1Na luvequ, mo kakua ni guilecava na noqu vunau,
ia me muria tiko na noqu i vakaro na lomamu;
2ni na vakaikuritaki kina vei iko na siga e vuqa,
kei na bula dede, kei na sautu.
3Me kakua ni takali vei iko na yalololoma kei na dina;
mo vakaitaube mada kina,
mo vola sara ki na lomamu.
4 Luke 2.52 Ko na qai kunea na loloma ka rogo vinaka
e na mata ni Kalou kei na mata ni tamata.
5Mo vakararavi vei Jiova e na vu ni yalomu taucoko,
ka mo kakua ni vakararavi ki na nomu kila-ka.
6Mo vakarogotaka vua na nomu sala kecega,
ka na vakadodonutaka na nomu i lakolako ko koya.
7 Roma 12.16 Mo kakua ni nanuma ni ko sa vuku;
mo rerevaki Jiova, ka lako tani mai na ca.
8Ena ka ni bula ki na yagomu
ka vakabulabulataka na nomu sui.
9Mo dokai Jiova e na nomu i yau,
kei nai sevu ni nomu vuata kecega;
10ena qai tawa sara kina na nomu lololo,
ka vuabale na nomu i keli-waini e na waini vou.
11 Jope 5.17 Ipe 12.5,6 Na luvequ, mo kakua ni beca ni sa vakavulici iko ko Jiova,
se yalowai ni sa vunauci iko ko koya,
12 Vtaki 3.19 ni sai koya sa lomana ko Jiova, sa vunauca ko koya,
me vaka sa ia na tamana vua na luvena sa vinakata ko koya.
13Sa kalougata na tamata sa kunea na vuku,
kei na tamata sa rawata na yalomatua,
14ni sa vinaka na dauveivoli kina ka ca na dauveivoli e na siliva,
a kena tubu talega sa vinaka ka ca na kena tubu na koula dina.
15Sai yau levu ko koya, ka sai yau lailai na rupi,
ia na ka kecega ko sa domona sa sega ni yaga me vakatauvatani kaya.
16A bula dede sa tiko e na ligana i matau;
ka sa tiko e na ligana i mawi nai yau kei na vakarokoroko.
17A nona sala na sala ni vinaka,
a nona i lakolako kece talega nai lakolako ni vakacegu.
18A kau ni bula ko koya vei ira era taura;
ka sa kalougata ko koya yadua sa taura matua tiko.
19Sa tauyavutaki vuravura ko Jiova e na nona vuku;
ka sa vakarautaki lomalagi e na nona lewa;
20e na nona yalomatua,
sa basuki kina na wai titobu,
ka sa tau na tegu mai na o.
21Na luvequ, me kakua ni yali e matamu na ka oqori:
mo taura ga na vuku dina kei na lewa vinaka,
22ena qai ka ni bula ki yalomu,
kei na kenai ukuuku ni domomu.
23Ko na qai lako vakavinaka e na nomu sala,
ia ena sega ni tavutu na yavamu.
24Ni ko sa davo sobu, ko na sega ni rere;
io, ko na davo sobu, ka na vinaka na nomu moce.
25Kakua ni ko taqayataka na rere vakidacala,
se na nodra rusa nai valavala ca, ni sa yaco mai;
26ni na nomu ga ko Jiova mo vakararavi vua,
ka na tarova na yavamu ko koya me kakua ni tacori.
27Mo kakua ni bureitaka na ka vinaka vei ira e dodonu me nodra,
ni sa rawa vei iko mo cakava.
28Kakua ni kaya vua na kai nomu, “Mo lako mada, ka qai lako tale mai,
ka'u na qai solia vei iko e na mataka”— ni sa tu ga vei iko na ka ko ya.
29Kakua ni nakita na ka ca vua na kai nomu,
ni sa tiko vakavinaka kei iko.
30Kakua ni veileti walega kei na dua na tamata,
kevaka sa sega ni caka ca vei iko.
31Mo kakua ni vuvutaka na tamata i valavala vakasaurara
ka mo kakua talega ni digitaka e dua na nona sala;
32ni sa ka vakasisila vei Jiova na yalovakatani,
a sa tiko ga kei ira na yalododonu na nona vosa vuni.
33Na cudru i Jiova sa tiko e na nodra vale nai valavala ca,
ia sa vakalougatataka ko koya na nodra i tikotiko na yalododonu.
34 Jeme 4.6; 1Pita 5.5 E dina sa vakalialiai ira ko koya era sa dauveivakalialiai,
ia sa solia na loloma vei ira na yalomalumalumu.
35Ko ira na vuku ena nodra na vakarokorokotaki,
ia sa nodra i votavota na lialia me ra madua.
Who We AreWhat We EelieveWhat We Do
2025 by iamachristian.org,Inc All rights reserved.
