1 Veigauna 4 - Ai Vola Tabu (Vakadewa Makawa Vakavoutaki 2021)（FRV21）

Na Kawa i Juta

1O iratou na tagane na luve i Juta: ko Peresi, ko Esironi, kei Kamai, kei Uri, kei Sopali.

2A sa sucu ko Jeaci na luve i Riaia na luve i Sopali; a sa sucu na luve i Jeaci ko Eumai, kei Leati. Oqo na nodra vuvale na kai Sora.

3A sa tubu mai vua na tama i Etama ko ira oqo; ko Jesireli, kei Isima, kei Itipasi; ia na yaca ni ganedratou ko Esile-liponi;

4kei Penueli na tama i Kitori, kei Esa na tama i Usa. O iratou oqo na tagane na luve i Uri, na ulumatua i Efiraca, na tama i Peceliema.

5A sa le rua na wati Asuri na tama i Tikoa: ko Ela kei Neera.

6Ia na luvedrau ko Asuri kei Neera ko Eusami, kei Eferi, kei Temeni, kei Easitari. O iratou oqo na luve i Neera eratou tagane:

7Ia ko iratou na tagane na luve i Ela: ko Sereci, kei Soari, kei Ecinani.

8A sa sucu na luve i Akosi ko Anupi, kei Sopepa, kei na veimataqali i Eareli na luve i Arumi.

9A sa yalovakaturaga cake vei iratou na tacina ko Jepesi; ia na tinana sa vakayacani koya ko Jepesi, ni sa kaya, “Au a vakasucumi koya e na rarawa.”

10A sa masuta na nodra Kalou na Isireli ko Jepesi, ka kaya, “Mo ni vakalougatataki au vakaidina, ka vakalevutaka na noqu yasana, ia me tiko kei au na ligamuni, ia mo ni tarovi au mai na ca, me kakua ni vakararawataki au!” A sa vakayacora na Kalou na ka sa kerea ko koya.

11Ia sa sucu na luve i Kilupi na taci Sua, ko Miri, o koya na tama i Esitoni.

12A sa sucu na luve i Esitoni ko Peci-rafa, kei Pasea, kei Tiina na tama i Irinaasi. O iratou oqo na tamata i Reka.

13Ia na tagane na luve i Kinasi: ko Ocinieli, kei Siraia; ia na tagane na luve i Ocinieli: ko Ecaci, kei Mionocei.

14A sa sucu na luve i Mionocei ko Ofira; a sa sucu na luve i Siraia ko Joape, a tamadra na lewe ni nodra buca na matai; ni ra sa matai.

15Ia ko iratou na tagane na luve i Kelepi na luve i Jifune ka tagane: ko Iru, ko Ela, kei Naami; ia na tagane na luve i Ela: ko Kinasi.

16Kei iratou na tagane na luve i Jialelieli: ko Sifi, kei Sifa, ko Tiria, kei Esareli.

17Ia ko iratou na tagane na luve i Esera: ko Jica, kei Mereti, kei Iferi, kei Jaloni. Ia ko iratou oqo na luve i Picaia na luve i Fero ka yalewa, na wati Mereti; a sa vakasucumi Miriama, kei Samei, kei Isipa o koya na tama i Esitimoa.

18Ia na watina na yalewa ni Juta sa vakasucumi Jireti na tama i Kitori, kei Eperi na tama i Soko, kei Jikucieli na tama i Sanoa.

19Ia ko iratou na tagane na luve ni watina ko Otaia na gane i Neami, na tama i Kila na Kamaiti, kei Esitimoa na Meekataiti.

20Ia ko iratou na tagane na luve i Saimoni: ko Eminoni, kei Rina, ko Penianani, kei Tiloni. Ia na tagane na luve i Isai: ko Soeci kei Peni-soeci.

