1A sa lako cake ko koya na agilosi i Jiova mai Kilikali ki Pokimi, ka kaya, “Au a kauti kemudou cake mai Ijipita, ka kauti kemudou ki na vanua ka'u a bubului kina vei ira na nomudou qase; ia ka'u a kaya, ‘Au na sega ni biuta na noqu veiyalayalati kei kemudou, ka sega ni mudu.
2Lako 34.12,13; Vrua 7.2-5Ia koi kemudou, dou kakua ni ia na veiyalayalati kei ira na lewe-ni-vanua oqo; dou na talaraka sobu na nodra i cabocabo-ni-soro.’ Ia dou sa sega ni muria na noqu vosa. A cava dou sa cakava kina na ka oqo?
3Ia ka'u a kaya talega kina, Ka'u na sega ni vakasevi ira tani e na matamudou; ia era na vaka na voto ni kau ki na sarisarimudou, ia na nodra kalou dou na temaki kina.”
4Ia ni sa vosataka oti na vosa oqo ko koya na agilosi i Jiova, kivei ira kecega na Isireli, era sa qai tabalaka cake na domodra ko ira na tamata, ka tagi.
5A ra sa vakatoka na yaca ni tikina ko ya ko Pokimi. A ra sa vakacabora mai kea eso nai soro kivei Jiova.
Na Mate nei Josua6Ia ni sa vakatalai ira na tamata ko Josua, era sa dui lako ko ira na Isireli ki na nona i votavota me ra taukena na vanua.
7A ra sa qaravi Jiova ko ira na tamata e na gauna kecega sa bula kina ko Josua, kei na nodra gauna kecega na qase era sa bula tiko ni sa mate ko Josua, era sa raica oti na cakacaka levu kecega sa kitaka ko Jiova e na vukudra na Isireli.
8A sa ciba ko Josua na tamata ni Kalou ko Jiova, na luve i Nuni, ni sa dua na drau ka tini na nona yabaki.
9Josua 19.49,50A ra sa buluti koya e nai yalayala ni nona i votavota mai Timinaca-eresi, mai na vanua veiulunivanua ko Ifereimi, e na Ulunivanua ko Kaasi vaka ki na tokalau.
10A ra sa toki kivei ira na nodra qase ko ira kece talega nai tabatamata ko ya. A sa tubu cake e dua tale nai tabatamata e muri, era sa sega ni kilai Jiova, se na cakacaka ka kitaka ko koya e na vukudra na Isireli.
Na Nodra Sega ni Yalodina na Isireli11A ra sa kitaka na ka ca e na mata i Jiova ko ira na Isireli, ka qaravi ira na Peali.
12Ia era sa biuti Jiova, na Kalou ni nodra qase, o koya ka kauti ira mai na vanua ko Ijipita, a ra sa muria eso na kalou tani mai na nodra veikalou na tamata era tiko vakavolivoliti ira, a ra sa cuva vei ira, ka vakacudrui Jiova.
13Ia era sa biuti Jiova, ka qaravi Peali kei Aseteroci.
14A sa waqa vei ira na Isireli na cudru i Jiova, ka sa soli ira ko koya ki na ligadra na dauvakacaca, ka ra vakacacani ira, a sa volitaki ira ko koya ki na ligadra na nodra meca era sa tiko vakavolivoliti ira; a ra sa sega tale ni tu rawa kina e matadra na nodra meca.
15E na yasana kecega e ra sa lako yani kina, sa veimecaki kei ira na liga i Jiova me ra ca kina, me vaka ka kaya ko Jiova, ia me vaka ka bubului kina vei ira ko Jiova; a ra sa vakaloloma sara.
16Ia sa vakatubura vei ira ko Jiova eso na dauveilewai, era vakabulai ira mai na ligadra era sa dauvakacacani ira.
17Ia era sa sega ga ni vakarorogo kivei ira na nodra dauveilewai, ka ra sa lako vakatani ga ka muria eso na kalou tani, a ra sa cuva vei ira. Era sa vuki kusarawa mai na sala era a lako kina ko ira na nodra qase, era a talairawarawa ki na vunau i Jiova; ia era sa sega ni cakacaka vakakina.
18Ia ni sa vakatubura vei ira ko Jiova eso na dauveilewai, sa tiko vata kaya na dauveilewai ko Jiova, ka sa vakabulai ira mai na ligadra na nodra meca e na gauna kecega ni dauveilewai. Ni sa veivutuni ko Jiova e na vuku ni nodra vuturi e na matadra era dauvakacacani ira ka dauvakararawataki ira.
19Ia ni sa mate na dauveilewai, era sa qai vuki tale, ka uasivi ira na nodra qase e na ca, ni ra muria eso na kalou tani me ra qaravi ira, ka cuva vei ira; era sa sega ni vakacegu mai na nodra i valavala, kei na nodra i tovo vakalomaqa.
20A sa waqa vei ira na Isireli na cudru i Jiova, ka sa kaya ko koya, “Ni ra sa vakacataka na noqu veiyalayalati na tamata oqo, o koya ka'u a vakaroti ira kina na nodra qase, ka sa sega ni vakarorogo ki na noqu vosa,
21au na sega talega ni vakaseva tani e matadra e dua vei ira na veimatanitu ka vo tiko ni sa mate ko Josua,
22me'u vakatovolei ira kina na Isireli, se ra na vakabauta nai vakaro i Jiova ka muria, me vaka era vakabauta ko ira na nodra qase, se segai.”
23Ia sa vosota na veimatanitu oqori ko Jiova, ka sa sega ni vakasevi ira vakusarawa; sa sega talega ni soli ira ki na liga i Josua.
Who We AreWhat We EelieveWhat We Do
2025 by iamachristian.org,Inc All rights reserved.
