Maciu 6 - Ai Vola Tabu (Vakadewa Makawa Vakavoutaki 2021)（FRV21）

Vakavuvuli me Baleta nai Loloma

1

2 “O koya oqo, ni ko sa kitaka nai loloma, mo kakua ni uvuca na davui e matamu, me vaka era daukitaka na dauveivakaisini e na veivalenilotu kei na veigaunisala, me ra dokai kina vei ira na tamata. Au sa kaya vakaidina vei kemudou, Sa tu ga vei ira na kenai sau.

3Ia ko iko, ni ko sa soli ka-ni-loloma, me kakua ni kila na ligamu i mawi na ka sa kitaka na ligamu i matau,

4me vuni kina na nomu i loloma. Ia na Tamamu sa raica na ka e vuni, ena sauma votu vei iko.

Na Masu ni Turaga(Luke 11.2-4)

5

7 “Ia ni dou sa masu, kakua ni vosa balabalavu walega, me vakataki ira na tawa-lotu, ni ra sa nanuma era na rogoci ni ra sa vosa balabalavu.

8O koya mo dou qai kakua ni vakataki ira, ni sa kila eliu na Tamamudou na ka sa yaga vei kemudou, ka sa muri na nomudou kerekere vua.

9O koya mo dou qai masu vakaoqo:

“Tama i keimami mai lomalagi,

me vakarokorokotaki na yacamuni.

10 Me yaco mai na nomuni matanitu.

Me caka na lomamuni e vuravura

me vaka sa caka mai lomalagi.

11 Ni solia mai vei keimami e na siga oqo na kakana e rauti keimami.

12 Ni vosota mada na neimami valavala ca,

me vaka keimami sa vosoti ira era sai valavala ca vei keimami.

13 Ni kakua ni kauti keimami ki na vere,

ka mo ni vakabulai keimami mai na ca.

Ni sa nomuni na matanitu, kei na kaukauwa,

kei na lagilagi, ka sega ni mudu. Emeni.

14 Nai Vakavuvuli me Baleta na Lolo

16 “Ia ni dou sa lolo, kakua ni vakaveveku mata, me vakataki ira na dauveivakaisini, ni ra sa vakatanitaka na matadra, me rairai vei ira na tamata na nodra lolo. Au sa kaya vakaidina vei kemudou, Sa tu ga vei ira na kenai sau.

17Ia ko iko, ni ko sa lolo, lumuta na ulumu, ka tavoya na matamu,

18me kakua ni rairai vei ira na tamata na nomu lolo, vua ga na Tamamu sa tabogo. Ia na Tamamu sa raica na ka sa vuni ena sauma votu vei iko.

Nai Yau mai Lomalagi(Luke 12.33-34)

19 Na Cina ni Yago(Luke 11.34-36)

22 “A cina ni yago na mata. O koya ke sa vinaka na matamu, ena rarama kina na yagomu taucoko;

23ia kevaka e ca na matamu, ena butobuto na yagomu taucoko. Ia kevaka sa butobuto na rarama sa tu e lomamu, ena vakaevei na kena levu ni butobuto ko ya!

Na Kalou kei nai Yau(Luke 16.13; 12.22-31)

24 “Sa sega e dua na tamata sa qarava rawa e le rua na turaga, ni na cata e dua, ka lomani koya kadua, se na kabita e dua, ka beci koya kadua. Dou sa sega ni qarava rawa na Kalou kei nai yau.

Kakua ni Lomaocaoca

25 “O koya ka'u sa kaya kina vei kemudou, Mo dou kakua ni lomaocaoca e na vuku ni nomudou bula, e na ka mo dou kania, se na ka mo dou gunuva, se e na vuku ni yagomudou e na ka mo dou vakaisulu kina. Sa segai li ni ka e bibi cake na bula mai na kakana? Ka segai li ni ka e bibi cake na yago mai nai sulu?

26Dou raica na manumanu vuka, ni ra sa sega ni daukabukaburaki, se dautamusuka, se daukumuna vata ki na lololo; a sa vakani ira na Tamamudou vakalomalagi. Dou sa sega beka ni yaga vakalevu cake vei ira?

27Ia ko cei vei kemudou, ni sa lomaocaoca, sa rawata me vakuria vakalailai ga na siga ni nona bula?

28Ia dou sa lomaocaoca vakacava e na vuku ni sulu? Dou vakananuma na viavia ni veikau, era sa tubu vakaevei; era sa sega ni daucakacaka, se dautali,

29

34 “O koya mo dou qai kakua ni lomaocaoca e na vuku ni mataka, baleta ena qai lomaocaoca na mataka e na vuku ni kena ka. Na leqa ni siga edaidai sa rauta vinaka ga na siga oqo.