1 1Vei 16.34; 2Vei 5.13; 2Vei 7.3; Esera 3.11; Same 100.5; Same 106.1; Same 107.1; Same 136.1; Jere 33.11 Dou vakavinavinaka vei Jiova, ni sa yalovinaka ko koya;
ni sa sega ni mudu na nona loloma!
2Me kaya ko ira na Isireli,
“Ni sa sega ni mudu na nona loloma.”
3Me kaya na vale i Eroni,
“Ni sa sega ni mudu na nona loloma.”
4Me ra kaya ko ira era rerevaki Jiova,
“Ni sa sega ni mudu na nona loloma.”
5Au a masuti Jiova ni ka'u a rarawa;
a sa rogoci au ko Jiova, ka sa vakalalagataki au.
6 Ipe 13.6 Sa totaki au ko Jiova; ka'u na sega ni rere.
A cava beka me ra kitaka vei au ko ira na tamata?
7Sa totaki au ko Jiova kei ira era vukei au;
o koya ka'u na raica ni ra ca ko ira era sa cati au.
8Sa vinaka na vakararavi vei Jiova
ka ca na vakararavi vei ira na tamata.
9Sa vinaka na vakararavi vei Jiova
ka ca na vakararavi vei ira na turaga.
10Era sa vakavolivoliti au na lewe ni veivanua;
ia e na yaca i Jiova ka'u na vakarusai ira!
11Era vakavolivoliti au; io era sa voliti au;
ia e na yaca i Jiova ka'u na vakarusai ira!
12Era sa vakavolivoliti au me vaka na qele ni pi;
era sa bokoci me vaka na buka dolou;
ia e na yaca i Jiova ka'u na vakarusai ira!
13Au a biliraki vakaukauwa ka me'u bale kina,
ia sa vukei au ko Jiova.
14 Lako 15.2; Aisea 12.2 Sa noqu kaukauwa kei na vu ni noqu sere ko Jiova;
ka sa yaco me noqu i vakabula.
15A domo ni reki kei na veivakabulai
sa tiko e nodra veivale na yalododonu;
“Sa gumatua na liga i matau i Jiova;
16na liga i matau i Jiova sa cecere;
na liga i matau i Jiova sa gumatua!”
17Au na sega ni mate, ia au na bula ga,
ka tukuna tiko na cakacaka i Jiova.
18Sa vakanakuitataki au vakalevu ko Jiova,
ia sa sega ni laivi au me'u mate.
19Dou dolava vei au na matamata-ni-koro ni yalododonu,
me'u na curu kina,
ka ia na vakavinavinaka vei Jiova.
20Oqo na matamata-ni-koro i Jiova;
era na daucuru kina na yalododonu.
21Au na vakavinavinaka vei kemuni ni kemuni a vakarorogo vei au,
ka sa yaco me noqu i vakabula.
22 Luke 20.17; Caka 4.11; 1Pita 2.7 Maciu 21.42; Mari 12.10,11 A vatu era sa cata ko ira na matai ni vale
sa yaco me kenai vakadei e na tutu ni vale.
23Oqo na cakacaka i Jiova;
a sa ka e veivakurabuitaki e na matada.
24Oqo na siga sa lesia ko Jiova;
eda na reki ka marau kina.
25 Maciu 21.9; Mari 11.9; Joni 12.13 Au masuti kemuni Jiova, mo ni ia na veivakabulai!
Au masuti kemuni Jiova, mo ni ia na veivakalougatataki!
26 Maciu 21.9; 23.39; Mari 11.9; Luke 13.35; 19.38; Joni 12.13 Sa kalougata ko koya sa lako mai e na yaca i Jiova;
Keimami sa vakalougatataki kemudou mai na vale i Jiova.
27Sa Kalou ko Jiova,
o koya sa vakararamataki keda.
Dou vauca nai soro e na dali
ki na tutuna balavu cake ni cabocabo-ni-soro.
28Sai kemuni na noqu Kalou, ka'u na vakavinavinaka vei kemuni;
Sai kemuni na noqu Kalou, ka'u na vakacaucautaki kemuni.
29Dou ia na vakavinavinaka vei Jiova; ni sa yalovinaka ko koya,
ni sa sega ni mudu na nona loloma.
Who We AreWhat We EelieveWhat We Do
2025 by iamachristian.org,Inc All rights reserved.