Na Kawa i Sela

21Ia na tagane na luve i Sela na luve i Juta: ko Eri na tama i Leka, kei Lata na tama i Maresa, kei nai sema ni vuvale ni nodra kawa era sa cakava nai sulu lineni matailalai mai Peci-esipea;

22kei Jokimi, kei ira na tamata mai Kosepa, kei Joasa, kei Sarafi, o koya ka lewa mai Moapi, kei Jasupi-leemi. Ia na veika oqo sa ka makawa.

23O ira oqo na dautuli kuro, kei ira sa dautiko e na loga ni kau kei na bai bula. Era sa tiko mai kea kei na tui me cakacaka vua.

Na Kawa i Simione

24Ko iratou na luve i Simione eratou tagane: ko Nimueli, kei Jamini, ko Jaripi, ko Sira, ko Saula;

25ko Salumi na luvena tagane, ko Mipisami na luvena tagane, ko Misima na luvena tagane.

26Ia na luve i Misima eratou tagane: ko Amueli na luvena tagane, ko Sakuri na luvena tagane, ko Semeai na luvena tagane.

27Ia na luve i Semeai sa le tinikaono na tagane, ka le ono na yalewa; ia sa sega ni le vuqa na luvedra na tacina, a ra sa sega ni tubu na nodra vuvale kecega me lewe vuqa, me vakataki ira na luve i Juta.

28Josua 19.2-8A ra sa tiko mai Peri-sepa, kei Molata, kei na koro ko Suali;

29mai Pila talega, kei Esemi, kei Tolati;

30kei Pecueli, kei Orima, kei Sikilaki;

31kei Peci-makapoci, kei na koro ko Susimi, kei Peci-piri, kei Sereima. O ira oqo na nodra veikoro ka yacova na gauna sa lewa kina ko Tevita.

32Ia na nodra veikoro lalai, ko Etama, kei Eini, ko Rimoni, kei Tokeni, kei Asani, e lima na koro,

33kei na nodra veikoro lalai kecega sa voleka ki na veikoro oqo, ka yacovi Peali. Oqo na nodra i tikotiko, kei na nodra i tabatamata.

34Ia ko Mesopapi, kei Jamileki, kei Josa na luve i Amasaia ka tagane;

35kei Joeli, kei Jeu na luve i Josipaia ka tagane, na luve i Siraia ka tagane, na luve i Esieli ka tagane,

36kei Elioenai, kei Jeekopa, kei Jisoaia, kei Asaia, kei Etieli, kei Jesimieli, kei Penaia;

37kei Sisa na luve i Sifi ka tagane, na luve i Eloni ka tagane, na luve i Jitaia ka tagane, na luve i Simiri ka tagane, na luve i Semaia ka tagane—

38o ira oqo sa cavuti na yacadra era sa turaga e na nodra veivuvale, ka sa tubu na nodra mataqali me ra lewe vuqa sara.

39A ra sa lako ki nai curucuru ki Kitori, ki na yasa ni buca sa donuya na tokalau, me qara na kedra na nodra manumanu.

40A ra sa kunea e dua na vanua veico, ka vinaka, a sa vanua levu, ka tiko vakacegu, ka sa sautu; ni ra sa tiko mai kea eliu na luve i Ame.

41Ia ko ira oqo sa volai na yacadra, era sa lako mai e na gauna i Esekaia na tui Juta, ka samuta na nodra veivale laca, kei ira na kai Maoni sa kune mai kea, ka vakarusa sara ka yacova na siga oqo, ka tiko kina me kedrai sosomi, ni sa tu mai kea na kedra vanua veico na nodra manumanu.

42Ka so vei ira, io vei ira na tagane na kawa i Simione, era lewe lima na drau, era sa lako ki na Ulunivanua ko Sia, a sa nodra turaga ko Pilataia, kei Nearaia, kei Rifaia, kei Usieli, eratou luve i Isai, eratou tagane.

43A ra sa mokuti ira na Amalekaiti sa vo ka ra a dro bula, a ra sa tiko mai kea ka yacova na siga oqo.