Same 48 - Ai Vola Tabu (Vakadewa Makawa Vakavoutaki 2021)（FRV21）

Na Lagilagi kei na Kaukauwa i Saioni A Same. A nodra sere na luve i Kora.

1Sa levu ko Jiova, ka me vakavinavinakataki vakalevu

e na koro ni noda Kalou, na nona ulunivanua tabu.

2

9Keimami a veinanuyaka na nomuni yalololoma, na Kalou,

e loma ni nomuni vale-ni-soro.

10Me vaka na yacamuni, na Kalou, sa vakakina na vakavinavinaka,

me ia vei kemuni ka yacova nai yalayala kei vuravura.

Sa sinai na ligamuni matau e na cakacaka dodonu.

11Me reki na Ulunivanua ko Saioni,

me ra marau na goneyalewa ni Juta

e na vuku ni nomuni lewa.

12Dou lako voli mai Saioni, ka vakavolivolita,

wilika na kena veivale cecere,

13vakaraica vinaka na kena bai;

vakananuma na kena veivale vakaturaga,

mo dou tukuna ki nai tabatamata ena muri mai

14ni sa noda Kalou ka tawa mudu,

na Kalou oqo.

Ena tuberi keda ko koya ka yacova na noda mate.