1 Vrua 17.17 A sa vinakati ira e le vuqa na yalewa era yalewa tani ko Solomoni, kei koya na luve i Fero, io, ko ira na yalewa ni Moapi, ko ira na yalewa ni Amoni, ko ira na yalewa ni Itomi, ko ira na yalewa ni Saitoni, kei na Itaiti,
2Lako 34.16; Vrua 7.3,4mai na veimatanitu ka kaya kina ko Jiova vei ira na Isireli, “Dou kakua ni vakawati kei ira, me ra kakua talega ni vakawati kei kemudou, ni ra na vukica vakaidina na lomamudou me muri ira na nodra kalou.” Sa kabiti ira oqo ko Solomoni e na dodomo.
3A sa le vitu na drau na watina, era marama, ka le tolu na drau na watina lalai, ka ra sa vukica vakatani na lomana ko ira na watina.
4Ni sa qase mai ko Solomoni, sa vukica na yalona ko ira na watina me muri ira na kalou tani, ka sa sega ni dodonu na yalona vei Jiova na nona Kalou, me vaka na yalo i Tevita na tamana.
5Ni sa muri Asetoreci ko Solomoni na nodra kalou yalewa na kai Saitoni, ka muri Milikomi na nodra ka vakasisila na luve i Amoni.
6A sa cakava na ka ca ko Solomoni e na mata i Jiova, ka sega ni muri Jiova sara, me vaka sa kitaka ko Tevita na tamana.
7Sa qai tara ko Solomoni na tikina cecere me nei Kimosi, na nodra ka vakasisila na Moapi, e na ulunivanua sa donui Jerusalemi, ka me nei Moloke talega na nodra ka vakasisila na luve i Amoni.
8A sa kitaka vakakina e na vukudra na watina kecega era lako mai na vanua tani, era sa vakama na ka boi vinaka ka vakacaboisoro vei ira na nodra kalou.
9A sa cudru vei Solomoni ko Jiova, ni sa vuki tani na yalona vei Jiova na nodra Kalou na Isireli, o koya ka rairai vakarua vua,
10ka vunau vua e na vuku ni ka oqo, ka me kakua ni muri ira na kalou tani; a sa sega ni vakabauta ko koya na ka sa vakarota ko Jiova.
11A sa kaya kina vei Solomoni ko Jiova, “Ni ko sa vakaoqo, ka sega ni vakabauta na noqu veiyalayalati kei na noqu i lesilesi ka'u a vakarota vei iko, au na kaliraka tani vakaidina mai vei iko na matanitu, ka solia vua na nomu tamata.
12Ia ka'u na sega ga ni cakava e na nomu gauna e na vuku i Tevita na tamamu; au na kaliraka ga mai na ligana na luvemu tagane.
13Ia ka'u na sega ni kaliraka na matanitu taucoko; au na solia ga e dua na yavusa vua na luvemu e na vuku i Tevita na noqu tamata, e na vuku i Jerusalemi talega, o koya ka'u a digitaka.”
Ko Ira na Meca i Solomoni14A sa vakauqeta ko Jiova e dua na meca vei Solomoni, ko Etati na kai Itomi. O koya e dua vei ira na kawa ni tui Itomi.
15Ni sa tiko mai Itomi ko Tevita, a sa lako cake ko Joape na kavetani ni valu, me buluti ira sa moku, ni sa mokuta oti na tagane kecega mai Itomi
16(ni sa tiko mai kea ko Joape kei ira kecega na Isireli, ka vula ono, me mokuta oti mada eliu na tagane kecega mai Itomi);
17ia sa qai dro ko Etati, ko koya kei ira vata kaya eso na tamata nei tamana era kai Itomi, me ra lako ki Ijipita; ia sa gone lailai ko Etati.
18A ra sa cavu tu mai Mitiani, ka lako ki Perana; a ra sa kauta vata kei ira eso na tamata mai Perana, a ra sa lako ki Ijipita, kivei Fero na tui Ijipita, ka sa solia vua ko koya e dua na vale, ka vota vua na kakana, ka soli vanua vua.
19A sa lomani Etati vakalevu ko Fero, a sa solia kina ko koya na taci watina me watina, io na taci Tapanesi, na ranadi.
20A sa vakasucuma vua ko koya na taci Tapanesi e dua na luvena tagane ko Kinupaca, a sa kalia ko Tapanesi e na vale i Fero. A sa tiko vata kei iratou na gonetagane i Fero ko Kinupaca e na vale i Fero.
21Ia ni sa rogoca ko Etati mai Ijipita ni sa moce vata kei ira na nona qase ko Tevita, ka sa mate ko Joape na kavetani ni valu, sa qai kaya vei Fero ko Etati, “Mo laivi au me'u lako yani, me'u lako ki na noqu vanua.”
22A sa kaya vua ko Fero, “Ia ka cava ko sa dravudravua kina ni ko sa tiko kei au, ko sa gu kina mo lako ki na nomu vanua?” A sa kaya ko koya, “E segai, ia mo laivi au me'u lako ga.”
