Niemaia 6 - Ai Vola Tabu (Vakadewa Makawa Vakavoutaki 2021)（FRV21）

Sega ni Rerevaka ko Niemaia na Nodra Vere na Meca

1Ia ni sa rogoca ko Sanivalati, kei Topaia, kei Kesemi na kai Arapea, kei ira kecega na neimami meca, ni ka'u sa tara oti na bai, a sa sega ni vo tiko e dua na tikina sa kabasu (ia ka'u sa sega ni vakaduria oti e na gauna ko ya nai sogo ni veimatamata-ni-koro),

2erau sa qai talaki mai vei au ko Sanivalati kei Kesemi, ka kaya, “Tou mai soqoni vata e na dua na koro lailai mai na buca ko Ono.” Ia ka rau a naki ca vei au.

3Au a qai tala eso na tamata vei rau, ka kaya, “Au sa kitaka tiko e dua na cakacaka levu, ka sa dredre kina ni'u lako sobu. Me mudu mei cavai na cakacaka ni'u sa biuta, ka lako sobu vei kemudrau?”

4Ia ka rau a talaki vakava vei au vakaoqo; ia ka'u a vosa tiko vakakina vei rau.

5Sa qai tala tale vei au na nona tamata ko Sanivalati, ka sa kenai kalima oqo, ka sa kauta mai e ligana nai vola sa cecega tu.

6A sa volai kina vakaoqo, “Sa rogovaki voli yani vei ira na veimatanitu tani—ka sa kaya talega ko Kasimu—ni dou sa nanuma vata kei ira na Jiu mo dou vuki tani e na vuku ni ka oqo ko sa viribai, ka mo nodra tui, me vaka na vosa oqo.

7Ko sa lesi ira talega na parofita me vunautaki iko mai Jerusalemi, ka kaya, ‘Sa qai dua na tui mai Juta!’ Ia ena tukuni vua na tui me vaka na vosa oqo. Mo lako mada mai, me tou bose vata.”

8Au a qai talaki vua, ka kaya, “Sa sega ni caka na ka e vaka na nomu vosa, ni ko sa vakasamataka walega e lomamu na ka oqo.”

9Ni ra sa via vakarerei keimami ko ira kece, ni ra kaya, “Ena vakamalumalumutaki na ligadra e na cakacaka, me kakua ni caka.” Ia oqo, kemuni na noqu Kalou, mo ni vakaukauwataka na ligaqu.

10Sa oti, au a qai lako ki na vale i Semaia na luve i Tilaya ka tagane na luve i Meetapeli ka tagane, ko koya sa sogobututaki e loma, ka sa kaya ko koya, “Tou soqoni vata e na vale ni Kalou, e loma ni vale-ni-soro, ia me da sogota nai sogo ni vale-ni-soro, ni ra na lako mai e na bogi me vakamatei iko.”

11Au a qai kaya, “Me dro li na tamata e vakataki au? Ia ko cei beka, ni sa vakataki au tiko, me via curu ki na vale-ni-soro me vakabulai koya? Au na sega ni curu kina.”

12Ka raica, ka'u a kunea ni sa sega ni talai koya na Kalou; a sa parofisaitaki au vakaca vakai koya ga; ni sa voli koya ko Topaia kei Sanivalati.

13Sa voli ko koya, me'u rere kina, ka cakacaka vakakina, ka caka cala, ka me dua na ka me ra vakarogocataki au kina, me ra beitaki au.

14Kemuni na noqu Kalou, mo ni nanumi Topaia kei Sanivalati, me vaka na nodrau i valavala oqo, kei koya na parofita yalewa ko Noataia, kei ira kece na parofita, era a via vakarerei au.

Sa Viri Oti na Bai

15A sa viri oti na bai e na bogi e limasagavulu ka rua, e nai karuasagavulu ka lima ni siga ni vula ko Iluli.

16Ia ni ra sa rogoca ko ira kecega na neimami meca, ka ra sa raica ko ira kecega na veimatanitu tani era sa tiko voleka vei keimami, era sa rere ka velavela vakataki ira; ni ra sa raica sa caka rawa na cakacaka oqo e na vuku ni neimami Kalou.

17Ia e na gauna ko ya era sa vakauta nai vola e vuqa ko ira na turaga ni Juta kivei Topaia, a sa yaco vei ira nai vola mai vei Topaia.

18Ni ra sa lewe vuqa e Juta era sa bubului me totaki koya, ni sa vugoi Sekanaia na luve i Ara ka tagane; ia na luvena tagane ko Joenani sa vakawati kei na luve i Mesulame na luve i Perekaia ka tagane.

19Era sa dautukuna talega na nona cakacaka vinaka vei au, ka tukuna vua na noqu vosa. A sa dauvakauta nai vola ko Topaia me vakarerei au.