1Ia na agilosi keirau sa veivosaki kaya, sa mai vakayadrati au tale, me vaka na tamata sa vakayadrati mai na moce,
2ka kaya vei au, “A cava ko sa raica?” Au a kaya, “Au sa raica e dua nai tutu-ni-cina sa koula taucoko, kei na kena bilo e delana, kei na kena cina e vitu e delana, kei na paipo ni waiwai e vitu ki na cina yadua, e tu e delana.
3Vtaki 11.4A sa rua na vu ni olive sa tu voleka, e dua e nai matau ni bilo, ka dua e na kenai mawi.”
4Ia ka'u a kaya vua na agilosi keirau sa veivosaki kaya, “A cava na ka oqori, noqu turaga?”
5A sa kaya na agilosi keirau sa veivosaki kaya, Sa sega li ni ko kila se cava na ka oqori? Au a kaya, E segai, noqu turaga.
6A sa kaya vei au ko koya, “Sa vakaoqo na vosa i Jiova vei Serupepeli, Sa segai e na qaqa, se na kaukauwa, e na Yaloqu ga, sa kaya ko Jiova-ni-lewevuqa.
7O cei ko iko, na ulunivanua levu? E na mata i Serupepeli ko na vakalolovirataki mo buca. Ia ena kauta mai ko koya na vatu sa kenai vakadei e na tutu ni vale ni sa kailavaki kina, ‘Me kalougata! Me kalougata!’ ”
8A sa yaco tale mai vei au na vosa i Jiova, ka vaka,
9“A liga i Serupepeli sa tauyavutaka na vale oqo; a ligana talega ena vakaotia. Ia dou na kila ni sa talai au mai vei kemudou ko Jiova-ni-lewevuqa.
10Esera 5.2
Vtaki 5.6Ia ko ira sa beca na siga ni veika lalai era na reki, ka ra na raica na vatu i vakarau e na liga i Serupepeli.“Io oqo na mata i Jiova vituvitu ka sa dauvakararai voli e vuravura taucoko.”
11Vtaki 11.4Au a vosa tale, ka kaya vua, “A cava na vu ni olive ruarua oqo e nai matau ni tutu-ni-cina kei na kenai mawi?”
12Au a vosa tale vua e nai karua ni gauna, ka kaya, “A cava na taba ni olive ruarua oqo sa drodro mai kina na waiwai koula ki na paipo ni cina koula ruarua?”
13A sa kaya tale vei au ko koya, “Ko sa sega li ni kila se cava na ka oqo?” Au a kaya, “Io, au sa sega ni kila noqu turaga.”
14Sa qai kaya ko koya, “Koi rau oqo na lewe rua sa lumuti, erau tu e na mata i koya na Turaga ni vuravura taucoko.”
Who We AreWhat We EelieveWhat We Do
2025 by iamachristian.org,Inc All rights reserved.