23Sa vakatura cake na Kalou e dua tale na nona meca, ko Risoni na luve i Elaiata, o koya ka dro tani mai na nona turaga ko Etateseri na tui Sopa.
24A sa vakasoqoni ira vata vua na tamata eso, ka sa yaco me i liuliu ni dua na matailawalawa, ni mokuti ira oti na mataivalu i Sopa ko Tevita. A ra sa lako ki Tamasiko, ka tiko kina, ka lewa mai Tamasiko.
25A sa nodra meca na Isireli ko koya e na gauna kece i Solomoni, ka sa vakaikuritaka na ca ka kitaka ko Etati. A sa vakasisilataki ira na Isireli, ka sa mai lewai Siria ko koya.
Na Yalayala ni Kalou vei Jeropoama26Ia ko Jeropoama na luve i Nipati na kai Efiraca mai Sirata, na tamata nei Solomoni, na yaca i tinana ko Sirua e dua na yada, sa vuki tani ko koya me meca vua na tui.
27Ia oqo na ka sa vuki tani kina me meca vua na tui. Sa tarai Milo ko Solomoni, ka viria na bai-ni-koro i Tevita na tamana ka kabasu.
28Ia sa tamata qaqa ko Jeropoama; a sa raica ko Solomoni ni sa cauravou daucakacaka ko koya, ka sa lesi koya me lewa na cakacaka kecega e na yavusa i Josefa.
29Ia e na gauna ko ya ni sa lako tani mai Jerusalemi ko Jeropoama, sa kunei koya e na sala na parofita ko Eaija na kai Sailo; a sa vakaisulu ko koya e nai sulu vou; a rau sa tiko vakai rau ga e na were.
30A sa taura ko Eaija nai sulu vou ka vakaisulu kina ko koya, ka dresulaka me tinikarua na kena tikina.
31A sa kaya vei Jeropoama, “Mo kauta e tini na tikina; ni sa vosa vakaoqo ko Jiova, na nodra Kalou na Isireli, ‘Raica, ka'u na dresulaka na matanitu mai na liga i Solomoni, ka solia vei iko e tini na yavusa
32(ia ena nona ga e dua na yavusa e na vuku i Tevita na noqu tamata, ka e na vuku i Jerusalemi, na koro ka'u sa digitaka mai na veiyavusa kecega ni Isireli),
33ni ra sa biuti au ko ira, ka soro vei Asetoreci na nodra kalouyalewa na kai Saitoni, kei Kimosi na nodra kalou na Moapi, kei Milikomi na nodra kalou na luve i Amoni; a ra sa sega ni muria na noqu sala, me ra cakava na ka e dodonu vei au, kei na noqu i lesilesi, kei na noqu lewa, me vakataki Tevita na tamana.
34Ia ka'u na sega ni kauta tani na matanitu taucoko mai na ligana, ia ka'u na qisi koya me lewa tiko e na veisiga kecega ni nona bula, e na vuku i Tevita na noqu tamata, o koya ka'u a digitaka, ni sa vakabauta na noqu i vakaro kei na noqu i lesilesi.
35Ia ka'u na kauta tani na matanitu mai na ligana na luvena tagane, ka solia vei iko—oqori na yavusa e tini.
36Ia ka'u na solia e dua na yavusa vei koya na luvena, me dua tikoga kina e mataqu na cina ni noqu tamata ko Tevita mai Jerusalemi, na koro ka'u a digitaka me'u vakatikora kina na yacaqu.
37Ia ka'u na kauti iko, ka ko na lewa kina e na ka kecega sa gadreva na yalomu, ia ko na yaco mo tui Isireli.
38Ia kevaka ko na vakarorogo ki na ka kecega ka'u na vakarota vei iko, ka muria na noqu sala, ka cakava na ka e dodonu vei au, mo vakabauta na noqu i lesilesi kei na noqu i vakaro, me vaka ka cakava na noqu tamata ko Tevita; au na qai tiko vata kei iko, ka tara vei iko na vale dei, me vaka ka'u a tara vei Tevita, ka soli ira na Isireli vei iko.
39Ia ka'u na vakararawataka na kawa i Tevita e na vuku ni ka oqo, ia ka na sega ga ni tawa mudu.’ ”
40A sa segata kina ko Solomoni me vakamatei Jeropoama. Ia sa cavu tu ko Jeropoama, ka dro ki Ijipita, kivei Sisaki na tui Ijipita, a sa tiko mai Ijipita ka me mate mada ko Solomoni.
Na Mate nei Solomoni(2 Veigauna 9.29-31)41Ia na kena vo ni cakacaka i Solomoni, kei na ka kecega sa cakava ko koya, kei na nona vuku, sa sega li ni volai e nai vola ni valavala i Solomoni?
42Ia na gauna ka lewa kina ko Solomoni mai Jerusalemi, vei ira kecega na Isireli, sa vasagavulu na yabaki.
43A sa moce vata kei ira na nona qase ko Solomoni, a sa bulu e na koro i Tevita na tamana; a sa tui ko Reopoama na luvena, me kenai sosomi.
Who We AreWhat We EelieveWhat We Do
2025 by iamachristian.org,Inc All rights reserved.
