.
14A sa kaya vei ira na nona tamata ko Akisa, “Dou sa raica gona ni sa lialia na tamata oqo. A cava dou sa kauti koya mai kina kivei au?
15Sa lailai beka vei au na tamata lialia, ka dou sa kauta mai kina na tamata oqo mei valavala vakalialia vei au? Ena lako li mai ki na noqu vale na tamata oqo?”
Who We AreWhat We EelieveWhat We Do
2025 by iamachristian.org,Inc All rights reserved.
