1I Jiova, mo ni nanuma e na vuku i Tevita
na nona rarawa kecega;
2ni sa bubului vei Jiova ko koya,
ka ia na veiyalayalati kei Koya na Kaukauwa i Jekope, ka kaya,
3“Au na sega mada ni curu ki na valelaca ka'u sa tiko kina,
se cabe ki na noqu i mocemoce.
4Au na sega ni solia na mataqu me'u moce,
se na dakudaku-ni-mataqu me sosovu,
5me yacova ni'u sa kunea mada eliu e dua na yasana me nei Jiova,
io e dua nai tikotiko me nei Koya na Kaukauwa i Jekope.”
6 2Vei 6.41,42 Raica, eda a rogoca ni sa tiko mai Efiraca;
eda a kunea e na dua na were mai veikau.
7“Me da mai lako ki na nona vale;
me da cuva e na vakarokoroko e nai tutu-ni-yavana!”
8Mo ni cabe cake, Jiova, ki na nomuni vakavakacegu;
oi kemuni kei na kato ni nomuni kaukauwa.
9Me ra vakaisulu e na yalododonu ko ira na nomuni bete;
ka kaikaila e na reki ko ira na nomuni tamata yalosavasava.
10E na vukuna na nomuni tamata ko Tevita;
me kakua ni gole tani na matamuni mai vua ko ni a lumuta.
11 2Samu 7.12-16; 1Vei 17.11-14; Same 89.3,4; Caka 2.30 Sa bubului vakaidina ko Jiova vei Tevita
ka na sega ni lesu tani mai kina:
“E dua vei ira na luvemu tagane
ka'u na vakatikora e na nomu i tikotiko vakatui.
12Kevaka era na maroroya na noqu veiyalayalati ko ira na luvemu,
kei na noqu vunau ka'u na vakatavulica vei ira,
ena vakatikori talega ko ira na luvedra me sega ni mudu
e na nomu i tikotiko vakaturaga.”
13Ni sa digitaki Saioni ko Jiova;
sa vinakata ko koya me nona i tikotiko:
14“Oqo na noqu i vakavakacegu ka sega ni mudu;
au na tiko ga eke, ni'u sa vinakata.
15Au na vakalougatataka vakalevu na kena kakana;
au na vakamamautaki ira na nona dravudravua e na madrai.
16Au na vakaisulutaki ira talega na nona bete e na bula,
era na kaikaila talega e na reki na nona tamata yalosavasava.
17 1Tui 11.36 Au na cakava me kubu mai kina nai leu i Tevita;
au sa vakarautaka na cina me nei koya ka'u sa lumuta.
18Au na vakaisulutaki ira na nona meca e na madua,
ia ena serau tu e na uluna na nona i sala.”
Who We AreWhat We EelieveWhat We Do
2025 by iamachristian.org,Inc All rights reserved.
