Esera 5 - Ai Vola Tabu (Vakadewa Makawa Vakavoutaki 2021)（FRV21）

Tekivu Tale na Tara ni Valenisoro

1 Akeai 1.1; Saka 1.1 Erau sa qai parofisai ko Akeai na parofita kei Sakaraia na luve i Ito vei ira na Jiu era tiko mai Juta kei Jerusalemi, io vei ira e na yaca ni nodra Kalou na Isireli.

2Akeai 1.12; Saka 4.6-9Sa qai tucake ko Serupepeli na luve i Sialitieli kei Jesua na luve i Josateki, ka vakatekivu me tara na vale ni Kalou mai Jerusalemi; a sa veivuke vei rau koi rau na parofita ni Kalou.

3E na gauna ko ya, sa lako mai vei ira ko Tatinai, na kovana e na tai mai oqo ni uciwai, kei Sicari-posinai, ko ira kei na nodrau i tokani, ka kaya vei ira, “O cei sa vakaroti kemudou mo dou tara na vale oqo, ka viria na bai oqo?”

4Keitou a qai kaya vei ira, ka vaka, “O cei na yacadra na tamata era tara na vale oqo?”

5A sa vakaraici ira tiko na nodra qase na Jiu na mata ni nodra Kalou, me dredre kina na nodra tarovi, ka me yaco mada na ka oqo vei Taraiasi; a ra sa qai vola na kenai sau e na dua nai vola e na vuku ni ka oqo.

6Ai vola era vakauta vei Taraiasi na tui ko Tatinai na kovana e na tai ni uciwai oqo, kei Sicari-posinai, kei ira na nona i tokani na Efasakaiti, era tiko e na tai ni uciwai oqo.

7Era vakauta nai vola vua, a sa volai vakaoqo: “Vei Taraiasi na tui, me nomuni na vakacegu vakaidina.

8Mo ni kila mada na tui, ni keitou a lako ki na vanua qali ko Juta, ki na nona vale na Kalou levu, sa tara e na vatu lelevu, a sa toka na kau e na kena lalaga, a sa caka vakusakusa na cakacaka oqo, ka sa yaco e na ligadra.

9Keitou a qai tarogi ira na qase ko ya, ka vosa vakaoqo vei ira, ‘O cei ka vakaroti kemudou mo dou tara na vale oqo, ka viria na bai oqo?’

10Keitou a taroga talega na yacadra, me vakatakila vei kemuni, me keitou vola na yacadra na tamata era sa liu vei ira.

11A ra a vosa vakaoqo, ka kaya, ‘Oi keimami na nona tamata na Kalou ni lomalagi kei vuravura, ia keimami sa tara na vale ka tara makawa sa vuqa na kena yabaki, ka tara e dua na tui sa turaga levu vei ira na Isireli, ka vakatura cake.

122Tui 25.8-12; 2Vei 36.17-20; Jere 52.12-15Ia ni ra sa vakacudruya na Kalou ni lomalagi ko ira na neimami qase, sa qai soli ira ko koya ki na liga i Nepukanesa na tui Papiloni, na kai Kalitia, o koya ka vakarusa na vale oqo, ka kauti ira vakabobula na tamata ki Papiloni.

13Esera 1.2-11Ia e nai matai ni yabaki i Sairusi na tui Papiloni, sa dua na nona i vakaro ko Sairusi na tui ko ya me tara na vale ni Kalou oqo.

14Ia nai yaya koula talega kei na siliva ni vale ni Kalou, ka kauta ko Nepukanesa mai na vale-ni-soro mai Jerusalemi, ka kauta ki na burekalou mai Papiloni; ia sa kauta tale mai na burekalou mai Papiloni ko Sairusi, ka sa soli vua e dua, na yacana ko Sesipasa, o koya ka lesia ko koya me kovana;

15ka kaya vua, “Mo taura nai yaya oqo, mo lako, ka kauta ki na vale ni Kalou mai Jerusalemi, ia me tara mada na vale ni Kalou e na kena yasana.”

16Sa qai lako mai ko Sesipasa oqo ka vakadavora na yavu ni vale ni Kalou mai Jerusalemi; ia mai na gauna ko ya ka yacova na gauna oqo, sa tara tiko, a sa sega ni oti.’

17Ia kevaka sa vinaka vei kemuni na tui, me sa qarai e na nomuni valeniyau na tui, mai Papiloni, me kilai se sa vakakina se segai, se sa dua nai vakaro i Sairusi na tui me tara na vale ni Kalou oqo mai Jerusalemi; mo ni qai tukuna na lomamuni na tui vei keitou.”