1 Esera 5.2; Vtaki 12.10 Ia sa vakatakilai Josua na bete levu vei au, sa wavu tu ko koya e na mata ni agilosi i Jiova, ia ko Setani sa wavu tu ki ligana i matau me nona meca.
2Juta 1.9A sa kaya vei Setani ko Jiova, “Me vunauci iko, Setani, ko Jiova! Io, me vunauci iko ko Jiova, o koya sa digitaki Jerusalemi. Sa sega beka ni dua na tiki ni buka oqo sa kaliraki mai na bukawaqa?”
3Ia ko Josua sa vakaisulu e nai sulu dukadukali, ka sa wavu tu e na mata ni agilosi.
4A sa kaya ko koya vei ira era wavu tu e matana, “Dou luvata tani vua nai sulu dukadukali.” A sa kaya vua, “Raica, au sa vakaseavutaka tani vei iko na nomu caka cala, ia ka'u na vakaisulutaki iko e nai sulu vou.”
5Au sa qai kaya, “Me ra vakaisalataki koya e nai sala vakabete sa savasava.” A ra sa vakaisalataki koya e nai sala vakabete sa savasava, ka vakaisulutaki koya e nai sulu. Ia na agilosi i Jiova sa wavu tu e kea.
6A sa vakadinadina vei Josua na agilosi i Jiova, ka vaka,
7“Sa kaya vakaoqo ko Jiova-ni-lewevuqa: Kevaka ko na muria na noqu sala, ka vakabauta na noqu i lesilesi, ko na qai lewa na noqu vale, ka vakatawa talega na noqu lomanibai, ia ka'u na solia vei iko na yasana mo lako voli vata kina kei ira era wavu tu oqo.
8Jere 23.5; 33.15; Saka 6.12Mo rogoca mada, i Josua na bete levu, o iko kei ira na nomu i tokani era tiko e matamu! Ni ra sai vakatakilakila ko ira oqo; ni sai au, raica, ka'u na kauti koya mai na noqu tamata na Coke.
9Ka raica, na vatu ka'u a viritaka e na mata i Josua; e na dua ga na vatu ena vitu na matana: raica, oi au ka'u na ceuta na kenai ceuceu, sa kaya ko Jiova-ni-lewevuqa, ia ka'u na kauta tani na caka cala ni vanua ko ya e na dua bauga na siga.
10Maika 4.4E na siga ko ya, sa kaya ko Jiova-ni-lewevuqa, dou na dui kaciva na kai nomudou me mai tiko e na ruku ni vaini kei na ruku ni lolo.”
Who We AreWhat We EelieveWhat We Do
2025 by iamachristian.org,Inc All rights reserved.
