1Sa qai vosa ko Jope, ka kaya:
2“Ko sa vukea vakacava e dua ni sa sega tu vua na kaukauwa!
Ko sa vukea vakacava na liga i koya sa malumalumu!
3Ko sa vakasalataki koya vakacava sa sega vua na vuku,
ka solia kina e levu nai vakasala vinaka!
4E na veivuke i cei ko sa cavuta kina na vosa,
kei na yalo i cei sa lako mai vei iko?
5Ko ira na mate era sa sautaninini
e ruku ni wai vata kei ira era tiko kina.
6Sa luvawale e na mata ni Kalou ko Etesi,
ka sa sega ni ubi ko Rusa.
7Sa tevuka yani na vualiku mai na vanua lala
ka sa vakarubeci vuravura e na ka sa sega.
8Sa vauca na wai e nona o vavaku,
ka sa sega ni kadresu na o e rukuna.
9Sa vakalatia na mata ni nona i tikotiko,
ka sa tabonaka e na nona o.
10Sa volita na wai e na kenai yalayala,
ka me oti mada na siga kei na bogi.
11Sa sautaninini na duru kei lomalagi
ka sa kidacala ni sa vunauca ko koya.
12Sa wasea na wasawasa e nona kaukauwa,
ka sa vakarusai Reavi e na nona vuku.
13Sa vakaiukuukutaka na lomalagi e na nona i cegu;
sa suaka basika na gata takelo na ligana.
14Raica, oqori ga na nona i valavala vakatikina eso;
ka lailai walega na vakasolokakana eda sa rogoca me baleti koya!
Ia na kurukuru ni nona kaukauwa, ko cei me na kila rawa?”
Who We AreWhat We EelieveWhat We Do
2025 by iamachristian.org,Inc All rights reserved.
