Same 4 - Ai Vola Tabu (Vakadewa Makawa Vakavoutaki 2021)（FRV21）

Na Masu ni Kere Veivuke e na Vuku ni Meca Vua nai liuliu ni sere: kei na wa ni vakatagi. A Same i Tevita.

1Mo ni rogoci au ni'u sa tagi, na Kalou ni noqu veivakadonui!

Ko ni a vakalalagataki au ni'u a vakaosoosoi.

Mo ni yalololoma talega mai vei au, ka rogoca na noqu masu.

2Koi kemudou na luve ni tamata,

e bogi vica vata dou na vukica na noqu i ukuuku me ka ni veivakamaduataki?

E bogi vica vata dou na lomana tiko na ka wale, ka dauvakasaqara na lasulasu? Sela

3Ia mo dou kila sa digitaka na tamata yalovinaka ko Jiova me nona;

ena vakarogoci au ko Jiova ni'u sa tagi vua.

4

5Dou vakacabora nai soro e dodonu,

ka vakararavi ga vei Jiova.

6Era lewe vuqa era sa kaya,

“Ko cei ena vakaraitaka vei keda na ka vinaka?

Kemuni Jiova, mo ni vakacilava vei keitou nai serau ni matamuni!”

7Ko ni sa solia vakalevu ki yaloqu na marau

sa uasivi cake mai na nodra marau e na gauna e levu kina na nodra sila kei na waini.

8Au na davo no e na vakacegu, ka moce talega;

ni sai kemuni duaduaga, i Jiova, sa vu ni noqu tiko vinaka.