1 Roma 15.25,26 Ia e na vuku ni soli me nodra era sa lotu, me vaka ka'u sa vakarota vei ira na veisoqosoqo lewe ni lotu mai Kalatia, mo dou kitaka talega vakakina koi kemudou.
2E nai matai ni siga ni macawa, mo dou dui tugana nai yau eso me tu, me vaka sa vakalougatataki kina ko koya, me kakua kina ni caka na soli ni kau sa lako yani.
3Ni'u sa tadu yani, o iratou dou na vinakata ka'u na talai iratou me ratou kauta nai vola eso kei na nomudou i loloma talega ki Jerusalemi.
4Ia kevaka sa yaga me'u lako talega koi au, eratou na lako vata kei au.
Nai Naki i Paula5 Caka 19.21 Ia ka'u na sikovi kemudou yani ni'u sa lako curumi Masitonia—ni ka'u vinakata tiko me'u lako curumi Masitonia—
6ka'u na tiko beka vei kemudou, se me'u laki donumaka yani na vula i liliwa, mo dou dauvukei au kina e na noqu veitosoyaki, ki na vanua cava ga ka'u na lako kina.
7Ni'u sa sega ni via raici kemudou ga vakalekaleka e nai lakolako oqo, ia ka'u sa nuitaka tikoga me da wasea vata e dua na gauna, ke sa vakatara na Turaga.
8Vsoro 23.15-21; Vrua 16.9-11
Caka 19.8-10Ia ka'u na tiko ga mai Efeso me yacova na siga ni Penitiko,9ni sa dolavi tu vei au na katuba levu ni cakacaka yaga, ka ra sa lewe vuqa talega na dauveivorati.
10 1Kori 4.17 Ia kevaka sa lako yani ko Timoci, dou raica me kakua ni rerevaka e dua na ka vei kemudou, ni sa kitaka ko koya na cakacaka ni Turaga, me vakataki au.
11O koya me kakua kina na tamata me beci koya. Dou vukei koya me lako tu e na vakacegu, me lako mai kina vei au, ni'u sa namaki koya kei iratou na veiwekani.
12Ia e na vuku i Apolosa na wekada, au sa masuti koya vakalevu me lako yani vei kemudou kei iratou na veiwekani, ia sa sega sara ni lomana me lako vei kemudou e na gauna oqo. Ia ni sa dua na gauna vinaka vua, ena qai lako yani.
Na Kena i Tinitini13Dou vakatawa, dou tudei e na vakabauta, dou tamata qaqa, dou gumatua.
14Me caka na ka kecega dou cakava e na yalololoma.
15 1Kori 1.16 Ia ka'u sa masuti kemudou, na veiwekani (dou sa kila na lewe ni vuvale i Setefana, ni sai sevu mai Akaia, a ratou sa soli iratou me ratou qaravi ira era sa lotu),
16mo dou vakamalumalumutaki kemudou vei ira sa vakaoqo, vei ira yadua talega era sa veivuke, ka daucakacaka.
17Ia ka'u sa reki e na nodratou lako mai ko Setefana kei Forituneto kei Akaiko, ni ratou sa cakava na ka sa sega ni rawa vei kemudou.
18Ni ratou sa vakaceguya na yaloqu kei na yalomudou talega. O koya mo dou qai kilai ira era sa vakaoqo.
19Caka 18.2Sa loloma yani vei kemudou na veisoqosoqo lewe ni lotu mai Esia. Sa loloma vakalevu yani vei kemudou ko Akuila kei Virisila e na Turaga, kei ira nai soqosoqo lotu e na nodrau vale.
20Era sa loloma yani vei kemudou na veiwekani kecega. Dou dui veireguci yadua vakai kemudou e na yalosavasava.
21Oi au ko Paula, au sa vola e na ligaqu dina na noqu loloma yani.
22Kevaka sa dua sa sega ni lomana na Turaga ko Jisu Karisito, me cudruvi ko koya. Sa lako mai na Turaga.
23Me tiko kei kemudou na loloma ni Turaga ko Jisu Karisito.
24Me tiko kei kemudou kecega na noqu loloma e na vuku i Karisito Jisu. Emeni.
Who We AreWhat We EelieveWhat We Do
2025 by iamachristian.org,Inc All rights reserved.
