1Sa tara oti na nona vale ko vuku,
sa taya na kena duru e vitu.
2Sa vakamatea na nona manumanu, sa ulia na mena waini,
sa vakarautaka talega na nona tepeli.
3Sa talai ira yani na nona goneyalewa, sa kaci tu
e na veitiki ni koro e cecere, ka vaka,
4“Ko koya sa sega ni vuku, me curu mai ki ke!”
Ko koya sa sega ni yalomatua, sa kaya kina vua,
5“Mo lako mai, mo mai kania na noqu madrai
ka gunuva na waini ka'u sa ulia.
6Biuti ira na lialia mo bula kina,
ka muria na sala ni yalomatua.”
7Ko koya sa vunauca na dauveivakalialiai ena kana madua kina;
ia ko koya sa vunauca na tamata ca ena tauvi duka kina.
8Kakua ni vunauca na dauveivakalialiai, de cati iko;
vunauca na tamata vuku, ka na lomani iko.
9Vakavulica na tamata vuku, ka na vuku cake ko koya;
vakavulica na yalododonu, ka na tubu kina e na kila-ka.
10 Jope 28.28; Same 111.10; Vbale 1.7 A rerevaki Jiova na vu ni vuku,
kei na kilai Koya sa Yalosavasava sa ka ni veivakayalomatuataki.
11Ni sai au ga ena vuqa kina na nomu siga,
ka na levu na yabaki ni nomu bula.
12Kevaka ko vuku, sa na nomu na kena yaga;
ia kevaka ko sa beca, a kemu duaduaga na kenai sau.
A Nona i Tovo na Yalewa Lialia13Na yalewa lialia sa daudomolevu;
sa yalowai, ka sega na ka e kila.
14Sa dautiko mai na katuba ni nona vale,
e nai tikotiko e na veitiki ni koro e cecere,
15me kacivi ira era lako vakadodonu tu
e na nodra i lakolako,
16“Ko koya sa sega ni vuku, me curu mai ki ke!”
Ia ko koya sa sega ni yalomatua, sa kaya kina vua,
17“Na wai e butakoci sa kamikamica,
kei na madrai sa laukana lo sa ka vinaka.”
18Ia sa lecava ga ko koya ni ra tiko mai kea ko ira na mate,
io ko ira era a dautiko kaya era sa lewe ni bulubulu mai Eli.
Who We AreWhat We EelieveWhat We Do
2025 by iamachristian.org,Inc All rights reserved.
