Vakatekivu 25 - Ai Vola Tabu (Vakadewa Makawa Vakavoutaki 2021)（FRV21）

Na Kawa i Eparaama mai vei Ketura(1 Veigauna 1.32-33)

1A sa la'ki vakawati tale ko Eparaama, ia na yaca ni yalewa ko Ketura.

2A sa luvedrau ko Simirani, kei Jokisani, kei Mitani, kei Mitiani, kei Isipaki, kei Sua.

3Ia na luve i Jokisani ko Sipa, kei Titana. Ia na luve i Titana, era tagane, ko Asuri, kei Letusi, kei Leumi.

4Ia na luve i Mitiani era tagane, ko Ifa, kei Iferi, kei Enoke, kei Apaita, kei Elitea. Ko ira kece oqo na luve i Ketura.

5A sa solia ko Eparaama na nona ka kecega vei Aisake.

6Ia vei ira na luvedratou na watina lalai, sa solia eso na ka ni loloma ko Eparaama, ni sa bula tiko ka talai ira tani mai vei Aisake na luvena, vaka ki na tokalau, ki na vanua vaka tokalau.

Na Mate kei na Bulu nei Eparaama

7Ia na yabaki ni bula i Eparaama, ka bula kina ko koya, sa dua na drau ka vitusagavulu ka lima na yabaki.

8Sa qai ciba ko Eparaama, ka mate yani, ni sa qase vinaka mai, ia sa tamata qase, ka yabaki vuqa sara; a sa toki yani vei ira na kai nona.

9Ia koi rau na luvena ko Aisake kei Isimeli, erau a buluta e na qara-vatu mai Makipila, e nona tiki ni vanua ko Efironi na luve i Soari na Itaiti, sa donui Mamire;

10)

31A sa kaya ko Jekope, “Mo volitaka mada e liu vei au na nomu i tutu vakaulumatua.”

32A sa kaya ko Iso, “Raica, ka'u sa vakarau mate; ka cava na kena yaga vei au na noqu i tutu vakaulumatua?”

33 A sa bubului kina vua, ka sa volitaka na nona i tutu vakaulumatua vei Jekope.

34A sa solia vei Iso ko Jekope na madrai kei na kakana damudamu, ka sa kana ka gunu, ka cavu tu, ka lako yani. Ia sa beca ko Iso na nona i tutu vakaulumatua.