1Au sa vosa dina e na mata i Karisito—au sa sega ni vosa lasu; sa vakadinadina talega vei au na noqu lewa-e-loma e na Yalo Tabu—
2ni'u sa rarawa vakalevu ka sa yaluma tikoga na lomaqu.
3Ni ka'u sa daugadreva me'u tawase tani vei Karisito, e na vukudra na wekaqu, ko ira era sa wekaqu dina vakayago.
4Lako 4.22Era sa luve i Isireli, ka ra okati me luvena sa vakabau, a sa nodra nai ukuuku, kei na veiyalayalati, kei na soli ni vunau, kei nai valavala ni soro vua na Kalou, kei na vosa ni yalayala.
5Sa nodra ko ira na qase ni Isireli, a sa tubu mai vei ira na Karisito me vaka na yagona, o koya sa lewa na ka kecega, na Kalou sa vakarokorokotaki ka tawa mudu. Emeni.
6Ia sa sega ni vaka sa sega ni yaco na vosa ni Kalou. Ni ra sa sega ni Isireli dina ko ira kece sa mai vei ira na Isireli,
7Vteki 21.12era sa sega talega ni luvena ko ira kecega na kawa i Eparaama; ia “Na kawa i Aisake ga ena vakatokai me nomu kawa.”
8Sa kenai balebale oqo ni o ira na luvena vakayago era sa sega ni luve ni Kalou, ia na luve ni yalayala ga era sa vakabau me nona kawa.
9Vteki 18.10Ni sa vakaoqo na vosa ni yalayala, “E na gauna vakaoqo ka'u na lako mai, ka na sucu vei Sera e dua na gonetagane.”
10A sa sega ni koya walega; ia ko Repeka talega ni sa kunekune mai vua e dua, a tamada ko Aisake.
11Vteki 25.23Ni rau se bera ni sucu, se rau cakava na ka vinaka se na ka ca (me tudei kina na ka sa lesia eliu ka digitaka na Kalou), sa sega ga e na vuku ni cakacaka, ia e na vukuna ga sa kaciva,
12sa kainaki vua na yalewa ko ya, “O koya sa qase vei rau ena qaravi koya sa gone.”
13Mala 1.2,3Sa vakakina na ka sa volai,
“Au sa vinakati Jekope,
ia ka'u sa cati Iso.”
14A cava me da qai kaya? Sa tu beka vua na Kalou nai valavala tawa dodonu? E segai sara!
15Lako 33.19Ni sa kaya vei Mosese ko koya,
“Au na yalololoma ki vua ka'u sa yalololoma kina,
ka'u na yalovinaka vua ka'u sa yalovinaka kina.”
16Sa qai sega ni yaco e na vukuna sa gadreva, se na vukuna sa cici, ia e na vukuna ga na Kalou sa yalololoma mai.
17Lako 9.16Ni sa kaya vei Fero nai Vola Tabu, “E na vuku ni ka oqo ka'u sa vakaturi iko cake kina, me'u vakatakila vei iko na noqu kaukauwa, me tukuni talega na yacaqu ki vuravura taucoko.”
18O koya oqo sa yalololoma kina ko koya vua sa yalona kina, ka sa vakadomoqataki koya vua sa yalona kina.
Na Cudru kei na Loloma ni Kalou19O na qai kaya vei au, “E na vuku ni cava sa ia tiko kina na veibeitaki ko koya? Ia ko cei sa vorata na nona lewa?”
20Aisea 29.16; 45.9Kakua ni vakaoqo, o iko na tamata, ko cei ko iko mo veileti kaya na Kalou? Ena kaya beka na ka sa caka vei koya sa cakava, “O sa buli au vakaoqo e na vuku ni cava?”
21E sega beka ni veitaliataka na tete ko koya sa dautuli kuro, me cakava kina e na dua bauga nai buli tete, e dua na bilo me talei, ka dua tale me sega ni talei.
22Ia ka vakaevei ke sa vinakata na Kalou, me vakaraitaka na nona cudru, me vakatakila talega na nona kaukauwa, ka sa vosota vakadede sara kina na veika sa cudruvi ka sa vakarau tu me rusa;
23ka vakaevei ke sa kitaka vakakina me vakatakila kina na kena levu ni nona vinaka ki na veika sa lomani, o koya sa vakarautaka eliu ko koya ki nai ukuuku—
24ka wili kina koi keda ga, sa kacivi keda ko koya, ka sa sega walega mai vei ira na Jiu, ia mai vei ira talega na kai matanitu tani?
25Osea 2.23Me vaka talega na ka sa kaya ko koya e nai vola i Osea,
“Au na vakatokai ira era sa sega ni noqu tamata eliu, me ra ‘noqu tamata,’
ko koya talega ka sega ni lomani eliu, ka'u na vakatoka me ‘noqu ka lomani.’ ”
26 Osea 1.10 “Ena yaco talega e na vanua sa kainaki kina eliu vei ira, ‘Sa sega ni noqu tamata koi kemudou,’
era na qai vakatokai kina me ra luve ni Kalou bula.”
27 Aisea 10.22,23 Sa kacivaki ira na Isireli ko Aisea talega, “Kevaka sa tautauvata na kedrai wiliwili na Isireli kei na nuku ni waitui, ia ena bula ga na kena vo;
28ni na vakayacora na nona vosa ko Jiova e vuravura, ka na vakaotia ka sega ni vakalekalekataka.”
29Aisea 1.9Me vaka talega na ka sa kaya eliu ko Aisea,
“Kevaka ka sega ni dua na kawa sa vakalaiva vei keda ko Jiova-ni-lewevuqa,
eda sa vakataki Sotoma,
eda sa tautauvata talega kei Komora.”
Na Masu i Paula me Baleti Isireli30A cava me da qai kaya? O ira na veimatanitu tani, ko ira era sa sega ni muria na veivakadonui, era sa yaco me ra vakadonui, ni ra sa vakadonui e na vakabauta.
31Ia ko ira ga na Isireli, o ira era sa muria na vunau me ra vakadonui kina, era sa sega ni yaco ki na vunau ko ya.
32E na vuku ni cava? Ni ra sa sega ni muria e na vakabauta, e na cakacaka ga ni vunau. Ni ra sa tarabe e na vatu e dauveivakatarabetaki,
33Aisea 28.16me vaka na ka sa volai,
“Raica, au sa tauca mai Saioni na vatu e dauveivakatarabetaki, ka vatu me vakabalei ira ki ra,
ia ko koya yadua sa vakabauta ena sega ni vakamaduataki.”
Who We AreWhat We EelieveWhat We Do
2025 by iamachristian.org,Inc All rights reserved.
