1Dou ia na vakamolimoli vei Jiova;
dou masuta na yacana,
dou tukuna voli vei ira na tamata na nona cakacaka.
2Dou sere vua, dou seretaka vua na same;
dou veitukutukunitaka na nona cakacaka mana kecega.
3Dou vakacaucautaka na yacana tabu;
me marau na lomadra era sa qaravi Jiova.
4Dou vakasaqarai Jiova, kei na nona kaukauwa;
dou vakanamata tikoga vua.
5Dou nanuma na nona cakacaka e veivakurabuitaki sa cakava ko koya;
ia, na nona cakacaka mana, kei na lewa ni gusuna.
6Oi kemudou na kawa i Eparaama na nona tamata,
kei na kawa i Jekope sa digitaka ko koya.
7O koya ga ko Jiova na noda Kalou;
sa vakayacori na nona lewa e vuravura taucoko.
8Sa daunanuma ko koya na nona veiyalayalati ka tawa mudu,
na vosa ka vakarota me yacova nai tabatamata e udolu,
9 Vteki 12.7; 17.8; 26.3 na veiyalayalati ka cakava kei Eparaama,
kei na nona bubului vei Aisake,
10 Vteki 28.13 ka sa vakadeitaka vei Jekope mei vunau,
ia vei Isireli me veiyalayalati e sega ni oti,
11ka sa kaya, “Au na solia vei iko na vanua ko Kenani
me nomu i votavota mo taukena.”
12E na gauna era se lewe lailai ga kina,
ka rogo lailai sara, ka vulagi talega kina,
13ka ra lako voli mai na dua na vanua ki na dua tale na vanua,
mai na dua na matanitu ki na dua tale na matanitu,
14 Vteki 20.3-7 sa sega ni laiva ko koya e dua me vakasaurarataki ira;
a sa dauvunauci ira na tui e na vukudra,
15ka kaya, “Dou kakua ni tarai ira na noqu i lumuti,
ka dou kakua ni vakacacani ira na noqu parofita.”
16 Vteki 41.53-57 Sa lewa talega e dua na dausiga me kania na vanua,
sa muduka kecega na kakana era sa bula kina.
17 Vteki 37.28; 45.5 Sa tala e dua na tamata ko koya me liutaki ira;
io ko Josefa, o koya sa volitaki me bobula.
18 Vteki 39.20—40.23 Era vakararawataka na yavana e nai vesu,
sa vau ko koya e na sinucodo kaukamea;
19ka sa yaco mada na siga sa vakayacori kina na nona vosa,
sa vakatovolei koya na vosa i Jiova.
20 Vteki 41.14 Sa talaki na tui ka sereki koya;
io ko koya sa lewai ira na matanitu sa sereki koya sara.
21 Vteki 41.39-41 Sa lesi koya me turaga ni nona vale,
me lewa na nona i yau kecega.
22Me veitalia ga ke via vesuki ira na nona tamata turaga;
ka me vakavukui ira na nona qase.
23 Vteki 46.6; 47.11 A sa qai lako mai ki Ijipita ko Isireli;
ka sa tiko vulagi ko Jekope e na vanua nei Ame.
24 Lako 1.7-14 Ka sa vakalewevuqataki ira sara na nona tamata;
ka sa vakaukauwataki ira ka sa malumalumu na nodra meca.
25Sa vukica na yalodra me ra cati ira na nona tamata,
ka me ra cakacaka vaqaseqase vei ira na nona tamata.
26 Lako 3.1—4.17 Sa talai Mosese na nona tamata ko koya,
kei Eroni ka sa digitaka.
27Erau a vakatakila vei ira na nona i vakadinadina,
kei na cakacaka mana e na vanua nei Ame.
28 Lako 10.21-23 Sa tala ko koya na butobuto ka vakabutobutotaka;
ka ra sa sega ni talaidredre ki na nona vosa.
29 Lako 7.17-21 Sa vukica na nodra wai me dra,
ka vakamatea na nodra ika.
30 Lako 8.1-6 Sa vakatubura vakalevu na boto na nodra vanua,
e na veivale ni moce ni nodra tui.
31 Lako 8.16-17,20-24 Sa vosa ko koya, ka sa lako mai na qele ni lago,
kei na kutu ka robota na nodra vanua taucoko.
32 Lako 9.22-25 Sa vakatauca na uca-cevata mei sosomi ni uca,
kei na yameyame ni bukawaqa e na nodra vanua.
33Sa yavita talega na nodra veivaini kei na vuni lolo;
ka bolaraka na kau ni nodra vanua.
34 Lako 10.12-15 Sa vosa, ka sa lako mai na vodre,
kei na nuve, era sa sega ni wili rawa;
35a ra sa kania kecega na co e na nodra vanua,
ka kania na vuata ni nodra vanua.
36 Lako 12.29 Sa vakamatei ira kece talega na nodra ulumatua e na nodra vanua,
nai matai ni nodra kaukauwa kecega.
37 Lako 12.33-36 A sa kauti ira yani na nona tamata a ra sa vakasiliva ka vakoula,
ka sa sega e dua e na nodra yavusa sa malumalumu.
38Sa reki ko Ijipita ni ra sa lako tani,
ni sa kani ira na rerevaki ira.
39 Lako 13.21,22 Sa tevuka ko koya e dua na o me nodra i vakaruru;
kei na bukawaqa me vakararamataki ira e na bogi.
40 Lako 16.2-15 Era sa kerea, ka sa kauta mai ko koya na toa ni veikau,
Ka sa vakamamautaki ira e na madrai ni lomalagi.
41 Lako 17.1-7; Tiko 20.2-13 Sa vida na uluvatu ko koya,
a sa vure mai kina na wai;
sa dave e na vanua dravuisiga me vaka na uciwai.
42Ni sa nanuma ko koya na nona veiyalayalati tabu,
kei Eparaama na nona tamata.
43A sa kauti ira yani na nona tamata ka ra sa reki,
io na nona digitaki ka ra sa marau.
44 Josua 11.16-23 Sa solia vei ira na nodra vanua na veimatanitu,
ka ra sa taukena na nodra cakacaka na tamata;
45me ra vakabauta kina na nona i vakaro,
ka kitaka tiko na nona vunau.
Dou ia vei Jiova na vakavinavinaka!
Who We AreWhat We EelieveWhat We Do
2025 by iamachristian.org,Inc All rights reserved.
