Dauvunau 2 - Ai Vola Tabu (Vakadewa Makawa Vakavoutaki 2021)（FRV21）

Sa Sega ni Yaga na Sasaga ni Vakamarautaki Keda Vakataki Keda

1Au a kaya e lomaqu, “Oqo mada, ka'u na vakatovolei iko e na reki; o koya mo ia mada kina na marau.” Ka raica, oqo talega sa ka wale.

2Au a kaya e na vuku ni dredre, “Sa ka lialia,” kei na vuku ni marau, “A cava na betena?”

3Au a vakasaqara e lomaqu me'u vakamarautaki au e na gunu waini—ni se veituberi tiko na lomaqu e na vuku—kei na sala me'u muria kina nai valavala sesewa, me yacova ni'u sa kila mada se cava beka na ka vinaka ko ya me nodra na luve ni tamata me ra kitaka e ruku ni lomalagi e na veisiga kecega ni nodra bula.

41Tui 10.23-27; 2Vei 9.22-27Au a kitaka eso na cakacaka lelevu me noqu; Au a tara na noqu veivale; Au a tea na noqu loga-ni-vaini:

5Au a cakava na noqu veiwere kei na were ni kau vua vinaka, ia ka'u a tea kina na kau vuata kecega.

6Au a kelia na noqu drano eso, me vakasuasuataki kina na veikau lalai sa tubu cake mai.

71Tui 4.23Au a volia eso na noqu tamata kei na noqu vada, a sa sucu e noqu vale na vada kei na kai vale; au a taukena talega na qele ni bulumakau kei na qele ni sipi na ka levu, ka lailai na nodra kecega era sa liu vei au e Jerusalemi.

81Tui 10.10,14-22Au a kumuna vata talega vei au na siliva kei na koula, kei nai vakacavacava mai vei ira na tui, kei na veivanua-qali. Au a rawata eso na noqu tagane dausere kei na noqu yalewa dausere, kei na ka era daumarautaka na luve ni tamata, ia na ka domo vinaka, ka vuqa na kenai valavala.

91Vei 29.25Ia ka'u a levu, ka uasivi cake vei ira kecega era sa liu vei au e Jerusalemi; ka sa tikotiko ga vei au na noqu vuku.

10Ia na ka kece sa vinakata na mataqu ka'u a sega ni bureitaka kina; ka'u a sega ni tarova na yaloqu mai na dua na ka e marautaki; ni sa daureki na yaloqu e na noqu cakacaka kecega, ia oqo ga na noqu i votavota mai na noqu cakacaka kecega.

11Au a qai vakaraica na cakacaka kecega ka sa cakava na ligaqu, kei na ogaoga ka'u a vakaogai au kina, ka raica, sa ka wale kecega ka sa ka ni oca wale, ka sega na kena yaga e ruku ni mata-ni-siga.

Soli na Vuku kei na Reki ki vua e Vakalomavinakataka na Kalou

12Ia ka'u a qai gole me'u raica nai valavala vuku, kei na ka lialia ka sesewa. Ia ka cava tale me rawata na tamata sa na taravi koya na tui? Sai koya ga sa caka oti eliu.

13Au a qai kunea ni sa sivia na lialia na vuku, me vaka sa sivia na butobuto na rarama.

14A matana na tamata vuku sa toka e na uluna,

ia ko koya na lialia sa lako voli vakabutobuto.

Ia ka'u sa qai kunea ni sa duavata ga na ka sa yacovi ira kecega.

15Au a qai kaya e lomaqu, “Me vaka na ka sa yacova na lialia, sai koya talega sa yacovi au; ia ka mei cavai ka'u a vuku cake kina?” Au a qai kaya e lomaqu, Oqo talega na ka wale.

16Ni rau na sega ni nanumi ruarua na vuku kei na lialia ka sega ni mudu; ka ni na guileca e na gauna mai muri na ka kecega sa tu edaidai. Ia sa mate vakaevei ko koya sa vuku? Me vakataki koya ga na lialia.

17O koya ka'u a cata kina na bula; ni sa ka rarawa vei au na ka sa caka e ruku ni mata-ni-siga, ni sa ka wale kecega, ka sa ka ni oca wale.

18Io, ka'u a cata na noqu cakacaka kecega ka'u a oga kina e ruku ni mata-ni-siga, ni ka'u na laiva vua na tamata ena taravi au

19—ia ko cei e kila se na tamata vuku ko koya se lialia? Ia ena veitaliataka ga na noqu cakacaka kecega ka'u a oca kina, ka cakacaka vakavuku kina e ruku ni mata-ni-siga. Oqo talega na ka wale.

20O koya ka'u a segata kina me'u vakayalolailaitaka na noqu cakacaka kecega ka'u a oga kina e ruku ni mata-ni-siga,

21ni sa dua na tamata sa daucakacaka vakavuku, ka vakayalomatua, ka dodonu, ia ena laiva ga me nona i votavota na tamata sa sega ni oca kina. Oqo talega na ka wale ka ca sara ga.

22Ia ka cava li me nona na tamata e na vuku ni nona cakacaka kecega, kei na ocaoca ni yalona, e na ka sa oga kina ko koya e ruku ni mata-ni-siga?

23Jope 5.7; 14.1Ni sa ka rarawa na nona veisiga kece, ka ka ni vutugu na nona oca; io, sa sega ni cegu rawa na lomana e na bogi. Oqo talega na ka wale.

24 Dvu 3.13; 5.18; 9.7; Aisea 56.12; Luke 12.19; 1Kori 15.32 Sa sega tale na ka e vinaka vua na tamata, ka me kana ga ka gunu, ka vakaceguya na yalona e na kena vinaka ni nona cakacaka. Oqo tale ka'u a kunea, ni sa ka mai vua na Kalou.

25Ia ko cei tale me kana, se ko cei tale me uasivi vei au e na marautaka na ka?

26Jope 32.8; Vbale 2.6Ni sa dausolia na Kalou vua na tamata sa vinaka vua na vuku, kei na yalomatua, kei na marau; ia ka sa vota vua nai valavala ca na oca, me kumuna ka binia vata, me mani solia vei koya sa vinaka vua na Kalou. Oqo talega sa ka wale ka sa ka ni oca ga ki na yalo.