1 Isi 2.9,10; Aisea 29.11 Au a qai raici koya sa tiko e nai tikotiko-vakaturaga ka taura nai vola na ligana i matau, ko ya sa volai e loma e dakuna talega, sa dregati tu e na drega e vitu.
2Au a raica na agilosi kaukauwa talega, o koya sa kaci e na domo levu, ka kaya, “O cei sa yaga me tevuka nai vola, ka cecega na kena drega?”
3A sa sega e dua mai lomalagi, se e vuravura, se e ruku i vuravura, sa rawata me tevuka nai vola, se rai kina.
4Ia ka'u a tagi vakalevu, ni sa sega ni kune e dua e yaga me tevuka nai vola, se rai kina.
5Vteki 49.9; Aisea 11.1,10Sa qai kaya vei au e dua na qase, “Mo kakua ni tagi. Raica, sa gumatua na Laione ni yavusa i Juta, na Kawa i Tevita, me tevuka nai vola me cecega talega na kena drega e vitu.”
6 Aisea 53.7; Saka 4.10 Au a qai raica e loma ni tikotiko-vakaturaga kei na kedratou maliwa na ka bula e lewe va, kei na kedratou maliwa na qase, e dua na Lami sa vaka sa qai vakamatei, e vitu na nona i leu e uluna, ka vitu na matana, o iratou ga oqo na Yalo ni Kalou e lewe vitu eratou sa talai ki vuravura taucoko.
7A sa lako mai ko koya ka kauta nai vola mai na liga i matau i koya sa tiko e nai tikotiko-vakaturaga.
8Same 141.2Ni sa kauta nai vola ko koya, sa cuva sobu e na mata ni Lami ko iratou na ka bula e le va, kei ira na qase e le ruasagavulu-ka-va era tauyadua na api, kei na veibilo koula sa sinai e na ka boi vinaka, oqori na nodra masu na tamata yalosavasava.
9Same 33.3; 98.1; Aisea 42.10Era sa meketaka na meke vou, ka kaya,
“Oi kemuni sa yaga me kauta nai vola,
me cecega talega na kena drega,
ni kemuni a vakamatei, ka voli keimami e na nomuni dra mai vei ira kecega na veiyavusa,
kei na duivosavosa, kei na veimatanitu, kei na veivanua, me keimami nona na Kalou;
10 Lako 19.6; Vtaki 1.6 ia kemuni sa lesi keimami me keimami tui, me keimami bete talega, vua na neimami Kalou;
ia keimami na lewa tiko e vuravura.”
11 Tani 7.10 Au a qai raica, ia ka'u a rogoca na domo ni agilosi e lewe vuqa, o ira era sa vakavolivolita nai tikotiko-vakaturaga, kei iratou na ka bula kei ira na qase; ia na kedrai wiliwili sa oba vakatini na udolu, ka vuqa tale na udolu,
12era sa kaya e na domo levu,
“Sa yaga na Lami ka vakamatei,
me soli vua na kaukauwa kei nai yau kei na vuku kei na qaqa,
kei na veidokadokai kei na vakarokoroko kei na vakavinavinaka!”
13Ia ka'u a rogoca na ka bula kece mai lomalagi, kei vuravura, kei na ruku i vuravura, kei na wasawasa, kei na ka kecega sa tu kina, ni ra kaya,
“Me ia vua sa tiko e nai tikotiko-vakaturaga, vei koya talega na Lami,
na vakavinavinaka kei na vakarokoroko kei nai ukuuku kei na kaukauwa,
ka sega ni mudu.”
14Ka ratou sa kaya, “Emeni!” ko iratou na ka bula e va. A ra sa cuva sobu ko ira na qase e lewe ruasagavulu-ka-va, ka vakarokoroko vei koya sa bula tikoga ka tawa mudu.
Who We AreWhat We EelieveWhat We Do
2025 by iamachristian.org,Inc All rights reserved.
