Same 13 - Ai Vola Tabu (Vakadewa Makawa Vakavoutaki 2021)（FRV21）

A Masu ni Kere Veisereki mai na Liga ni Meca Vua nai liuliu ni sere. A Same i Tevita.

1I Jiova, sa vakaevei na kena dede na nomuni guilecavi au? Ena tawa mudu beka?

Ena vakaevei na kena dede na nomuni vunia na matamuni vei au?

2E vakaevei beka na kena dede me'u vosota tiko kina na mosi ni yaloqu,

kei na rarawa ni lomaqu e na veisiga?

E vakaevei li na kena dede me rawai au tiko na noqu meca?

3I Jiova na noqu Kalou! Mo ni nanumi au ka rogoci au mada!

Vakararamataka na mataqu, de'u moce ka mani mate sara,

4de ra kaya na noqu meca, “Au sa rawai koya sara”;

de ra reki ko ira sa vakararawataki au ni'u sa yavalati.

5Ia koi au, ka'u sa vakararavi ga ki na nomuni loloma tudei;

ena reki na yaloqu ni kemuni sa ia na veivakabulai.

6Au na sere vei Jiova,

ni sa caka vinaka vakalevu vei au ko koya.